呢排因為工作忙加一絲的惰性而少咗出post🙈
昕昕因為天氣熱加上唔鍾意戴口罩，所以假日白天時間寧願留在家中，反而晚上先至肯外出用餐🤦♀️
時間不經不覺踏入5月尾，昕昕學校6月3號就開始考試，睇完佢3月派果堆試卷後我在假日都開始抽時間幫佢惡補英文和普通話，另外再加常識問書（我中一先至識夏朝和秦始皇，依家小二就要記住）
昕昕因為停課加上我工作後冇乜幫佢溫書，在3月時中、英默書跌到得12分，兩樣默書同一樣分數真令我佩服，最後我就跟昕昕嫲嫲分工，佢負責中文默書，我負責英文默書，中文默書終於合格（老師讚佢有進步），英文默書等下星期先至知道😅
有時在想昕昕成績退步唔可以全部賴於疫情，皆因佢自發性較弱，我又冇好好督促佢，我只是擔心佢英文底子弱又怕英文而影響個語文根基😥
下星期昕昕學校應該會派之前的考試成績，做媽媽的都唔知道佢級名次係點，始終疫情下其他同學係進步定退步係冇人知，但唯一肯定係昕昕學校好多家長都重視小朋友成績，昕昕鄰居同校的哥哥姐姐都有補習，我亦有諗過搵上門補習老師幫昕昕補英文，不過昕昕爸爸say no😲
昕昕期終考試可以科科合格，做媽媽的我已經冇他求🙃
#hkblogger #親子日常 #小二 #小學生 #小學雞
小二中文試卷 在 (113) 小二中文上學期測驗| Schoolnfo 導學網 - Pinterest 的必吃
Oct 13, 2019 - 去答案版請按此到「Schoolnfo之友」專區一.【Schoolnfo之友資源區】去答案版(PDF版本) / 二.【試卷投稿會員下載專區】 請到以下連結 ... ... <看更多>