#一拖二親子遊 ，星期日冒雨去中環海濱長廊參加
聯合國兒童基金會《小畫家大夢想繪畫比賽》。
雖然落住雨，都無阻小朋友畫畫嘅雅興，見好多家長仲早有準備，帶埋大大小小帳篷。下年我都要學習佢地先😆😆 不過當然希望下次唔好落雨啦。坐喺咁大嘅草地望住咁靚嘅維港景色畫畫，真係特別有Feel
除左繪畫比賽，大會仲安排左好多工作坊俾小朋友玩。好多樂器體驗，仲有小樂器工作坊，俾小朋友自己動手做樂器。仲有LEGO體驗。
不過天雨影響，活動唔多唔少都被影響。但在場攤位嘅義工婆婆同姐姐都好好人，好細心，俾個位雷囡s坐低畫畫。而旁邊嘅家長們都好好，見雷小囡細個，仲叫佢囡囡讓位俾小囡。姐姐仲好乖即時讓位，真係好好人呀☺️
而有啲攤位見天雨影響，好細心作出好好嘅安排，將手作材料寄俾我地，等我地可以返屋企做。呢點值得稱讚（唔係所有攤位有）
雷大囡喺咁大雨嘅情景畫左一幅彩虹。雖然唔算好靚。但我好開心，睇得出佢思想有比較樂觀左。我都好安慰。
好多人問我落雨做乜仲要咁辛苦帶2個囡去？ 又唔係啲咩大型比賽！ 病左點算？
但我好想雷囡s知道，呢個咁有意義又幫到人嘅活動，一定要支持！
仲趁機會俾佢地感受下。唔係所有日子都順風順水，總有唔好嘅情況。小小雨又如何？
《聯合國兒童基金會》幫助緊嘅小朋友，佢地連乾淨嘅水都冇得飲，食又冇得食，有病都冇得睇醫生。唔好講而家咁細雨，就算狂風暴雨，佢地都冇瓦遮頭，飽受風吹雨打...我地而家呢個情況算得係咩？
講到一半我都忍唔住有啲淚光⋯⋯開頭我地因為落雨而有少少唔開心，但講完呢番說話之後，家姐心情好左好多，我地連遮都收起，雨中散步...
希望呢顆助人嘅善心，可以喺雷囡s內心茁壯成長啦💕
#聯合國兒童基金會 好多時都會舉辦好多大大頭小唔同嘅活動，希望大家可以踴躍支持！可以幫有需要嘅小朋友之外，仲可以以身作則，身體力行，教小朋友珍惜所擁有嘅平安。亦都教佢地要幫助有需要嘅人。
其他捐款或慈善活動，請參考以下專頁
UNICEF Hong Kong
https://www.unicef.org.hk/
想知多啲我地嘅 #生活小貼士、#簡單食譜、#育兒分享、#吃喝玩樂、#美容，#親子遊、#親子烹飪 ，快啲Like我地啦😘
FB page: 雷囡媽媽
雷囡媽媽
IG : www.instagram.com/luiluimama/
#聯合國兒童基金會 #小畫家大夢想繪畫比賽
#以身作則 #慈善活動 #身教 #幫助有需要嘅人
#繪畫比賽
#雷囡媽媽
小畫家大夢想 在 #小畫家大夢想繪畫比賽 - Explore | Facebook 的必吃
聯合國兒童基金香港委員會（UNICEF HK）將於2月23日喺中西區海濱長廊中環段舉辦「小畫家大夢想繪畫比賽」，比賽籌得的捐款將會用作善事之途，非常有意義。 ... <看更多>