🚫嚴禁劇透
🚫粗口自行過濾
🚫免批評外表人身攻擊
·
[1230隔夜超短劇評][ViuTV][地產仔][EP01]
·
星期日睇製作特輯，見到演員們拍嘅時候好歡樂，訪問時演員話導演畀佢哋自由發揮，有時佢哋拍完都有種「吓真係得？」嘅疑問。嗰時已經做咗心理準備，套劇應該先笑後有淚嗰種。
·
第1集大部分演員都各自出力搞笑或搞怪，但因為搞笑位冇乜交流，有啲位仲略嫌老套，搞到冇乜火花之餘仲有啲失焦，去到中段吳肇軒稍稍做返重心先好返啲。但佢嗰種嬉皮笑臉畀唔到個角色「好心地」嘅感覺，反而覺得好似有陰謀，可能吳肇軒個樣太精靈。
.
成集都飄吓飄吓，好在一有麥子樂嘅場口就定返啲，壓場感覺好奇妙，唔使出行力都有。其實麥子樂都真心正，幾時有機會擔正？
·
對一班後生演員，仲有浩南哥有期待。希望第2集唔好繼續飄飄吓。
.
[演員表] 吳肇軒 飾 令狐飛 / 廖子妤 飾 魚哥 / 胡子彤 飾 盲雞 / 邱士縉 飾 阿鹿 / 徐浩昌 飾 肥龜 / 陳穎欣 飾 欣豬 / 張文傑 飾 鄧少 / 麥子樂 飾 周全 / 徐穎堃 飾 陳花 / 岑珈琪 飾 鄧文英 / 林家熙 飾 鄧武俊 / 夏韶聲 飾 Uncle雷 / 趙永洪 飾 D打 / 徐廣林 飾 肥文 / 張蔓姿 飾 連姿姿 / 張蔓莎 飾 連莎莎
·
·
#1230隔夜超短劇評 #ViuTV #地產仔 #吳肇軒 #廖子妤 #胡子彤 #邱士縉 #徐浩昌 #陳穎欣 #張文傑 #麥子樂 #徐穎堃 #岑珈其 #林家熙 #夏韶聲 #趙永洪 #徐廣林 #張蔓姿 #張蔓莎
