又同珍寶豬合作☺️好開心呀！
哈哈 一睇到呢故事點可以唔畫你地最愛既黃衣女呢？
【#專欄大合奏】人比藥靈
精文: 診所低能奇觀 珍寶豬
精圖: 大大與小妹
有日，一名少女獨自嚟到診所登記睇醫生，登記後佢悶悶不樂邊篤電話邊發出「嘖嘖」聲。
突然電話響起，一接電話佢聲音突變哭腔：「ＢＢ呀～我好唔舒服呀」
佢繼續哭哭但不流淚：「我而家喺診所啦，平時睇開嗰間啊～好唔舒服呀，暈到乜力都冇啦～」
少女是堅強的，一直堅持只用聲音哭：「我好想你喺我身邊呀～好想你照顧我呀～鳴，我好唔舒服，點解你唔喺我身邊…ＢＢ呀～」
佢：「好啦～ＢＢ，我睇完醫生話你知啦～」
收線後，少女繼續悶悶不樂玩電話，說好的暈睇嚟係用電話來醫治的～
電話再響起，估計係少女的姐妹，佢：「挑！諗住嗌條仔嚟畀錢嘛！佢話要陪佢阿媽買餸喎！佢阿媽買餸緊要過我病囉！挑！飛得啦呢啲仔！我喺佢屋企附近間診所睇，咁都唔肯嚟畀錢！本公主要人畀錢有幾難呀？喺FACEBOOK出一個POST就得啦！大把人仆住畀呀！」
我好想睇你表演呀公主，我想睇吓大把人仆住嚟畀錢嘅震撼場面啊～
醫生叫佢名了。
佢：「唉！唔講啦！我入去睇醫生啦！」
睇完之後，佢坐喺度邊玩電話邊等拎藥，唔知係咪上緊FACEBOOK呢～
一個男仔推門入嚟診所，少女見到即刻放低電話：「ＢＢ～」
男好緊張：「冇事呀嘛？」
佢：「醫生話我好病呀」
醫生冇講過。
男：「咩病呀？」
佢：「重感冒呀，發高燒呀，耳水嚴重唔平衡」
醫生冇講過。
男：「咁嚴重？」
佢：「不過見到你，我好好多啦～多謝你嚟啊ＢＢ～」
拎得藥了。佢：「ＢＢ你幫我攞藥啊，我好暈起唔到身啊」
男仔攞咗藥之後，行去少女前面，少女：「得啦？咁我哋走啦」
男：「未畀錢呀，２８０呀」
少女：「吓？」
男：「我頭先趕住嚟，冇拎銀包啊，２８０呀」
少女咩病都冇晒，咩暈都冇晒，健步如飛行去畀錢，再一枝箭衝出診所。
男喺後面追住嗌：「ＢＢ呀～Ｂ～Ｂ～做乜呀？你唔係暈咩～ＢＢ呀」
見到你好返晒啦嘛～
（完）
記住share + like埋我地個page啦～～
#精圖文 #珍寶豬 #大大與小妹 #情侶診所奇觀 #黃衣女 #被看穿了
專欄大合奏 在 精圖文Gentle Me - 【#專欄大合奏】那個你要份外看顧好小孩的 ... 的必吃
專欄大合奏 】那個你要份外看顧好小孩的恐怖節日－愛麗絲日(Alice Day) #夜半鳥語(二） 精文：恐懼鳥Scary Bird 精圖：Hello Wong... ... <看更多>