有人「唔開心」喎。
港鐵工會「港鐵新動力」早前發起員工眾籌，以工會名義於上月31日，在《蘋果日報》刊登了「徹查8.31，毋忘7.21」的廣告。
後工會於Facebook透露，因登報事件遭港鐵召見，照肺味濃。
厲害了的管理層說：廣告會令人誤會是由港鐵刊登，又說有職員認為廣告不代表他們意見，因而感到「唔開心」。
廣告人角度，和大家分享重要一課：有人唔開心？正常。
廣告，從來不應該因為有人「感到唔開心」而不做，廣告，不是為討好全世界而做的，是為傳達指定信息到你想連繫的觀眾層而做。
任何廣告、任何創作，一定不可能please 全世界，如有這荒謬心態，世上不會有廣告行業，不會有創作及任何進步。
港鐵自己夠多以為人畜無害的廣告，人見人罵的加價及服務延誤，夠多人唔開心啦，又唔見你唔做？
廣告以誰之名刊登，誰之logo sign off，誰付廣告費，誰就是廣告主，幾時港鐵工會等於了港鐵？如果係，人工同員工福利咪好易傾？
「下次登報前，要先通知管理層及交代內容」？幾時開始，員工工會歸管理層管？
最大誤會，是管理層自己啫。
#呢單嘢不妨留意吓
#黨鐵即係黨鐵
#唔開心喎
#你成日故障香港人夠唔開心啦
#幾多人應該照你哋肺呀
#721831仲多人唔開心呀
#畢明又講廣告
