《新品介紹》
今日同大家介紹返，南方東英又又又有新品喇！佢地出新品既速度之快同頻率之高，簡直係令我唔記得左响今年來「又」左幾次喇！講下笑啫！其實，今次呢隻南方東英全球智能駕駛指數ETF（3162）係佢地第五隻既行業分類基金。顧名思義，隻基金會投資响新能源車相關既板塊，食正國策，自然唔驚調控，仲有好大既發展空間添！
同一般既新能源車基金唔同，呢隻基金由上游既原材料，到電池、芯片，再到零部件、車廠都有投資，而且覆蓋响美國、內地同香港上市既50隻股份。不如我地又睇睇佢既頭五大重倉先呢？分別有大名鼎鼎既Tesla（TSLA）、寧德時代（300750）、德州儀器（TXN）、UBER（UBER）同蔚來（NIO）。點呀，係咪聽落都覺得好吸引呢？
响度，我想補充少少關於國策既利好。眾所週知，內地既中汽協出台左一份《新能源汽車產業發展規劃》，訂明响2025年，新能源汽車要佔新車總銷售既20%。咁都未算呀，美國既總統拜登都上個星期尾宣布，响2030年，零排放汽車要佔總銷售既50%！經我講一講，大家係咪當堂睇到晒响中、港、美三地，新能源車既無限前景呢？
最後，我想交代返少少產品既細節，就例如係benchmark啦，佢地會追蹤住Solactive全球智能駕駛指數黎投資响50億美金市值同100萬美金日均成交既股份，又會响每年既2月、5月、8月同11月進行季檢，汰弱留強。基金將會响今日（8月12日，星期四）起掛牌，而初始既價格係7.80元。有興趣既話，睇兩日就可以郁手咯渦～
詳情可以睇埋呢度：
https://csop.onlineminisite.com/thematicetf/tc/3162.php
💁🏽♂️
#南方東英 #智能駕駛 #電動車 #投資 #美股
強基金100 在 強基金fundhot.com - Home | Facebook 的必吃
強基金 fundhot.com 是聚焦基金投資的網路社群，也是黏度最強的基金討論社群。 強友分享投資策略的同時， ... 「不敗教主」陳重銘今年買的股票已領到100萬股利. ... <看更多>