本身都已經好少意大利球員喺德甲搵食，更何況係國腳。
弗賴堡球員 在 Facebook 的最讚貼文
弗賴堡球員 在 球迷世界 Facebook 的最讚貼文
【入球精華】復賽之後，德甲只有拜仁慕尼黑、多蒙特、哈化柏林，同埋利華古遜三支球隊係取得兩連勝，其中利華古遜近期展示強勁嘅攻力 (阿叔都有睇早前佢哋作客贏雲達不萊梅一仗)。不過今晚，阿叔就喺同一個時段揀咗法蘭克福對弗賴堡嚟睇，但電視機都開住利華古遜對禾夫斯堡呢場波，其實上半場隱約見到利華古遜個勢頭麻麻，門前都有幾次險象環生，果然去到上半場尾段輸咗一吓死球頭槌，而下半場更加失吓又一球、失吓又一球，到底發生咩事？
至於禾夫斯堡方面，邦加鍚 (Marin Pongračić) 其實係今年一月先加盟嘅中堅球員，今場佢個人梅開二度，認真叻仔！值得留意，佢正正就係來自薩爾斯堡嘅「加工品」。講到球隊嘅忠臣，當然就係阿諾 (Maximilian Arnold) 啦。死球專家唔一定淨係阿歷山大阿諾 (Trent Alexander-Arnold) 嘅，麥斯阿諾都唔差，另外同場加映仲有身高只得1米7嘅連拿度史堤芬 (Renato Steffen) 貢獻泰山壓頂！好波，精彩！
