【4年只提3動議既「全職區議員」？陳家珮：唔開會因為要保住條命，…】
陳家珮講過話做全職區議員先可以專注地區工作，但先唔提佢積極部署選立法會做「雙料議員」，單純翻查區議會記錄，佢4年嚟喺區議會只提出過3項議案，區諾軒提既議案數目係佢3倍、南區最資深既柴文瀚係佢既12倍……連1年1個議案都提唔到，咁又點說服街坊，佢自己係一個盡責既區議員？
喺我仲未被DQ前喺電台選舉論壇問佢，陳家珮竟然老屈話「民主派提出議案好多同區務無關，唔應該政治化區議會」，結果整理歷年記錄（http://bit.ly/36c5bnF）咪證明，民主派四年嚟喺區議會提出102項議程，唔計TSA和逃犯條例，有100項議程都同區務有關，令陳既抹黑不攻自破。
就算唔講議案數目，只講會議出席問題。記得七月五日既時候，南區區議會本身要開會傾瑪麗醫院重建同埋《逃犯條例》，但全體建制派區議員同時缺席會議，連人都唔到，搞到南區區議會歷史上首次流會。
當我重提呢件事，陳家珮竟然話「為民請命都要保住條命」，結果陳志雲都忍唔住問佢「#即係開會會令你無左條命啊？」。口口聲聲話重視民生，但你地玩政治手段流會，連會都開唔成，又點對得住關心瑪麗醫院重建問題既街坊？
陳家珮又唔開會，又唔提動議，好心一早應該踢走佢，請支持林浩波 Kelvin Lam。講民主，我地立場企硬；論民生，南區民主派一定比保皇黨做得更用心同細緻。
#不用加配謝謝
#就算被DQ都仲有選舉論壇片出
