關於 屯門時代廣場儲分 ，我們在網路上蒐集到這些相關的討論、資訊與評價

DON DON DONKI屯門市廣場店，今日(7月20)上午10時正式開幕！

昨日率先去了傳媒預覽，跟大家分享一下這間分店的幾個重點啦！

．屯門店是香港第8間分店，新界西第2間，令新界西成為繼港島區後第2分店數目最多的地區；而屯門店也是距離香港中環核心區最遠的分店
．實際店鋪銷售面積逾28000平方呎，比銅鑼灣及荃灣的約27000平方呎要再大一點，是現時全香港最大分店
．店鋪佔據屯門市廣場近時代廣場一邊的UG全層，個人認為是現時全港最好逛的一間DONKI，一層過不用走上走落、通道闊落、動線清晰、區域分明，唯一是收銀位的緩衝區域有點小，人多的時候排隊的人龍倒流情況相信會頗嚴重
．不是24小時營業，營業時間由早上8時至凌晨1時
．全店以日本火車做主題，不同區域亦以不同的車站名命名，再配以神社、屋台、鳥居等裝飾，整體日本氣氛十分濃郁
．主要分區包括：零食、藥妝、生活百貨、酒類、飲品、水果、肉類、海產、壽司刺身、自家情熱價格、超扺買5元/10元專區等
．是的，也還是有18禁成用品區，而且今次的入口非常明顯，不像將軍澳店般隱晦
．寵物區應該是各分店中最大
．藥妝區提供全新引入的KOSE「NAIL HOLIC」AR指甲油試色服務
．全港最齊最多的行貨「激落ちくん」家居清潔用品專櫃
．肉類區有多款和牛及和豚供應，包括高級的近江牛
．海產區除一般急凍冷藏海產外，更有由豊洲直送的冰鮮高級海鮮
．指定時間會有開魚演出，即切即賣最新鮮
．店內有不少是屯門店限定套裝，也有不少藥妝及零食的優惠套裝，部分價格是全港各店中最便宜
．設有日本推廣專區，每月推出不同日本地區主題，而開幕同期開始的是愛媛縣主題，可以買到多款平常很難買到的愛媛縣名物手信品等
．設有熟食屋台區「情熱食堂」，名物關東煮、燒蕃薯等都可以買到，還有首次引入到DONKI的玖子貴，以及在其他店很人氣的築地銀だこ章魚燒；屯門店不設堂食也沒有立食區，亦沒有荃灣店的FOOD COURT
．開幕至8月25日，每天首200名買滿$800，即送限量版帆布袋，今次送的是新的白色版本，DONKI粉絲一定要儲一個
．屯門分店亦有做「戶戶送」，包括屯門店限定的愛媛縣商品

題外話，在屯門店之後，暫時未見有其他分店的傳聞流出，未知下一間會是在那裡開呢？以人口及地區來說，沙田、大埔及北區應該是最大可能

DON DON DONKI Hong Kong

［大姆指尋找馬蘭頭］四千幾字。再講一次點解我冇教書。而明顯如果我仲教緊書，會比而家更富貴，但我全無後悔。因為而家過癮好多，教書就冇呢個 Page，就冇你地了。大吉利是我死撚咗，咪得一百幾十個學生加一百幾十個舊生唔開心。而家唔同，「Patreon畀咗年費嗰啲一定記得我」

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

1. 之前寫過「安雅會談」（https://lkdin.io/3LYM）（唔睇舊文當全新故事聽亦得），反應唔太好，睇返篇文的確麻麻地。咁點？寫多次！呢間「大姆指」執笠（做埋呢幾日），注定我要寫多次「安雅會談」。

2. 實在唔想雙春悲秋咁寫咩「一個時代嘅終結」，亦唔係咩「童年回憶」。但的確，如果我成咗名，第時就會有人去呢度尋找返我足跡。正如《緬甸尋找奧威爾》一樣，我去仙台尋找魯迅（https://lkdin.io/3LYN），亦都去東京明治神官野球場尋找村上春樹（仲去埋神戶嘅Pinocchio酒吧）（＊）。呢間咁嘅「大姆指」，係我唔教書走去做金融嘅轉捩點，然後就差不多廿年。一切就由呢度開始。再講一次，我成咗名，呢度就變景點。

3. 上次寫「我自信有日如願　縱使天高地厚　仍被我逆轉」（https://fbook.cc/3NSr），反應不錯。第一日返工同我食飯嘅三個中學同學，到我Last Day又在同一個地方同我食。當中科學家L君而家正職渣鑊鏟副業補習天王，T君同我一樣做金融，呢篇文會再出場。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

4. 冇人係一出世想做金融的，正如冇人一出世想渣鑊鏟。我個年代嘅新界牛屎仔，係冇咁嘅嘢的。聽聞早前啲小朋友話細細個想做ibanker，我覺得真係錯撚晒。你不如想大個做雞丫。我知職業無分貴賤笑貧不笑娼，但都真係唔使立志的。而家啲小朋友好似話想做KOL 或者想搞 Start up，「仲衰過做雞」「等於畀人免費上」。

5. 我地年代嘅我的志願，都係嗰幾味，科學家啦，醫生啦，運動員都有嘅，歌星就多數唔敢寫落文。而我地幾個，唔係虛偽到會寫我的志願做教師咁刷鞋（我唔同虛偽嘅人為伍）—但偏撚偏就齊齊教撚晒書！命運就係咁神奇。一路都好相信「大家命中注定成為自己細個討厭嘅人」，雖然冇乜科學根據。

6. 點解我地教咗書？我都唔知，但又係偶然中嘅必然。肯定唔係由細到大嘅理想，但玄啲講，唔係我地選擇咗教書，係教書選擇咗我地。我地三人，共通點冇乜，但都可以勉強搵：三大畢業啦（＊＊），唔靚仔啦（重要，因為求職），不太presentable 啦，有啲稜角啦，憤世嫉俗啦。正面啲嘅？叫做鍾意睇書啦，成績還不錯啦—呢啲咁嘅 Profile，加埋2003年沙士嘅就業市場，去咗教書，真係十分合理。提返你，當其時一個GM（學位教師，但有學位嘅唔一定係學位教師，而而家做得學位教師既又好少冇學位），萬八定萬九蚊人工。

7. 而早少少，因為佢兩位介紹，我甚至有在元朗教夜校嘅經驗。（而家仲有冇夜校？）。教會考班呀，好似五舊水定一千一晚？但一個星期好似得一兩晚。最頂癮係，本人就教數學物理，L加就教化學生物，T君就英文經濟—You see？根本成間嘢就係我地三條友教晒

8. 總之，2003年夏天，我地三個都叫做教緊書，就在呢度舉行咗，改變咗我地各自生命嘅，安雅會談。至少係改變咗我。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
9. 2003年嘅夏天，沙士嘛。第個唔知，我真係悶出鳥來，但又好似冇固定女朋友。沙士一早停課，我當年教中五中七，噢耶，停完課就study leave，之後佢地就考試。我白白玩咗半年手指拎咗半年人工，日日在屋企睇有線播友坂里惠嘅金田一，以及打紅白機模擬器。悶到好似日本料理咁出汁。

10. 我嘅生命，亦係差不多。2003年，25歲。拖拍過，愛做過（咪話1998年2月14號港大太古堂801室下格床咯，我成咗名就有人返去打卡！），書教過，歐洲去過，日本未去過，儲蓄係零，甚至負（少量卡數），拎緊萬八萬人工。工作經驗？亦係零，甚至負。真的，對非教書嘅工嚟講，你教書嘅經驗等於零，甚至負—因為啲人覺得教書嘅人都忽忽地，同社會脫節—事實亦係。理想？冇。夢想？冇。同期啲同學？樓都買埋。仔都生埋。你三條友去食大姆指。

11. 但你當係棋局，或者牌局咁，嗰時我地副牌雖然唔太好，但都仲係開頭初頭，勝在仲有無窮可能，仲可以搏同花順。而家呢？大家42歲，牌開咗唔少，冇想像中咁爛，唔係十三不搭 積 pair—無—無 但亦知道冇乜可能有咩大牌食得出，至少我冇。

12. 我由頭到尾都係個比較保守嘅人（風險厭惡度，唔係講性觀念）。安雅會談之前嘅幾年，即係我畢業後，喂大佬，我真係想搵份兩皮嘢嘅工架咋。請恥笑，當時我以為我可以做一世的。咁到安雅會談嘅2003年，教緊書啦，萬八九人工，年年加，兩三四皮根本指日可待。串啲講句，老校個計劃有我，我肯騾仔嘅，SGM（傳說中嘅「主任」）位，必有我份。咁你可以睇下一個SGM幾錢人工。嚇撚死你呀

13. 所以，當時我嘅想法，一定係「唔好搞咁多嘢啦」。「我個個月拎份糧去供盈富基金好過啦」（＊＊＊）。

14. 但，嗰次安雅會談，不著邊際吹咗一輪水後，朋友T忽然間嚟咗句：「拿，咁之後點先？」。朋友L當然都係答「屌佢老味梗係玩撚大佢啦」，但我當然都係「慢慢儲下子彈先」「拿我過幾年SGM架啦，唔好搞咁多嘢啦」「拿個個月供下盈富基金咪好咯」

15. 然後，朋友T對我呢啲答案唔多滿意。佢嘅特色係會迫人埋牆角，佢唔接受我呢啲和稀泥嘅答案。你人生為乜？為錢嘛，講，幾多？為女人嘛，咁講，想要乜？（係咪好似啲乜乜正能量課程咁呢！我們要乜？要錢要女人！幾時要？現在就要！）

16. 真的，佢無啦啦，同我講起安雅。你自己Google邊個係安雅，應該嗰期出事畀人拉咗。我好奇怪佢會同我講起安雅，因為朋友T向來都唔多講呢啲女色嘅話題。但佢就係話我知，拿，你咁搞落去呢，畀你SGM，安雅都係 out of reach的。我想想，好似有啲道理。

17. 然後佢話我知，一切都應該量化—先有個目標。就當你晚晚要搞明星，咁你咪計下要幾錢，然後計個discounted cash flow．

18. 原諒呢啲對話咁物化女性，我好肯定朋友T係為咗投我所好先咁講的。但大家真係唔好錯重點，重點根本唔止係安唔安雅，事隔十年，係連詩雅又好，衞詩雅又好，根本不重要。安雅就只係一個token，一個icon，一個dummy variable，一個placeholder．佢就代表住所有慾望嘅投射。名利權色，酒色財氣，貪嗔癡，求不得苦。

19. 咁，我係人嘛，人就梗係有慾望架啦。咁咪去追求點滿足呢啲慾望咯（係咯，啲色魔好似都係咁諗嘢的）。

20. 無論如何，並唔係好似拍戲咁，第二日我就返學辭職，另外仲發生咗唔少事。但總之，之後嗰年，2004年嘅7月2日（咩日子？我25歲生日嘅翌日，舊文有講），我就在慈雲山學校村保良局何蔭棠中學部電梯，當住個女同事面（冇錯，早排見報嗰位！），同校長（亦冇錯！早幾年見報嗰位！）辭咗職。

21. 2004年9月1日（咁你都要問點解9月1日？），夏愨道美國銀行中心21樓招商銀行香港分行，我就開始咗金融界嘅第一份工。如果係拍續集嘅，會見到我同一個光頭鬼佬刷身而過，嗰條鬼佬就係後來我在耆英證券嘅老細 占士咖啡—冇錯，嗰時耆英證券仲係在美國銀行中心。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
22. 要解釋我點解唔教書去咗做銀行，都真係有啲難，有唔少唔同嘅事件。有人以為我追搣時不遂所以唔教書—前半啱，但我只係打算離開教嗰緊學校啫，我大可以去第間教。後來見工都總有人問，我總會有答案，嗰啲中環廢話你都唔想聽，但唔係完全假 — 我假假地讀精算，又Master in Financial Mathematics，中環都未返過，就甘心在學校村，同班友玩宮心計 奶校長屎忽 （仲要幾臭下）摶SGM然後好彩升副校做埋校長咁一世？

23. 定係我地可以試下啲其他嘢？

24. 如果講我只係貪戀中環嘅酒色財氣，又好似講得太簡單。不如我用個全新角度講，過癮。做人嘅嘢，最緊要好玩。人其實天生賓放貪玩。

25. 我早早已經決定唔做精算師，應該話佢早早排除吴我，主要係我冇能力，亦冇興趣，我冇能力嘅嘢我自然冇興趣，令我生活冇咁痛苦。T君嗰時已經話，得罪講句，你唔做精算師，對個世界冇乜損失。的確如此，雖然如果我做到，我可能會畀而家更有錢。但個重點係：冇咗 埃汾ASA FSA，呢個世界係唔會有丁點不同的

26. 然後，教書。同好多人估嘅唔同，根據合理估計，如果我一路教緊書，我而家嘅身家應該更豐厚 —留意我講身家，即係net worth，唔係收入。因為，如果我一路教緊書，無論如何我點都會2005或2006年買樓（＊＊＊＊），但現實中嘅我2013年先買，呢度已爭一截。再加上我唔會出現啲轉工或被炒要沽股票之類。

27. 冇錯，我就係話你知，根本就唔係因為錢，正好相反。我仲教書嘅，而家一定更多錢—但我嘅人生一定少好多樂趣，你地都少好多樂趣，因為根本唔撚會有君子馬蘭頭。我啲教書嘅朋友，自己Facebook 都唔多敢講嘢。如果我唔教書嘅，社會有少少損失，但我嘅人生就冇咁過癮，你地亦睇少好多嘢。

28. 所以最後，好似而家咁，幾咁好呢？我照樣可以春風化乳 有教無淚 誨人好倦將啲後生仔打成一片片。錢係少咗啲，但過癮嘛！大家話係咪？

29. To sum up：做精算師Ivan Li ASA FSA嘅（當我做到先啦），錢多過而家，但生活冇咁過癮，對社會貢獻係零。

30. 做李老師 附加數學科主任 李蛇 PGDE（＊＊＊＊＊），錢都係多過而家，生活更加冇癮，對社會貢獻有些少，但只係我教嘅一百幾十個學生，教廿年三十年，咪幾千個，記得你嘅有冇七十二個？

31. 而家變咗 馬蘭頭CFA嘅，錢真係冇以上兩個選擇咁多。但，好撚過癮！最重要係，對個社會有貢獻。我Patreon寫文嘅宗旨，呢度都講下：好彩嘅你會贏到錢，但贏唔到錢至少你都學到嘢—就算worst case你學唔到嘢，你都會有啖笑下嘛！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
32. 再換個方法講，我係精算師，我死撚咗，有誰關心？冇。我係教師，我死撚咗，有誰關心？有嘅，我未失敗到啲學生要開香檳。但而家我死咗，呢度都話晒一萬幾千人關心我喎（當然仲有Patreon啲讀者）（特別係畀咗年費嗰啲！）。而反正，呢度唔少讀者，咪就係我以前嘅學生咯！（＊＊＊＊＊＊）

33. 正如我呢度寫咗5000字，為乜？唔通為錢？當然係為過癮。呢個亦係我同好多金融人唔同嘅地方。

34. 錢當然重要，但過癮都好重要，最好就當然係why not both．所以我開咗個Patreon，係我一生人做得有啲成績嘅三件事合理：Writing, Teaching, Finance。正係WTF

＝＝＝＝＝＝＝＝＝＝＝＝＝＝＝＝＝＝
35. 村上春樹式，有頭有尾，或者套戲交代返啲人物嘅現實結局咁。呢間嘢，燉奶佬集團，係十分之咁難食嘅。即使在美食地獄嘅屯門市中心，都真係劣中之劣，我已經好多年冇再食呢間嘢，反而你話咩太興 麥當勞 MOS Burger 大家樂 大快活我都食。但當年，一來可能未係咁難食，二來可能當時未食咁多好嘢。我相信係前者。無論如何，一間咁嘅嘢，可以屹立在時代廣場（屯門啦仆街，你不如問係咪紐約丫）廿五年，都真係一個奇跡。幾多人你想佢死佢都未死？幸好，我地三個嘅友誼，都outlast咗呢間劣食，已經三十年朋友，and still counting，For auld lang syne（然後諗起《無間道2》智叔吹口琴）

（＊）村上春樹鐵粉會知，啲友年年在嗰度睇諾貝爾文學獎結果，年年落空，十足十等安踏（2020）入藍籌咁 – 咦？！所以我話你知，村上春樹今年會拎諾貝爾文學獎。

（＊＊）我到而家都覺得發明「三大」呢個講法嘅香港科技大學，應該拎諾貝爾數學獎。我當然知諾貝爾冇數學獎啦，講Fields medal你咪又係 Google，咪又係要我括住「等同數學嘅諾貝爾獎」

（＊＊＊）真的，當時我已經有月供盈富基金！早過龔成！當時只係想買架車，所以當時叫做「Lancer基金」，後來目標越嚟越遠大，我話會變咗做「港女基金」，「新芬基金」甚至「移民基金」—結果都一一畀我做到，港女泡咗 芬結咗 民移咗。都話「我自信有日如願縱使天高地厚仍被我逆轉」，下一步，終極版，就係「勞蘇基金」。

（＊＊＊＊）點解係2005/2006年買？好簡單，嗰時有個rule of thumb，話教書嘅人，頭三年唔走，就之後教一世。因為人工太高，同埋同出面脫節。我2002年開始教書，計做GM就2003年。

（＊＊＊＊＊）所謂嘅教育文憑，並唔係PTGF嘅朋友，雖然唔少PGDE都要搵PTGF。又，當年PGDE收咗我的，錢都畀埋，但我去咗中環返工嘛。所以咪畀港大沒收我啲錢，好似都兩皮嘢？所以從來舊生叫我捐錢我都話一早捐咗。

（＊＊＊＊＊＊）都係忍唔住講。N年前有舊生帶我去唱K，真係十分之咁尊師重道，另外過時過節佢就send 啲乜乜流出相畀我，都唔使我開聲，呢啲咪好學生。又，其實我有幾個學生做咗O靚模，可惜佢地從來都唔嚟搵下我，嗚。見字記得PM我

＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折

聖誕節無得同一家大細出去外地旅遊同飲飲食食咁點算？其實有咩好得過留喺香港消費，計我話識得搵好嘢食、仲識得賺到盡玩到盡先夠精明！

宜家 H．COINS 會員由即日起至 2021 年 1 月 31 日，喺恒基地產旗下七大商場購物或餐飲消費後，除咗可以賺分換禮品，仲可以參加「Bingo Joy 即中即有獎」，只要儲齊4張解鎖卡片連成一線，即時贏走超過 2 萬份禮品及購物、餐飲電子禮券！

解鎖唔到卡片亦可直接參加「每週大抽獎」，每星期送出 3 部 iPhone 12 Pro Max 同 5 份 HK$2,000 恒基地產旗下商場購物及餐飲電子禮券架！咁著數，記得唔好錯過啦！

想知 Bingo Joy 點玩？click 入嚟睇吓啦！
https://www.hcoins.com.hk/bingo-joy購物驚喜三重獎

注意：活動只接受消費日期為 2020 年 12月 10日至 2021 年 1月 31 日的發票。受條款及細則約束。

快啲下載 H•COINS App，儲 COINS 快人一步！

AppStore/GooglePlay
https://hcoinsapi.mosyss.com/app/download

* 受條款及細則約束，詳情請參閱 App 內資訊。

#HCOINS #HCOINSApp #恒基地產旗下商場 #一App通行無界限 #BingoJoy購物驚喜三重獎 #買咗聖誕禮物未 #消費儲分 #會員儲分 #MCPCENTRAL #MCPDISCOVERY #新都城中心2期及3期 #MOSTown新港城中心 #荃灣千色匯 #元朗千色匯 #沙田中心 #沙田廣場 #屯門時代廣場 #利奧坊

推廣生意的競賽牌照號碼：53911-20

【 11月18日 ⚠️ 派貨❗ 11月19日 ⚠️ 現貨開售❗ 】

? TINY 1/35 香港 Shell 石油氣單車

能夠由上世紀六十年代「生存」到今日，走過香港大小街巷半個世紀嘅代步工具，應該非石油氣單車莫屬啦☺️ 對於當時嘅香港人嚟講，石油氣其實就係每家每戶必備嘅燃料，而送貨工人每日就會利用單車，載住一罐罐石油氣，穿過大街小巷送到市民屋企，維持市民日常所需??

可惜勞動半個世紀，日灑雨淋，飽歷滄桑，見證香港急速發展，最後都躲唔過被時代淘汰嘅一刻? 襯住依個機會，一齊將香港人嘅回憶好好收藏啦?

【 11月19日 ⚠️ 現貨開售❗ 】

? TINY 城市 合金車仔 - Q Bus E500 MMC (機場快線) (A22)

L11嘅 Q Bus 版本，以咁亮眼嘅黃紅拼色拉花，一睇就知係機場巴士啦！? 冇錯！路線A22，來往藍田站及機場☺️ 依舊有回力設計，有儲開Q Bus 機場線嘅朋友，就記得入手喇！?

? TINY 城市 合金車仔 - 1/64 E500 MMC FL 可口可樂

可口可樂Fans又要準備出動喇‼️? 早前已經推出過1/110 E500 MMC FL，今次就一於嚟個震撼版！1/64 比例！??? 路線102，來往筲箕灣及美孚，車頂以及車身都印上一支支樽裝可樂，搭配經典正紅色，懷舊味簡直十足！而且包裝盒上更有齊罐裝，以及大小樽裝可樂圖案，可以一次過滿足哂大家嘅喜好啦！??

【 11月21日 ⚠️ 現貨開售❗ 】

? TINY 城市 CN11 合金車仔 - 五十鈴 N Series 快狗打車
? TINY 城市 CN12 合金車仔 - 豐田 Hiace 快狗打車

?上海展參展展品之一? 58速運品牌自2018年與香港GoGoVan合併後積極擴展業務，推出APP平台並改名為「快狗打車」後，一直秉持三個理念，就是拉貨（生意人）、搬家（家庭）、運東西（各類物品）。 希望透過「快狗打車」可以向所有人提供一個快速及可靠的貨運物流運輸平台☺️

✨每人限買一架✨
--------------------------------------------------
?ONLINE STORE: https://www.tiny.com.hk/

?TINY專門店：
??
銅鑼灣皇室堡 柴灣杏花新城 山頂廣場
尖沙咀美麗華 九龍灣MegaBox
荃灣荃新天地 屯門市廣場
元朗YOHO MALL
??
澳門 賈梅士分店
氹仔 樂駿盈軒分店
（來來電器店內）

?B51專門店：旺角新世紀廣場Moko

?查詢：
?Facebook Inbox： m.me/toyeastcom/
?Whatsapp： ＋852 5633-2221
　Whatsapp快速連結： https://bit.ly/2OZKpQP
*即加入 Telegram 官方頻道，掌握最新預訂及現貨資訊: http://bit.ly/2raMDnW