關於 富 時 香港指數 成份股 ，我們在網路上蒐集到這些相關的討論、資訊與評價

在美國掛牌的 iShare MSCI HK ETF（EWH）是追蹤MSCI 香港指數而砌成的ETF，上周四剛完成新一季度換馬，換走電盈（008）及ASM太平洋（522），換入富途證券（FUTU）及周大福（1929），目前合共有37隻成份股，今年錄得14%回報，較盈富（8%）高出6個百分點。如計過去一年，EWH回報46%，亦較盈富30%回報高出16個百分點。

回報高，原因是揀股有別，單單睇頭五大持倉股份可見分野。EWH最重磅股是友邦（1299），比重達到21%，港交所（388）第二佔13%，創科（669）、新地（016）及長和（001）緊隨其後。盈富五大持倉僅首位友邦相同，其餘四隻都以中資為主，而EWH並未納入滙豐，倉內只有恒生（011）、中銀（2388）及東亞（023）。MSCI香港指數考慮成份股時，不會限死香港上市，外國上市、主要業務卻集中在本港，一樣可以入圍，除新貴富途，還有早年遷冊至新加坡的怡和系兩間公司。

MSCI很清楚區分香港及中國市場，恒指公司卻將兩者融入為一，唔想要咁多中資垃圾股，EWH會比盈富更為合適。

MSCI香港指數37隻成份股名單、持股比重及今年表現，大表已放在個人MeWe page。

https://mewe.com/p/stockwing

［101］傳Amazon拆股摶入道指，但點解要拆股先入到？道指又點計？又有幾低能？

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折

TLDR：拆細可能有誘因，但，真係要入道指？

1. 雖然好多嘢寫，但都寫埋呢單先。話Amazon會拆股，今次業績就會公佈。咁今次業績係幾時？係美股星期四收市後，即係香港星期五天光之前。

2. 呢單都幾神奇，早幾日由狐狸台記者Charles Gasparino獨家爆料。冇乜詳情，只係引述消息人士，話會令到光頭佬Jeff Bezos拋離 Tesla嘅Elon Musk，更加鞏固首富地位云云。因為拆股就會令Amazon成為道指成份股。出完個 tweet後，股價即時彈咗2%，當然股票唔會話你知點解升。實情股票一年250個交易，有大新聞嘅可能得20日？

3. 會定唔會？好快你就知。不過即使Amazon冇拆股，記者亦可以堅持話「因為我篤爆咗佢先縮沙」，量子力學咁，觀測者改變埋個結果（嚴格嚟講：觀測者唔應該評論啦，你做實驗睇光子都唔會吹氣），難以驗證。

4. 呢個猜測一直都有，而近年大家知，蘋果拆過股，Tesla亦都拆過。Amazon會跟亦唔奇，而如果係做嘅，公佈業績時做埋亦好合理。

5. 更重要嘅係，Amazon之前亦都拆過三次股，分別係1997年，同1999年（一年拆兩次）。不過，亦都要問，對上一次拆股超過20年前，做乜過去咁多年唔做，而家忽然改變主意？

6. 先講記者答案：為咗有得入道指，進一步拋離Elon Musk．呢度就可以講多少少。冇錯，Amazon並唔係道指成份股。FAAMG之中，只有蘋果同Microsoft 係道指成份股，Facebook Amazon Google 都唔係。原因？我都唔知，你去問班委員，透明度好低的。

7. 肯定嘅係，雖然全部係「道瓊斯工業平均指數」，但並唔一定要工業股先入選。

8. 不過有一個問題，之前都講過（懶搵舊文），道指係十分古老嘅東西，清朝（冇呃你！）產物，差不多140年歷史。咁當年計算工具同而家爭好遠，所以佢啲嘢十分求其（下面會詳細講），亦因為顧及計算方便（＊）。之但係，為咗傳統，就咁多年都冇改，就出現好多問題了。

9. 有名你叫，道瓊斯工業平均指數，就真係30隻嘅平均。點平均法？最初就係30隻嘅股價，加埋佢，咪指數咯。易計嘛！清朝咋大佬，將就下啦。

10. 後來都差不多，只係多咗Divisor，你加埋晒30隻成份股嘅股價，再除返呢個Divisor．而家嘅Divisor大約係0.152（聰明嘅你可以諗下，點解會細過1，附注會答）（＊＊）。咁你問，點計呢個Divisor？可以寫多幾千字講，但實務上，Google 或者搵 Wikipedia啦！仲清朝咩！

11. 都話，撇除咗個Divisor影響，道指就係30隻嘅股價加埋一齊。咁戇居都得？就係咁戇居！有乜戇居？好簡單，你諗下兩隻份股，如果一隻而家500蚊，另一隻1蚊，咁有乜後果？即係1蚊嗰隻，基本上升幾倍或跌九成都唔會有影響。500蚊嗰隻？我升1%，對個指數等於你1蚊嗰隻升5倍！亦即係話，股價大嘅公司，對指數嘅影響力就大好多！

12. 冇錯，任何股票指數，都會有啲權重（equal weights嘅例外）（＊＊＊），weights，加權平均數，我年代中四定中五數學要學。咁你每隻成份股佔幾多比重，就各司各法了。

13. 一般現世做嘅，都係market cap weighted，頂多有啲調整。恒指係咁，標普指數係咁。但道指因為係清朝嘅嘢，就用stock price嚟做weight

14. 咁有乜問題？因為個「股價」per se，係冇意義的嘛！A公司股價高過B公司，不等於佢大過B公司喎。我升1蚊可能係100%，佢升一蚊係0.1%，點可以放埋一齊比？

15. 所以，之前蘋果咪有呢啲咁搞笑嘅嘢，原本在道指嘅比重大約係12%，一拆四之後呢，變咗比重係4%，係咪夠低能？

16. 講咗咁耐，咁同Amazon有乜關係？關係就大。一般相信，Amazon同Google，入唔到道指，就係因為個「股價」太大。我懶慢慢計，但而家道指最重磅嘅係United Health，股價4舊水，佔比重已經7% — 咁我放隻3500蚊嘅Amazon入去，加埋隻2400蚊嘅Google，其實係咪睇呢兩隻得了？

17. 冇錯，道指是一個很低能嘅指數，所以真係「專業」嘅都會講標普指數，例如你見比較啲股市表現呀，都應該用標普。唯獨咩情況會用道指？你見啲要做到好耐data嘅就會，因為標普指數係1957年嘅產物，戰後嘅事。

18. 而媒體照報道指，只係因為習慣，亦因為傳統。扯開少少，同樣地，恒指都係麻麻地，但當然已經後生過道指好多，所以冇呢啲問題。但你見「機構投資者」，好多都睇MSCI 香港指數—咁所以，你話港股咁多年冇寸進嘅，睇你睇乜指數啫。

19. 好啦，講咗咁多，如果Amazon想入道指，應該就一定要拆股啦（雖然拆左亦不代表一定入到）。之但係，有冇諗一個問題：入嚟做乜？又或者，搞咗咁多年都冇入，離埋婚拆多份畀前妻上埋富豪榜，都仲係首富，做乜仲要理咩入道指？

20. 記者講法話，可以令佢身家進一步拋離Elon Musk，我就唔知個邏輯在邊。即管當光頭佬會care，但點解入道指就會身家升？入道指股價就會升？似乎唔係好站得住腳吧。有都只係暫時，同基本因素冇乜關。仲要根本追蹤標指嘅基金大過道指好多。

21. 記住，David Webb（唔係講廣東話嗰個）提過好傳神嘅比喻：你個pizza切多幾切，唔會多咗啲（嚴格嚟講少咗添，餅碎又冇咗啲，把刀又痴實一啲）。

22. 你拆股，拆幾多次都得，但點會影響股價？呢個亦係我見親啲人話煤氣「送紅股」嘅搞笑。屌你，送紅股咪即係拆股！

23. 咁至於點解啲公司咁鍾意拆股？官方答案話，提高流動性。即係可能一手長實定騰訊定港交所 十幾廿萬（冇check），太貴，散戶買唔起咁。當然實際上，就同點解啲公司供股用埋啲仆街比較一樣，點解要咩13供5呀咁，咪會有大量碎股，咪可以搵鳩你笨收埋你。間間都係咁玩，包括匯控渣打。

24. 之但係，喂，美股係冇一手手架嘛！所以根本冇呢回事。咁點解仲要拆細？可能就真係為咗降低入場費：但，你問我，一股Amazon都係三萬蚊港紙有找，一股都買唔起嘅，不如都係專心讀書返工？

25. 但但但，時代唔同嘛，而家YOLO嘛，鬼佬連登仔嘛，咁你三千幾蚊美金一股，可能啲網友就真係冇乜動力咯。所以，講到尾，可能都真係吸到多啲散戶？

26. 又然後，美股雖然冇一手手，但如果啲股票一路唔拆，升到幾萬美金一股，咁咪變咗又係入場費好高？不過其實而家可以買Fractional share的（＊＊＊＊）

27. 無論如何，你睇到篇文時，應該已經有答案。你話睇咗咁多對你賺錢有冇幫助？冇乜，但咪識多啲嘢。況且，Patreon一早寫咗啲對你賺錢有幫助嘅嘢啦

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

（＊）正如有一段好長嘅時間（講緊我睇銀行股時都仲係咁！），中國加息減息係要0.27 0.36咁去的，十分低能。點解唔係0.25？因為 0.27 0.36 之類畀9除得盡，易計啲。咁你話9/365 咪又係一堆混吉？錯，佢地用360的。

（＊＊）開估：好簡單，因為啲股票不停咁拆，所以個Divisor要一路縮細先令指數在拆估前後冇變（呢度唔解了）。但點解股票不停拆？因為股票係不停升嘅。又學到嘢了。

（＊＊＊）冇錯係有equal weight嘅指數，美股都幾常用。但，equal weight咪即係全部權重都係1，一樣有。正如唔選擇都係一種選擇。

（＊＊＊＊）呢度真係要搞清楚，有人話Fractional share係碎股，完全錯。Odd lot 先係碎股。香港要一手手買，咁唔足一手嘅咪odd lot，你可以買1股港交所。咁你話，有乜分別？我可以買0.1股 Google，有乜分別？—分別就大啦。你渣住1股港交所，就係股東，你可以入場媽叉李小加或者歐冠昇，1股都係股東，根據我理解佢不能唔畀你入場。之但係，你渣0.1股Google，你就應該冇得入場媽叉皮猜。我唔100%肯定，但就我理解，渣住0.1股嘅唔係股東。法律上最低單位就係1股。你可以去試下。咁你話你唔使媽叉人唔使食西餅嘅，有乜分別？應該冇乜嘅。之但係，美股一股都買唔起嘅，我勸你都係專心返工讀書吧啦。

(連續劇上一回： https://youtu.be/Ovjo4l4Tll4 )

今日就跟大家分享9個荒謬的傳統智慧，因為很多投資新手都十分依賴傳統媒體去學習所謂的傳統投資智慧,但其實原來很多都是不準確甚至甚至會令你虧損，所以今天特意分享讓大家走少一點冤枉路。

藍籌股穩健
藍籌股指只代表當地指數但不代表一定穩健，加上篩選藍籌股公式上已有一定偏見，不能即時更新，令香港指數成份股如例如旺旺(151.HK)﹑聯想(992.HK)﹑思捷(330.HK)等，加入藍籌股後就算下跌亦易入難出。

重榜股低波幅
我們在港股中分別篩選出幾隻重榜股給大家參考，騰訊(700.HK)就是其中一隻市值最高的股票。眾所周知是股價不斷向上，而美股情況亦是同樣。最主要視乎公司現金是否運用得宜，到時侯股價自然可以不斷創新高，相反用在不適當地方的話股價終會下跌。

細價股賺得多
別以為細價股升幅驚人，給你一個例子就會明白：普匯中金國際-新(997.HK)連續幾天大幅度向上，當你以為可以入市時，發覺升勢卻是涉及財技成份，由大戶 25股合為1股引起，所以除非知道「內幕消息」補捉完整升浪，否則還是可免則免。

跌10％止蝕
本來止蝕離場是正確方向，然而現實是很多股票跌10%就會出現反彈，理文造紙(2314.HK)兩次在高位跌10%均有反彈，如你運用這個規則止蝕便會錯失之後升幅，不斷止蝕。下個問題是為何一定要用10%作止蝕，不可用15%還是20％？其實這都是個人隨心設定，沒有數據支撐，事實上若你用技術分析進行部署會更有效。

蟹貨返家鄉離場
當股價返回自己買入價後，很多人都會選擇離場。皇家加勒比海郵輪(RCL.US)幾次無法突破蟹貨阻力區，當成功突破後若按買入價離場的話，你便會錯失之後升幅。其實蟹貨區基本上沒有技術分析可言，當中長線公司有盈利時候，估值亦會慢慢變得吸引，另外亦要看環球資金流﹑成交量等進行買入策略。

追落後
很多人會買走勢較為落後的股票以便從後趕上，然而去到跌市時人們都不會去沽出強勢領先股票，反而優先沽出落後股。有一個例子經常引用，就算劉翔不去跨欄跑跟我們比賽跑步，我們輸也是理所當然，因為關係到實力問題。用同一個理念去比較科網股，金山軟件(3888.HK)及雲遊控股(484.HK)走勢上呈現背馳，如選擇後者，走勢只會更為落後甚至下跌。原因就是金山軟件盈利不斷上升，雲遊控股卻不斷下跌，這個情況試問如何追落後。最終一定要看基本面

市盈率越高越貴
這個答案相信大家都知道是一個謬誤，騰訊市盈率幾乎50倍但仍然可以繼續破頂。最主要是市盈率沒有量度增利增長，單純利用過去數據去計算。

三飛烏鴉
坊間經常提到三飛烏鴉或三白武士，代表連續三天陰燭下跌或連續三天陽燭上升。其實兩者都不可信。IGG(799.HK)幾乎連跌十天後反彈，同樣情況早前再連跌三天反彈再跌。問題就在於到底要跌多少天才有反彈，那就形成坊間的四飛烏鴉﹑五飛烏鴉等出現。

五窮六絕七翻身
這是極荒謬但極多人相信，也讓最多人下最大注。我們早前做個不同統計證明五角六絕七翻新時如何不準確(https://youtu.be/7gL6Uo4CzVM?list=PLuZUR1nnsEKolE_dlUsJPbg7JmZqeO7Pa),首先五窮六絕出現機會僅24.49%，再加上七翻身，成功發生只有58.33%。

════════════════════

?財務自由不是夢！把握機會免費體驗?

施傅【10年財務自由】1小時簡介+工作坊
立即試看：https://www.gregorysy.com/

════════════════════

❓有效 極速 儲存千萬❓

【零至千萬加速器】1小時簡介+工作坊
免費試看：https://edu.money-tab.com/pages/accelerator

════════════════════

茶敘50 《ALL or NOTHING》
立即購票：https://edu.money-tab.com/pages/teatalk-50-online

所有課程/活動一覽: https://money-tab.info/activity

施傅新書「量化交易」手冊
網上即買： https://www.money-tab.info/2020-book-purchase


✓ APP下載: http://onelink.to/mtapp
✓ 升級版: https://money-tab.com/membership

❖訂閱【富翁電視MTTV】頻道:
https://bit.ly/35dJW4Y
❖訂閱【我要做富翁】頻道:
https://bit.ly/35LOy2J
❖讚好Facebook專頁:
https://facebook.com/203349819681082
❖追蹤Instagram專頁:
https://www.instagram.com/money_tab/