#小店系列 #性價比爆燈系列
低至$188超新鮮勁高質龍蝦鮑魚雙層海鮮蒸鍋
經過日以繼夜的工作
攰到晚晚響梳化極速昏迷左😴😴
在復活節假期中段
我終於真真正正復活了(乾杯🥂）
立即約好友們出來大食ABC😎😎
今次就勁正咯～～
一齊去食龍蝦鮑魚海鮮蒸鍋🦞🦞🦞
呢間店私藏很久
位於工業區比較隱世
但一直沒有機會試
終於和吃貨好友二話不說就來了
食完真係超級驚喜
食材海鮮全部都係望得見的超級新鮮
份量超多捧住肚走
自助自己蒸海鮮
慢慢一邊傾計一邊蒸
結果食左4個鐘😂😂😂
好似食法國菜咁
連個甜點都非常出色
又係一個性價比爆分的海鮮餐👍🏻👍🏻
講下個海鮮蒸鍋有咩正野食先
圖中係4人份量
睇相都知新鮮到暈
以人頭計每人有：
🦞蒜蓉開邊蒸龍蝦(每人半隻)
❤️活鮑魚(1隻）
🐚鮮活大蜆(1隻)
👅蒜蓉粉絲蒸元貝(1隻)
🐟游水沙巴龍躉
😋鮮甜大蜆
🐔蟲草花雲耳蒸雞
🌽超甜粟米
🍵甜點：手工綠茶芋茸餅
🥣另可三選一湯底(瑤柱排骨粥底/麻辣/芫茜皮蛋）
龍蝦大大隻蒜味夠香
所有貝類鮮甜
鮑魚生猛到邊蒸邊郁
沙巴龍躉蒸得剛好魚肉超滑
手工綠茶芋茸餅即煎熱辣辣勁勁好味👍🏻👍🏻
蒸雞已經飽到食唔落
友人只好打包
叫瑤柱排骨粥底有度好
會留一碗白米俾你最後熬粥(另2個湯底無白米既)
所有海鮮精華落曬粥入面
就咁加少少芫茜蔥食已經勁正
聽埋侍應推薦另加錢order海膽整海膽粥🤤🤤
放海膽入粥水入面淥1-2分鐘
口感更特別
除了海鮮蒸鍋
我地仲另點其他小食小菜
全部都勁好味
首推尖椒重慶皮蛋
透明蛋白流心蛋黃
未試過皮蛋質感咁似溏心蛋
正爆
另一推介係蒸黃金糕
煙煙靱靱唔會甜
仲點了炸大腸、土匪雞翼、燒茄子
真真正正大食ABC架😂😂😂😂😂
又食龍蝦又食鮑魚呀
又咁多海鮮再加幾個小食小菜
正常餐廳食都一定所費不菲啦
呢度價錢與質素完全唔成正比
超抵食仲要抵食到難以置信
以我地4人計
叫左4人龍蝦鮑魚雙層海鮮蒸鍋餐$559
(海鮮份量等同圖片一）
茶位及醬料分別每人$8及$20
六、日及公眾假期附加費另加每位$20
計埋雜費(未計加一)都只係每位$188
真係抵食到痴哂線～～
海膽另加$48
我地4位再加6個小食小菜
每位$290埋單咋
簡直係超平價的高級享受😌😌
海鮮蒸鍋最少2位起
每位$168再加茶位/醬料/假期附加費
都係$228未計加一
真係比出面食平n倍架
平時食一個西餐主菜或意粉都起碼200幾蚊
仲要未必好食架喎
同樣價錢
你已經可以食龍蝦鮑魚
絕對抵食過自己去街市買料整添✌🏻
吃貨好友全部食到大滿足
我呢個美食團團長巧開心😎
我地既美食聚會不經不覺已經有10幾年啦
希望真係可以食食食一齊到老～～～
—————
蜀府川鍋
油塘四山街2號油塘工業大廈3座地下
(油塘港鐵站A1出口行5分鐘
位置非常容易找)
海鮮蒸鍋用餐不設時限
每日晚上6點開始營業
性價比爆燈系列 在 #性價比爆燈 - Explore | Facebook 的必吃
蒙地卡羅式設計風格、裝潢華麗的餐廳嘆美食，真是人生樂事，性價比超高！ ... ，而且品質有保證，它的自助午餐不比晚餐遜色，論性價比午餐更高！ ... <看更多>