【#狂迷投稿】〈異能仨〉文： 謝信的藝文空間
—「睇完異能仨寫咗呢篇嘢」—
－－－－－－－－－－－－－－
大約凌晨四點幾，我屋企樓下發生左單交通意外，當時嘅我係清醒嘅，我意思係平時因為成日失眠，所以呢個鐘數仲醒係好正常但今次唔係，我係自從散場行出戲院之後就突然好強烈咁覺得唔舒服，一開始係凍(我以為夜晚溫度低左)，之後係㷫，個人成身好滾(但額頭又唔熱)，跟住我即刻跳上的士返屋企沖熱水涼想話沖完會好啲，九秒九碌上床揾被包住自己，結果果種翳住翳住嘅感覺不但無消失仲愈黎愈勁。
.
你有無試過類似經驗？直到我「典」到意識迷迷糊糊果下――――「碰！」明顯係一架車翻側撞落地嘅聲音，就係呢下響聲，成個人突然醒晒，連一直翳住翳住嘅感覺都無埋。
.
最近有另一個例子，有日因為要去香港藝術中心古天樂電影院睇《自由行》，由於早左放工見有時間就喺灣仔先黎個自由行，行下行下信步行到海旁，嚴格黎講係意識上認知嘅海旁，實際上人係到達唔到海旁真正嘅位置，因為已經列入工程範圍俾啲水馬圍封晒，講嘅係會展行出黎嘅成條海岸線，睇番會展嘅官網，佢場地介紹嘅第一句係「香港會議展覽中心(會展中心)位於景致迷人、聞名中外的維多利亞港上」，哈哈哈哈哈，圍港呀！我當時喺心入面唉出黎，下意識拎起手機影左張相post上fb，横批：香港沒有海旁，從此只有大灣。
.
無幾耐，有朋友喺個post度留言「早兩日發夢見到你出呢個post」，唔L係呀在我黎講一個咁隨意咁隨機嘅行為竟然一早發生喺你個夢裡面？
.
你信唔信？雖然電影借女醫生把口承認左佢地係superhero，但你信唔信？信唔信人類有待發掘嘅潛能一旦覺醒都可以好似三個殉道者咁，信唔信你同我一樣係漫畫裡面具現化嘅主角？
.
好多人用各種角度去講呢套戲，三部曲噃梗多嘢講嘅，但既然主角講到明呢個係起源故事，即係話你知，一就當佢係部單純想借漫畫引起大家興趣實則根本係同大家探討進化、科學同宗教嘅類達文西嘢(唔少人話電影唔係睇劇情係旨在佢玩嘅概念)，但如果核心概念只係咁又唔係好爆啫。
.
二呢就當佢係傳說/神話咁睇，個結局亦講到好明，佢地三個嘅犧牲有無價值就睇我地有無人因此覺醒，唔係覺醒咩能力，係對自我身份同對世界實相嘅覺醒，佢地會因為信念同信仰聚埋，承繼三個英雄，在地上建立新宗教，一個唔會歧視你有異能、唔願意你嘅天賦被埋沒就因為怕你嘅出眾會為世界帶黎不安什至妨礙政府對社會嘅控制危害國家對人民長期統治嘅新宗教。
.
時候到了，信徒就要起義！
.
×☝🏽☝️☝🏼多謝投稿！有嘢想講，都歡迎各位投稿分享你嘅睇法～×
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
張達文醫生好唔好 在 筲箕灣西灣河關注組| 想問一問港島區有冇邊間睇 ... - Facebook 的必吃
李開賢. 上面大學生20%失業率，血濃於水，腥港又幫到繼母解決社困. 1小时. 已编辑. STeve Chan. 在小小的睡房裡面挖呀挖呀挖. 1小时. Alex Liu. 爸爸唔好喇. ... <看更多>