【球隊消息】
.
歐國盃四強全數誕生，令人意外既係貴為大熱門既法國經已出局，意味住簡迪、基奧特等人無緣競逐奬項，而另一支勁旅德國亦同樣出局，不過喺四強之中各支球隊都有車路士球員在列，亦即係至少有一名球員能完成全季歐聯及歐國盃大滿貫。
.
四強當中包括英格蘭、意大利、西班牙以及丹麥，哩四支球隊之中其中三支經已喺早前都介紹過，今次反而抽埋無講過既西班牙出黎分享下，鬥牛國今次選入艾斯派古達，個人認為唔多唔少同藍軍勇奪歐聯冠軍有關，加上貴為國家隊正選既皇馬右閘卡華夏今季斷斷續續受傷患困擾，艾斯派古達入選可以話能夠提供到左右二閘既選擇性。
.
不過輪國家隊經驗黎講，其實隊長喺國際賽既履歷並唔豐富，即使早幾年入選亦以後備身份居多，不過隊長既勇態似乎喺今屆歐國盃亦得以延續，更成功取得一個入球，開始奠定正選席位。
.
但以融合度黎講，西班牙相對其餘三支球隊黎講較為失色，以傳控見稱既西班牙缺少以往明星陣容，選入唔少年輕球員加上個別年過三十既舊代球員，除左艾斯派古達外亦有泰亞高、佐迪艾巴、布斯基斯等，安歷基目的似乎都希望能夠以老帶新。
.
由於國家隊既操練時間較短，新面孔同上舊有球員都需要透過賽事提升合作性，而英格蘭、意大利以及丹麥既陣容都早已夾慣夾熟，西班牙難免會比下去，不過最重要既係每名球員都有為國效力既初心，加上今屆賽事都經已出現唔少冷門賽果，誰得走到最後成為冠軍，都依然係未知之數。
.
《岩睇既比個Like支持我地啊！》
作者 : BluexLion車迷手記
圖片來源 : Premier League、Explica.co、Daily Mail、Tribuna.com
-------------------------------
同場加映《令車迷們「瘋狂」的一個暑假 淺談藍軍大灑金錢的一個轉會窗 – 後場篇》
https://bit.ly/2T6r2YE
.
#Chelsea #車路士 #艾斯派古達 #西班牙 #歐國盃
