【無紙一身輕】
本鬼我最怕就係收到一疊疊紙,見到就憫!你知唔知強積金受託人都會定期向計劃成員印製周年權益報表、基金便覧等資訊,據統計,用嚟印製呢類通訊嘅紙張多達7,000萬張,相當於砍伐咗8,000棵樹呀!
不過,自從積金局推出咗#一站式強積金網上帳戶管理平台,提供咗好多唔同嘅電子工具,等我喺管理強積金時更方便快捷,最正係可以唔使再收到一大堆強積金結單同其他資料,本鬼頓時心情舒暢咗,開心咗,我嘅世界又變番綠色啦!
即刻行動,支持GREEN MPF,記得要揀以電子方式收取強積金結單喎: http://minisite.mpfa.org.hk/mpfam
#積金局 #MPFA #電子化強積金之旅 #GREEN MPF #善用電子平台 #用電子慳啲紙
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
強 積 金 電子平台 在 大嘥鬼 Big Waster Facebook 的精選貼文
本鬼我今日去咗強積金電子工具體驗日,見識到受託人提供嘅電子工具,令本鬼大開眼界!同場仲有環保署同事介紹「環保辦公室管理」嘅貼士,學到唔少關於喺辦公室減廢回收嘅措施,真係獲益良多呀😍
提提你,展覽做埋聽日咋!快啲過嚟灣仔會議展覽中心展覽廳5F嘅 #積金數碼體驗館,一齊體驗強積金電子工具帶嚟嘅好處啦!😎
#積金局 #MPFA #善用電子平台 #用電子慳啲紙 #供款無紙化 #做個積金環保好僱主
強 積 金 電子平台 在 辦公室日報 Facebook 的精選貼文
早排終於將「辦公室日報」由無限公司轉做有限公司,然後搞autopay出糧(之前我係手動走去入),申請埋公司信用卡,因為網上廣告呢行經常要做boosting,即係你成日loop FB見到「贊助」嗰種post,唔想下下claim嚟claim去,不如直接用公司卡畀呢條數。
你見我好似打幾句好簡單,其實當中有好多文件要交,擾擾攘攘搞咗成個月,咁仲未完呀,跟住落嚟要打大佬,因為有個新同事入職,所以又要搞強積金喇。呢樣我係真心驚嘅,事關手動出糧同埋冇公司卡都唔算咩大問題,反而強積金有咩甩漏的話,我作為僱主隨時會惹官非,嗱嗱臨搞咗先算。
開公司絕對唔簡單,paperwork有排你玩,但我明白呢個都係學習過程,如果間公司第日可以壯大,我答應所有position優先請讀者!
呢段時間我會學下點樣做一個好老細,點樣管理,仲有點樣可以順暢啲搞好後勤工作,起碼我而家知道點樣善用強積金受託人所提供嘅電子工具先啦,唔使下下print一大堆嘢,冇咁煩之餘,又唔使咁嘥紙,我唔想下世做樹呀!環保啲,錢都慳多啲吖嘛。
不過講咗咁耐,其實我公司得三丁友咋,三丁友都咁煩,中小企或者大公司真係不得了,所以要習慣用網上電子工具,的確方便快捷好多,如果有疑問都唔緊要,事關積金局搞咗個【#強積金電子工具體驗日】, #費用全免,活動當日仲有兩場研討會,花少少時間到場了解 #僱主數碼供略,點都係百利而無一害,我唔長氣喇,留低資料畀你哋慢慢參考:
「積金數碼體驗館」
日期:11月26日至27日(星期二至三)
地點:灣仔會議展覽中心展覽廳5F
(於「香港人力資源管理學會周年會議暨展覽會2019」場內)
【研討會*】
1) 積金數碼化僱主「供」略
時間:11月26日(5:00pm至5:45pm)
2) 積金易平台——為強積金生態系統帶來革命性改變
時間:11月27日(11:00am至11:45am)
*參加研討會嘅朋友記得預先登記~~
登記連結喺度︰https://bit.ly/2pIwfdt
#積金局 #MPFA #善用電子平台 #供MPF準確又快速 #做個積金好僱主 #綠色強積金