關於 律師證婚最快 ，我們在網路上蒐集到這些相關的討論、資訊與評價

【記憶倒數】（４）
（１）https://bit.ly/3cO5t9u
（２）https://bit.ly/2SdDMQa
（３）https://bit.ly/3qsdmqz
　
婉晴在醫院昏迷了一整晚，隔天早上像什麼事都沒發生過一樣起來，當然了，她也忘記了昨天所發生的事。
　
「怎麼了？你好像有心事？」婉晴。
「沒事，只是有點累…」我。
「那回家好好休息一下吧～」
「嗯。」婉晴。
　
回家的路程中，我一直不敢正視婉晴，怕會被她看穿我的心思。
　
我很愛婉晴，但…
嗯，我曾經出軌。
　
這件事發生在我向婉晴結婚之前，雖然已經過了一年多，但仍像一根有倒勾的刺扎在我的心裏，每次想起那件事都會隱隱作痛，相信這尖刺會跟著我一輩子。
　
要重提起舊事確實有點難堪，但…我不想對她有任何隱瞞。
　
在我跟上一任女朋友分手之後，便認識了婉晴，我承認當時對婉晴的熱烈追求，某程度上是希望撫慰跟上任分手的傷痛。
　
但跟婉晴在一起之後，我便完完全全地愛上了她，覺得她是我生命中缺失的部分，亦有計劃結婚的想法。
　
然而，我一直跟前任女友暗地裏保持聯絡，雖然我們之間沒有任何出軌的行為，單純互通曖昧的短訊，偶爾會出來吃飯。
　
雖然這樣說很自私，我很愛婉晴，但心裏很不捨那段關係…前任女友也曾向我表示過後悔當時因衝動而跟我分手。
　
不過，現在說什麼都沒用了，出事的那晚，很那種…「非常出事」的出事…
　
要形容的話，不是那種在便利店內偷零食被發現，而是拿著槍械走進銀行搶劫然後被警察拘捕的那種。
　
那晚前任女友在酒吧打電話給我，她說話的拖音含糊不清，一聽就知道喝得大醉，於是我便趕出去找她，她看見我便對我施以窮追猛打，我完全招架不住，就在家裏跟她發生關係。
　
隔天早上，那種愛情劇的劇情竟然真實發生了，我忘了那天是婉晴的休假，她一大清早就來找我，結果一打開門看到我跟前任女友全身光著身子躺在床上。
　
沒有任何可以解釋的餘地，只好不斷向婉晴道歉，最後出動到求婚戒指她才原諒我。
　
結婚之後，婉晴從沒有提起過那件事，也沒對我產生戒心要檢查我的手機，她是一個無論如何都會顧及別人感受的人，換著其他女生，肯定不時就拿著這件事當作把柄，一輩子情緒綁架著對方。
　
不過現在婉晴的記憶每日倒退，情況變得很不一樣。之前的事序是：
　
「被發現出軌」＞「求婚」＞「和好」
　
現在就變成：
　
「和好」＞「求婚」＞「被發現出軌」
　
她會忘記跟我「和好」和「求婚」的事，記憶倒退到腦袋發現我出軌，我記得，當時我花了差不多一星期去挽回她。
　
這次我該怎麼辦呢？
　
日子一天一天逼近，我就像預知道自己的死刑刑期一樣，每天都承受著極大的壓力。幸好就算婉晴察覺到我有不對勁，隔天她就會忘記了，所以，我只要隨便編個藉口蒙混過去就行了…
　
對了！婉晴的記憶每日都會倒退！
也就是說，她的實際記憶，只會維持「一天」！
　　
只要我在她的記憶倒退到發現我出軌的日子，再一次向她求婚就行了！沒錯，我不能被這種怪病牽著鼻子走，我要自行創造幸福的記憶。
　
下定決心之後，我打開日曆，把「求婚」與「結婚」的日子圈起來。
　
當年求婚之後，我很想立即就跟她結婚，所以決定省略所有結婚的儀式，直接去律師樓簽結婚證書，當時的證婚人還只是我們的朋友，連戒指都是簽紙當天才買的。
　
所以，倒退到我們「結婚」的前一天，婉晴一整天臉上都掛著幸福新婚的笑容，雖然沒有特別慶祝，但我們渡過了非常快樂的一天。
　
趁婉晴晚上熟睡後，我便偷偷拿走她的戒指，準備幾天之後，再一次向她求婚。
　
而且，當時因為求婚絕對不能失敗，否則婉晴很可能會跟我分手。所以我特地花了幾晚時間，寫好跟婉晴求婚的誓言，那封誓言我還把它放在抽屜裏保存著。
　
當我從衣櫃的深處拿出那張已經泛黃的誓言時，看著看著，我竟哭得完全不能自控。
　
（待續）
2000like 200share 有下集～！
《屬於香港人》香港歷史小說現已出版！
《阿公講鬼４：魑魅》7月中出貨！
https://bluegodzistore.boutir.com/

大家好，唔知你仲記唔記得一個追左我四年既故事

《弊傢伙，我女朋友有咗》

上年出完實體書，今日我將正文放返上黎，比有追故既朋友睇埋個結尾佢，原諒我咁遲先放，因為我之前想保障返支持我實體書既朋友

但最近我諗通左，反正實體書有額外內容，以後我Post正文就可以，將延續既故事留返比支持既朋友

其他朋友，我都會提供一個完整故事比大家，答謝大家支持

首先！！！

應該唔記得自己睇到邊吧……

不如，我地重頭黎過！！

－－－－－－－－－－－－－－－－－－－

第一回－阿鋒

我中學阿Sir講過，有好多嘢，先後次序調轉咗，就會好事變壞事，其中一樣就係生仔，有小朋友絕對係好事，但未結婚就有小朋友……我唔敢講係好事定壞事，之不過肯定有麻煩，仲要係大麻煩。

我叫阿鋒，剛剛大學畢業，有一個拍咗唔長，亦唔算短嘅女朋友，叫阿儀，我二十四歲嗰年，喺譚仔食緊雞肉墨丸小辣走腐皮嘅時候，當我夾起第三粒墨丸嘅時候……我聽到一個改變我一生嘅消息。

「阿鋒啊……我仲未嚟……」阿儀面色唔太好咁講。

「係囉，我都就食完喇，你個米線仲未到！阿姐！！！差碗嘢！！」我催咗催阿姐，順便吹咗吹粒墨丸。

「唔係啊……我話我仲未嚟M啊……」其實呢一句講得好細聲，我亦屬於耳嗚嗰一類人，但耳仔好似怕我聽唔清，特別開行Turbo咁等我聽得清楚，直情係有震撼嘅感覺。

男人思維，通常係第一時間尋找問題，我好仔細咁諗，唔通係上次？飲咗少少酒，未戴就放咗入去幾吓，喂，幾吓咋喎，阿Sir，比次機會啦！

定係另一次紅燈嗰陣挺而走險，大哥，咁條路無車，唔通唔過咩？

咦，唔係喎……上個月安全期……

「你有冇聽我講嘢㗎？喂……喂……阿鋒……喂……」阿儀嘅聲音將我扯返現實。

「睇住啊，畜牲勿演酸柴清湯！」遲遲未上嘅米線終於到。

我望一望米線，然後用好冷靜嘅聲線同阿姐講：「其實呢……我哋就無叫酸菜，你失驚無神比個酸菜過嚟，我好難食㗎喎，同埋問題唔係我哋鍾唔鍾意食酸菜，而係我哋無叫到嘛，退一萬步就算我鍾意食，你送到上嚟，我呢個Moment唔想食，咁算點先？」

「痴孖根，幫你夾走佢啦！講咁多做乜！」阿姐懶得理我，一句一手將米線拎返走。

阿儀好深沉咁啤住我，我用第三粒墨丸將就快想嘔出嚟嘅兩粒墨丸壓住，然後好平靜咁講：「不如我哋去驗下啦，唔好估估下，有就有，無就無。」

離開譚仔，我行入轉角嘅萬寧，拎起二十八個九嘅驗孕棒，好記得收銀姐姐淡然問：「有冇積分咭。」「無。」「比八達通？」「係。」「要唔要膠袋？」「唔駛。」「多謝支持環保。」

支持環保？無錯……之前我就係為地球出咗一分力，支持環保，所以依家要嚟消費，可以比我揀多次嘅話，我發誓會戴返個套，慳返支驗孕棒，兩害取其輕，前者明顯再環保少少。

喺海港城嘅廁所外面等嘅時候，我打咗比我一個死黨兼好友－肥仔。

「鋒哥？好日唔搵我？你轉行做保險啊？我爛命一條，唔需要喎！」肥仔劈頭一句就將我沉重情緒拉開，證明我打比佢係無錯嘅……

「有樣嘢我唔知同邊個講好，但係我想搵人傾訴，我條女遲咗嚟……」人生中有好多事唔知點開口，而呢樣係其中一樣。

「OMG！Happy Father’s Day！Happy Father to you, Happy Father to you, Happy Father to you, Happy Father to you！」呢一刻，我有種自己係亞視嘅感覺，即係點？即係死咗佢好過囉！

「其實呢……我打嚟想你安慰吓我，你唔安慰都算喇，都唔駛潤我嘛……算喇，唔同你講，下次見獲打獲！」憤怒地掛線之際，仲好清晰聽到肥仔大叫：「爸爸，爸爸，唔好唔要我啊！爸爸……」

咁多人死唔見你個肥仔死，我都唔明點解自己會同一個咁口臭嘅人做兄弟，更加唔知點解鬼掩眼呢個時間打比佢！

利申，我唔係教徒，阿儀都唔係，呢一刻，我好理智咁諗，有咗咁點？

「落咗去！阿仔落咗下層喇。」商場有個男人同佢老婆講。

落咗佢……

我二十四歲，剛剛有份一萬二千八百蚊嘅工，住緊公屋，有三萬八Grant Loan仲未還，部iPhone供緊無耐，下個月嘅情人節禮物我仲煩惱緊……

綜合一切，好似……我未適合做爸爸……

阿儀神色沉重咁走出嚟，我深呼吸咗一口氣等佢宣告自己命運……

「阿鋒啊……你可唔可以認真咁答我一個問題啊？」
「好啊，你問嘅我一向都好認真咁答。」
「如果……我有咗，你會點？」
「呃……有咗……我覺得可以生出嚟嘅……不過……依家我哋事業先剛剛發展，又無樓又未結婚，如果……如果呢一刻我哋……」

「我有咗啊。」

好似粵語殘片咁一道旱天雷打落個頭一樣，我完全無晒意識，阿儀繼續問：「我有咗，所以我哋唔好太多廢話，一句講晒你要定唔要？」

「我……我……」

後來聽阿儀講返，我講「我……」長達五分鐘，而我自己係唔覺嘅……

突然阿儀笑笑口咁講：「我呃你咋！傻瓜！睇吓你，咁驚青，真係有嘅話點做人爸爸啊？」

聽到呢一句嘅我終於醒返，心入面一啖氣呼咗出嚟。

真係要唱返句「來回地獄又折返人間！」

－－－－－－－－－－－－－－－－－－－－－－－－－－

接下來，因為Facebook有字數限制，所以請到Google Doc入面觀看：

http://bit.ly/2MXiCDt

睇到尾，再返黎呢度睇最終回吧

－－－－－－－－－－－－－－－－－－－－－－－－－－

第三十五回－－承諾

大婚當日，最終Kitty都有出現，仲係伴娘，呢段日子我對佢已經無再嬲佢，即使佢係針對我，莫芷盈同我講，對付針對你嘅人，你唯一辦法就係做好自己，拗？有乜用，佢針對你你又點會拗得贏佢呢，要令佢哋失望，就係你活得比佢好。

兄弟到齊時，阿Kent佢拎咗條Banner出嚟，上面寫住立即開門，否則發射卸妝水，仲有幾支裝有不明物體嘅水槍……標叔叔就帶咗一堆破門工程用品，話有乜事就破門而入……肥仔佢話，拎咗個直升機公司電話，後悔的話可以直飛澳門，佢包。

而呢一切，都俾攝影師完全拍低，有時我哋會拎返出嚟睇，阿儀當然睇一次嬲一次話你班咩朋友啊！

最後，動用咗幾多人力物力嘅器材一樣都無用到，大家笑完爽完就正經返，接新娘了。

開門利是，其實流程好一致，一封大，再加一封細，除返開每人一千左右都已經收貨，但都要形式上留難一下大家，添少少再開門，咁先顯得有戰鬥過嘛。

但我嘅開門利是，除咗錢之外，早兩日我問咗阿儀，你班姐妹鍾意咩，最後我每個姐妹都買咗份禮物，有香水、有唇膏等等，俾利是佢哋之餘，我話：「多謝你哋咁多年都照顧住阿儀，陪伴佢成長，作為佢老公，我好想感謝你哋，雖然平時同你哋唔算熟，我相信你哋對我印象都唔會好得去邊，所以我希望你哋可以原諒我，以後大家一齊令阿儀更幸福。」

姐妹們都幾驚訝，對我班兄弟都好似無咁大敵意，果然，雞髀打人牙骹軟。

幾個環節過後，去到最老套嘅愛的宣言，一大篇不平等條約係我面前，我笑咗笑問佢哋：「仲有冇嘢要加？係就一次過喇。」俾著以前，我會好認真咁計較，但依家只係一笑置之。

隔住道門，司儀問有冇嘢想係見新娘子之前講，我話，我想唱一首歌。

雖然，我對周柏豪無乜好感，亦唔喜歡陳詠謙，但呢兩個人嘅《我的宣言》，真係呢個時間我最想唱嘅歌。

阿儀知我鐘意唱歌，佢話夜晚人多，你千祈唔好唱，要唱就朝早唱好喇，當我接到阿儀之後，佢真係好靚，果然一個要萬八一日嘅化妝師唔係惹少，將阿儀嘅美放大好多倍，我望住阿儀，無出聲，只係不停傻笑。

佢問我笑乜，我話，無，覺得你好靚，覺得我執到，覺得你唔好彩，哈哈。

跟住我再問佢，頭先首歌唱成點，佢話：「化妝姐姐話聽過咁多新郎唱歌，你算唱得好。」

我笑住咁拖實佢，開始敬茶。

中段時間無乜特別，都係影相，影到個人笑到好奇怪，阿Kent係我身邊不斷提我，笑啊，笑啊！
笑，其實結婚當日真係幾開心，但真心係攰，原來做主角，每分每秒都為你而生真係好大壓力，加上我一直都好緊張一陣要講嘅嘢，唔知其他人結婚會唔會特別開心，但我肯定係特別攰，終於明洞房花燭夜於現代社會唔存在。

一路影相、迎賓、握手、祝福、感謝，我唔知將來仲會唔會睇返呢張相，亦唔知對方會唔會睇返，但相只係留念，人到就已經好有心了。

律師上場，終於到咗準備證婚嘅環節，我已經知會咗律師將會講少少嘢先證婚，經佢介紹之下，我踏上呢個台，拎起咗一支咪。

「喺證婚之前，我有少少說話想同我未來老婆，以及大家講，相信熟悉我同阿儀嘅朋友都已經知道，我哋係奉子成婚，亦即係之前我哋仲未有結婚打算，直到我哋之間突然出現一個生命，我哋先做呢個決定。

二十四歲呢個年紀，算相當早婚，而且未有經濟基礎之下，呢場婚禮對我哋相當困難，過程之中，我哋都有爭執過，有卻步過，有猶豫過。

婚姻，我覺得係戀愛嘅墳墓，放心，唔係貶義，而係戀愛嘅終結，我哋以另一個形式一齊生活。

我，程日鋒，唔係一個咩絕世好男人，超級荀盤，有阿儀一個咁好嘅女仔肯嫁俾我，係我嘅福氣，係呢段時間入面，我做過好多事令佢傷心難過，唔似得其他新人一樣，大家上嚟讚吓對方感謝一吓，我希望俾到一個最真實嘅自己我老婆。

點解兩個人要結婚？係咪因為佢已經搵到心目中完美嘅另一半？知道對方係樣靚身材正，高富帥，溫柔體貼，無微不至？現實唔會有呢種完美情侶。

我曾經問過阿儀佢點解會肯同我結婚，我相信一定唔係有咗我嘅骨肉，而係，佢明知我有千樣萬樣唔好，佢清清楚楚，而且接受並同意咁做，唔似得大家從未睇過就click嘅條款及細則，阿儀佢每一件事都親身經歷，笑過喊過，但佢都願意接受我呢個人，呢個唔爭氣嘅程日鋒。

婚姻係一場修行，每日都見，會有開心事，但亦會有傷痛，兩個人，係完全獨立，大家唔同背景、文化、性格、習慣，邊個敢肯定自己另一半係Perfect Match？以後嘅日子，我唔敢講一定會令阿儀每日都開心快樂，但我希望無論面對任何事，我哋都可以一齊面對，一齊渡過，一齊解決。

我問過我老豆點樣會令一段婚姻更好，佢話我已經做咗，諗咗好耐我終於明，只要你一直問自己點去令呢段婚姻更好，你已經係做緊。

愛情又好，婚姻又好，無所謂完美，因為人隨時會變，只要佢唔再愛你，再完美嘅人都會離開，結婚從來都唔係終點，律師都唔會保證兩人將來唔會分開，而踏上呢種婚姻嘅賽道上，思考點去令兩個人更好，先係唯一嘅方法。

張佩儀，我應承你，一直都會努力令我哋更幸福，無論咩事都好，我都會對你不離不棄。」

阿儀無出聲望住我講完一切，我再次單膝跪低：「你願唔願意成為我嘅合法妻子啊？」

阿儀示意律師俾支咪佢：「問問問，唔願意仲會係度聽你講咁耐啊！程日鋒，我依家要在座咁多位見証，佢，程日鋒將會一生一世對我張佩儀不離不棄，會好好反省有咩不足，會一直進步，而我張佩儀會一直陪住佢，依靠佢，有咩事都會支持佢，鼓勵佢。

如果你清楚明白並接受的話，你就可以成為我嘅合法丈夫。」

「清楚明白接受！」
「我願意。」

律師佢接返支咪：「好，見証過咁多新人，我都係第一次見咁自動波，雖然佢哋兩人嘅誓辭同普遍唔同，但我相信咁多位來賓都感受到佢哋濃濃嘅愛，亦作出比誓辭更緊密嘅承諾，我在此宣佈兩人，成為合法夫妻。」

終於，我結婚了，終於，這個關於結婚的故事，完結了。

－－－－－－－－－－－－－－－－－－－－－－－

感謝你看了這個長達八萬字的故事

陪伴程日鋒一起成長，見証了一對小情侶在現實之下的掙扎

如果你喜歡這個故事，可以留言購買實體書

實體書會比網上版多了以下內容：

1）莫芷盈
2）五年後的程日鋒
3）蔣薇後記

另外會附送兩個網上故事《商戰》《方舟》，每本正價88元正，留言及分享可獲10元折扣，每本書也會有簽名

想購買的朋友，請留言查詢

亦歡迎大家說說看畢整個故事的感想

如果你是新讀者，可以看看我另一篇長故《老婆最後的十二個難題》

第一回連結如下：
http://bit.ly/37UXIw5

再次感謝，謝謝你花時間看我的文字

【小孩的畫】（５）
（第１集）http://bit.ly/3qGrXOk
（第２集）http://bit.ly/3dyUiCT
（第３集）http://bit.ly/3dwvGue
（第４集）http://bit.ly/2NKpYKA
　
到底何立邦如何得到我的手機呢？
　
唯一的可能性就是，他或他身邊的人曾經是我的客人。當然我沒有見過何立邦，不然我肯定會記得。我從客戶的資料檔案內，也找不到有關何立邦的記錄，也記不起曾經有處理過女客戶有類似的個案。
　
於是，我便從『轉介資料庫』入手，這裏有轉其他診所或醫院，轉介過來的客戶資料，當然有些客戶會在外面找其他心理諮詢師也說不定，所以我對何立邦的老婆沒有印象。
　
但由於我不知道何立邦老婆的名字，所以翻查資料時非常困難，簡直是大海撈針，只能以排除法來尋找可能性比較高的記錄。
　
我整整花了數天來翻閱轉介資料庫的個案紀錄和客戶與診所見面時的錄音，終於…都讓我找到了。
　
錄音的內容有提到何立邦的名字，所以我很確定是他的老婆。但她最後都沒有來找我，可能是她已經發生意外的原因吧。
　
聽完錄音之後我開始覺得…何千娜這個女孩子，變成這樣也不是沒有原因的。
　
　
『我們的對話，你保證不會讓我老公知道嗎？』
『嗯，好吧。』
她說話的語調很慢，但不是氣弱柔絲的那種，單從錄音就能每個字都負載著強烈的情感。
　
『醫生，你結婚了嗎？』
　
『呼…咳咳…』錄音傳出抽煙後咳嗽的聲音，她嗦嗦鼻子後繼續說。
　
『醫生，不用介意唷，我注意到剛才你瞟向戒指時露出幸福的表情，就知道那天應該很開心吧？』
　
『真羨慕你呢，對女人來說，結婚的每一刻，都會深刻地記住一輩子。然而，這些日子對我來說，簡直是災難呢…』
　
『我認識他很多年了，當初認識他的時候，我是第三者…但我沒有破壞別人關係的意思，所以保持在遠遠的距離，一直等待著…』
　
『終於他都與女朋友分手了，我終於得償所願，然而這段快樂的日子沒維持太久。第三者出現了，是他在工作上的同事。立場倒調了呢，是報應吧？』
　
『對了，醫生。你相信有前世今生嗎？也許我上輩子虧欠他太多，今世註定要還給他。」
　
她的敘述非常凌亂，沒有前因後果，這代表她內心被這件事纏繞多時，找不到正常途徑宣洩出去，長期處於沒法承受的悲傷之中。
　
『身邊的朋友，都勸我不要為這個男人浪費時間，為了這件事多次跟家人鬧翻。也許是當局者迷，我並沒有聽從他們的勸阻，一頭裁進去，完全不能自拔。我愛他已經成為一種病態，身邊的朋友也漸漸疏遠我，我也搬出去自己住，跟家人很少聯絡。』
　
『斷斷續續多少年呢？我已經記不清楚了。因為我懷孕了，他終於也願意跟我結婚了。懷孕的方法我可不能告訴醫生你呢。但這不是重點…』
　
『我這麼多年的忍耐並沒有白費，本來我以為，這將會是一個幸福美滿的童話故事，但這一切原來都是幻象。』
　
『由於結婚的事進行得有點急趕，他沒有向我求婚，戒指也是後來補買，用信用卡的積分換來的禮品，是一隻連賊人打劫也不會稀罕的銀戒指。』
　
『拍婚紗照、簽結婚證書、每個過程都讓我丟臉都想自殺。但為了他，我不在乎…』
　
『對了，簽結婚證書當天，我們準時去律師樓，但你知道發生什麼事嗎？哈哈，現在想起來也真好笑呢。我啊……』
　
『沒有人幫我證婚，家人和朋友都不肯來幫我簽證婚紙，我甚至厚著臉皮找公司的同事呢，哈哈，她們把我當成瘋子。我等了這麼多年，終於都開花結果了，結果卻找不到一個人來見證這場婚事。』
　
『我只是深愛一個人，難道有錯嗎？最後，我一個人去律師樓，何立邦與他的家人都在現場了，醫生，你知道我怎樣做嗎？』
　
『哈哈，抱歉…我有點太激動了…哈，眼淚一直流…我控制不了。等等…』
　
我在錄音還能聽到打破玻璃杯的聲音，看來她情緒非常激動。
　
『簽結婚證書的律師樓，有一排座位坐滿了何立邦的家人，我走過去，因為我化了很漂亮的化妝，為了不讓眼淚掉下來，我很小心地說出每一個字。我問他的家人…有沒有人可以幫我做證婚人，我真的真的…很想跟他結婚。』
　
『不過，事情已經過去了。雖然我知道，何立邦的家人，全部都看不起我，每次家庭聚會，從他們的眼神和言行就知道。不過不要緊啊，我跟何立邦幸福就行了，就算這個世界全部人都死光，只剩下我和何立邦兩個，也沒關係。』
　
『結婚沒多久，何千娜就出生了。我的生活被她完全佔據了，為了照顧她，我辭退了工作。也因為太忙的關係吧？我沒時間看管住何立邦，有一次我發現他外面有其他女人…』
　
『醫生，你覺得我疑心太重嗎？怎麼可能，我手抱著仍是嬰兒的何千娜，從他早上離開家便一直跟蹤他一整天，親眼看到他與另一個女人去了時鐘酒店。那天，何千娜一整天沒有喝奶，她一直哭一直哭，要是被何立邦發現我跟蹤他就大件事了，所以我按住她的嘴巴不讓她發出聲音。』
　

『幸好，有途人發現了問我發生什麼事，不然可能會搞出人命，我也只好帶著何千娜回家了。』
　
『我總覺得周圍的所有人都想拆散我們兩個，但後來我也想通了，不可能要全部人一起去死啊對不對。』
　
『所以我想殺死何立邦然後自殺，我們兩個人一起去死，這樣的話其他人就不會拆散我們了。』
　
『醫生，我一直都有這個想法，算正常嗎？』
　
錄音完結…
（待續，各位明晚見）
1500分享！每晚10PM準時連載！
10000讚好，內容加碼！
　
【小孩的畫】這故事將會４月出版在
《如有雷同 實屬不幸》短篇故事集內
放心～我會把結局貼出來的。
但只有心理諮詢師的視角。
至於『妻子視角』，就留在小說吧～
看完妻子視角整個脈絡就會清晰了～
購買連結：
https://bluegodzistore.boutir.com/i/W90CbogAA