#小編去開房 之 尖沙咀馬哥孛羅香港酒店「🇩🇪 啤酒節🍻 住宿之旅」
首先，想跪求各酒店唔好再推出有民族服飾 🧝🏼體驗嘅staycation，每次老闆派小編去試玩都深感被人玩居多。
🎊優惠詳情🎊 https://flyagain.la/98550
🎊預訂網址🎊 https://flyagain.la/bccu
📍預訂日期📍 即日起至9月12日23:59
📍入住日期📍 9月3日至10月31日
重點一覽：
😍 升海景房/升豪華客房連三點退房（二選一）
😍價錢劃一$1,022（周末同價，10月1、2月先加$220）
😍超大份in-room晚餐連啤酒
😍有玩樂樓層篤波、掟鏢、層層疊及啤酒節服飾打卡
📝 早餐要另外加錢
詳細分享：
🛏 房間
小編推介選擇升級海景房玩法。酒店有咁上下年紀喺事實，但舊酒店房間空間大，最細都有350呎，附近亦無乜遮擋，呢個價位有咁開掦海景🌊其實都幾難搵。房間可以望晒IFC及ICC，又睇到日落🌄，好開心！大家好關心嘅浴缸🛁，呢間房係有嘅🧖🏻。如果要挑剔，呢兩日太陽好猛，西斜關係間房好曬🥵，小編唔想落廉浪費個景，坐喺窗邊做一陣野頸背已經曬紅咗。
🍽 餐飲
今次主題喺食德國啤酒節食物，可以揀6/7/8點三個時段送餐，小編揀咗8點送餐酒店職員8點就㩒門鐘，見到個餐實物時有啲嚇親，兩枝500ml Erdinger啤酒🍻、前菜、4嚿pretzel🥨 、主菜燒豬膝及紐倫堡式肉腸、甜品Apple Strudel及黑森林蛋糕 🍰，個份量大到兩個大人都唔會食得晒。送餐職員好細心先將前菜+熱食拎出嚟set枱，甜品嘅🍎蘋果酥卷就keep起保溫箱裏面。前菜好開胃，豬膝外皮都保持到脆口，咸香好出配啤酒一流，唔夠啤酒可以加$396叫多6枝啤酒。肉腸同黑森林蛋糕就正常發揮，蘋果酥卷幾足餡料，塊皮放到最後食都好鬆脆，要讚！💯
🎮玩樂
酒店將7樓幾間客房改裝成為啤酒節主題遊戲房，可以玩飛鏢🎯、桌球🎱、氣墊球、足球機⚽️及扑game🎲，仲可以穿上傳統巴伐利亞的服飾打卡，男女裝都有齊，同朋友嚟互相傷害有時幾開心。玩完之後記得去同層嘅禮品換領處拎紀念啤酒杯🍺同紀念帽🎩，返屋企延續啤酒節氣氛。
📄總結
$1,022有海景房連in-room晚餐，仲要佛心weekend同價，非常少見。知你前一晚飲咁多未必早起到身，所以套票唔包早餐，想食先另外加錢。KKday賣到9月12號咋，快啲訂喇。
德國啤酒節食物 在 差旅小秘書- #德國‧#慕尼黑啤酒節THE MUNICH ... - Facebook 的必吃
在慕尼黑啤酒節喝啤酒可是很豪邁的，每一杯都是一升的容量，不怕你多喝，就怕你喝得少了！ 難怪啤酒節消耗的食物跟啤酒都是驚人的多，為期兩周的德國啤酒節 ... ... <看更多>