【將Banner位還給市民：母親節篇】
香港是世界聞名的欄杆之城，稍為繁忙的行人道旁都架有欄杆，但我們很少問設欄杆的標準，亦沒有想過如果把欄杆拆走，會發生什麼事情？
我知！如果拆走了欄桿，區議員和立法會議員就少了一個重要平台做政治廣告。香港人每天被鐵欄包圍，同時每天都被政治人物的banner包圍，真心想問，你們覺得怎樣運用banner位才有意思？
不知大家有沒有留意，新界西各區都很少見到朱凱廸的banner（之前只有屯門和坪洲各一條）。原因有兩個：一是貫徹不生產pvc banner垃圾的原則，只掛用二手物料做的banner（所以一懶就做得慢）；二是希望改變過去用banner位宣示政治立場的慣性，將這個展示空間還給地區居民。
荃葵青團隊行出了第一步！趁母親節就來，他們將banner位變成心意板，寫下感人留言。效果如何請大家評價（阿廸梗係好鍾意啦，夠土炮）。
大家有什麼用banner位新諗法，請與我們聯絡，一齊合作。
【冧盡你媽媽 - 不是banner出沒注意！】
呢個星期日就係母親節喇！早前我哋向大家徵集獻俾媽媽嘅情深說話，已經製作成環保手作banner，掛咗喺八鄉朱凱廸 Chu Hoi Dick喺荃葵青嘅議員banner位，而家俾大家先睹為快，當然我哋更歡迎各位落街尋寶，大玩banner hunt啦！
好感謝街坊參與呢個活動，同我哋一齊嘗試將banner變成「不是banner」：街板banner可以唔只講「成功爭取」呢類單向訊息，亦可以係市民發表意見嘅空間，甚至係社區嘅互動設置，喺傳統嘅權力關係上來個小變革。
阿廸第一個地區辦事處即將落戶 #葵芳高芳街27至29號高芳樓2樓C室 ，我哋希望同大家一齊擴大呢個小變革，由街坊主導，為地辦注入更多社區想像，將地辦變成「不是地辦」！
最後，想藉此向天下嘅母親講一句母親節快樂，Happy Mother's Day!
P.S. 其中一張banner係出自朱議員手筆，大家估下係邊張？
#母愛的呼喚
#母愛是永恆
#母愛如潮水
#母愛的真諦
#母愛不釋手
#對你母愛不完
#每天母愛你多一些
#母愛是最大權利
