據聞美國又話要修法，我再講多一次，如果689係港獨之父，林鄭就係焦土之母。
你留意下最近建制派，好似集體食左啞藥咁唔出聲。又望下堆司長，割蓆的割蓆，佢當年死保爛保廖偉雄做司長，法律女神變左法律燦神。好啦，依家出左事，呀乜太佢有冇幫佢呀？法律修例但律政司長龜縮深潛，缺席四次保安事務委員會，呢個真係好好野。你當人閨蜜，人地當你龜蛋，女人心海底針，呢啲真係好陰功。我某位朋友當年三番四次叫你唔好要呢個人，你唔聽，結果怪得誰了？講起海底針，葉劉在這時候叫支持修例，擺明係報當年選特首一戰之仇，呢一招綿裡藏針，唔知林鄭會不會倒抽一口涼氣？
最正嘅係，今之少左一班臨時演員出來支持修法愛港大遊行，規模比起當年國教，可謂相去甚遠。好明顯係有人無批budget，至於點解唔批？斷估唔係無錢，咁就好可能係大陸其實覺得JM9？暫時各個線索都指向左兩樣野：
1. 修例好可能唔係大陸本意，林鄭可能真心膠修法，但估唔到原來條法例索連甚廣。簡單來說，即係：玩大左。
2. 中央唔太高興呢場國際公關災難，千辛萬苦搞掂個64 三十週年，擺平各國傳媒仲唔駛俾外國勢力指住個鼻鬧。你條友仔即刻爆單仲大鑊嘅，走去記人老母？喂大佬呀，俾我抖下氣得唔得呀？我叫你溫水煮蛙呀，係溫水呀，唔係胡椒水呀！
我係林鄭，我早兩日真係唔會上電視喊。喊代表咩？代表唔開心囉！唔開心會點？會抑鬱。你知道在中國，官員致死率最高的病是什麼嗎？抑鬱症。
學下中聯辦由18樓搬去2樓，萬一抑鬱病發，最多都係跌斷腳，到時候陪老董一齊搞個風濕者聯盟啦！再唔係，扮出差然後拿拿臨去德國申請政治庇護啦，到時候你仲可以搵返嗰兩個香港細路，好聲好氣啲，佢哋會教你點申請架啦！
最後的最後，我想請走去台灣殺左個女仔嗰個兇手，你最好躲得好好的，並保持樂觀的心境。另一個解局方法，就係兇手畏罪自殺，咁自然唔需要引渡，亦唔需要修例，即刻大團圓結局。
#保重
#快啲叫教育局長俾張不自殺協議書你簽
#香港啲細路都係簽左就唔會死
#堅有用快啲簽
#簽完記得擺上Facebook
#仲有唔好在高處合照
#海航都係失足
怪得誰了 在 女人我最大- 怪得太有趣！到底誰會把餐盤背在身上啦 #小廢包 的必吃
怪得 太有趣！到底誰會把餐盤背在身上啦 #小廢包- 漂亮水水必備https://bit.ly/2StWFhF 美麗快訊LINE給你http://bit.ly/2lPmsOb. ... <看更多>