【Rosewood Hong Kong瑰麗酒店入住報告】
🎯Rosewood最新優惠：mrmiles.hk/rosewood-hong-kong/
上星期入住完St. Regis再入住Rosewood，訂果個package係優惠價HK$2,950+10%包午餐+HK$500 mini bar+HK$500 K11優惠券及K11金卡會籍。呢口價來講住Rosewood算係平所以我都去一試，而事實上都係個package介紹完之後9月份好快就book爆晒。對於一間全港最貴定位最高級嘅酒店嚟講，入住Rosewood我覺得係無乜驚喜。同級酒店比較的話住半島服務唔多但好有歷史感，住St. Regis好親切殷勤格調內斂奢華，相對平啲低級啲嘅Conrad都係住完想再住。Rosewood 俾我嘅感覺有啲似Ritz Carlton就係賣景觀，奢華內裝，門面服務都做足但就係無住完特別想再入住嘅感覺。戴個頭盔，感受好個人，我無喜出望外唔代表你住完嘅感受都一樣。
▶️Checkin
星期日入住，本身以為要排隊checkin點知又唔洗等👍而且我係book咗12點食扒房smokehouse Henry嘅午餐，個人早咗到，諗住起碼3點先有房不過又12點就搵到間房俾我咁又幾好。
▶️Set lunch at Henry
本身個package有包Henry set lunch，好高質，可以叫做我成個staycation最正嘅一部份，2 courses set lunch 頭盤加HK$28就有牛肉他他，主菜叫steak同埋佢個招牌牛腩sandwich好正，件steak有煙燻香味肉質juicy，sandwich 嘅牛腩都係份量十足非常出色，跟主菜嘅薯條都係香脆可口，配埋自家制嘅3款醬汁真係冇得頂，最後加HK$50食埋個甜品完美作結。食完之後係會有想返頭食嘅感覺相信第日都會有機會喺度再食lunch。
▶️房間
Package包嘅係最基本房型（最平價）望九龍景，酒店係得尖沙咀海皮而且夠高即使唔直望海但係都好夠做。硬件嚟講Rosewood應該都無乜得輸，香港酒店top 1硬件+港男港女打卡酒店無誤。房間嘅裝修佈局奢華大氣，或者可以叫土豪味重啲。比較落St. Regis的話其實大家都係頂級奢華，但係St. Regis嘅會俾人感覺舒服啲同設計師Andre Fu設計St. Regis嘅理念上係有「家」嘅感覺不無關係。無同級酒店比較的話我唔覺，一比較落兩間酒店就係有咁嘅分別。唔係比較邊個好啲而係大家都係頂級奢華不過性格上有啲唔同咁解。
Rosewood最誇張嘅可謂佢個浴室，洗手盤2個係豪宅基本配置，而最平房型個企缸位有2組花灑系統我住咁多間酒店嚟講都真係第一次見。再細心睇下啲雲石可以見到係對紋或者係有一致嘅方向，見得佢當時嘅裝修係不惜工本及細緻。
正正因為裝修嘅豪華及細緻，對比下有樣都幾令人驚訝嘅位，浴室嘅清潔度對一間六星定位嘅酒店嚟講有點強差人意，水龍頭有明顯污漬，沐浴露個位都有啲積。我個人嚟講唔太介意亦都無向酒店反映問題，某程度上我覺得係現今香港酒店業common慘況：各酒店要割價吸客，本地staycation客大增而工作量大增但員工都仲要放no pay，10個煲得8個蓋又好難怪奢華酒店都會有都有唔少甩碌位。本來呢啲級數嘅酒店除咗執房應該重有個check房嘅supervisor或者經理，但今時今日我諗呢啲位應該都縮咗。
▶️服務
服務我成日覺得好難評價，各人入住嘅經歷又會好唔同而且好人夾人，好似有人買嘢鐘意自己睇最好唔好有salesperson跟但都有人鐘意有個salesperson係到俾你問咁。
如果對比St. Regis的話Rosewood就講唔上係殷勤服務型。你要啲乜酒店會拎俾你，但主動同你傾計迎賓，製造小驚喜嘅好似就少啲。可以一提，Standard嘢開夜床好似都係on request（唔肯定我係咪㩒咗請勿打擾）
某程度上我未體驗到酒店嘅full service因為今次無買到club lounge access，而個人覺得有無service 就好睇Club Lounge嘅體驗。如果你有去多兩次Conrad嘅59樓executive lounge應該好明白我講乜嘢😅Conrad HK個executive lounge服務真係好出色。
▶️早餐
本身應該係Holt’s Cafe但為咗疏導人流有啲客轉咗去BayFare Social到食。同樣係半自助，單點啲嘢再可以去外邊拎嘢咁。嘢食正常驚喜無乜，超五星酒店嚟講應該可以多啲奢華選擇，輸人都唔好輸陣嘛。
Overall嚟講，打卡酒店Rosewood一流，但要選擇再次入住的話對我嚟講更多平價選擇會優先。
如果想睇吓其他酒店優惠比較吓嘅可以睇埋：
▶️酒店Staycation優惠合集：MrMiles.hk/hong-kong-hotel-staycation/
▶️Staycation Dos & Don’t：MrMiles.hk/staycation-guide/
▶️米芝蓮酒店餐廳Staycation：MrMiles.hk/hotel-michelin/
▶️Pet Friendly酒店Staycation：MrMiles.hk/pet-friendly-hotel/
尖沙咀平價午餐 在 [Eat with us] 尖沙咀平價餐廳 +cafe 推介尋找青春回憶! | 韓國菜 ... 的必吃
... 吓佢地啦開餐啦 *非專業食評多多包涵*(Deliveroo打錯了sorrry:p)♡♡♡古今KoKon Fusion Japanese Cuisine 尖沙咀 柯士甸路15B號嘉華大廈地下B... ... <看更多>