《第一次煲湯》
♂：早晨
♀：早晨
♂：有樣野我想問下你意見
♀：問啦
♂：有個人我好想搵，但搵佢之後可能會令依家既生活有好大變化，咁搵唔搵佢好
♀：咁問題係你想唔想有呢個變化先？同埋搵呢個人對你有咩好處？
♂：我老豆既野你記唔記得
♀：記得，同你老豆有關？
♂：同佢既死有關……我老豆有個好親密既人，我覺得佢比我更了解我老豆，關於佢既死，我想問下佢有冇我唔知既野
♀：如果你知道左，對你有咩好處
♂：其實如果係之前既我，應該問左，但識左你之後，我又唔想搞太多野，只係尋晚我又夢見佢，呢個問題突然間又出現返
♀：咁點解你之前唔問佢呢？都幾年啦
♂：因為我返左舊屋住，整理佢既遺物我先發現呢個電話
♀：以我認識既你，唔搞清楚呢個問題你唔會心息
♂：咁你會唔會想我唔好搞咁多野，我覺得呢個問題可能會影響到我地，所以我覺得有必要同你傾下
♀：唔……咁啊，你覺得呢件事係大事定小事呢？
♂：呢件應該係大事啦
♀：咁你決定
♂：咁如果係小事呢？
♀：以後所有小事就我決定
♂：呢個決定方法好似幾好咁喎，咁點為之大事點為之小事呢？
♀：分辨件事係大事定小事，呢種咁小事既，就交比我啦！
♂：……我想問……食乜呢樣野係大事定小事？
♀：嘩，要諗食乜咁大件事，你決定！
♂：屌……大獲……
♀：咁你今次決定件事點做啊？
♂：既然你覺得我唔問唔心息，咁遲早都要處理，我依家就處理左佢先啦
♀：處理……你特登嫁
♂：暗示暗示！！哈哈哈！
♀：妖！食屎啦你！
♂：你知唔知我既夢想係住一間有客廁同主人廁既樓
♀：你唔係想講咁就唔駛爭廁所啊嘛？
♂：Exact7ly！
♀：你有錢既可以咁做，但先生，依家一個廁所維返尺價睇都要幾十萬啊
♂：我知啦，我諗住新屋裝修要唔要拆左個廚房佢
♀：下……點解啊！
♂：因為我計過，依家廚房有50呎左右，維返個尺價都要五十萬up，我拆左佢，然後每日叫外賣，當每日叫500蚊都好啦，都夠我三年日日叫外賣
♀：……我竟然無話可說……
♂：岑小姐你喜唔喜歡煮飯先？
♀：呢個問題……係一個陷阱
♂：如果你鍾意煮既，我就唔拆喇
♀：我好似未覆你要唔要同你一齊住喎
♂：咁我唔拆喇
♀：下，點解啊，咁你咪無得叫外賣囉
♂：我煮飯比你食！
♀：講左就係嫁喇喎，我比多次機會你講多次
♂：洗埋碗添！
♀：嘻，唔好食既，我唔會夾硬食嫁！
♂：你要唔要試下我手藝？
♀：嘩，又想呃我搵你！
♂：我無呃啊，我想見你，日日都想
♀：今日收夜喎
♂：你可以訓我妹張舊床
♀：哦，好啊
♂：咁我買餸喇！
♀：我想飲青紅蘿白豬骨湯
♂：收到！！！
♀：咁我做野先，你加油！
♂：準備好飲我既靚湯啦
♀：收工喇，依家過黎
♂：我都差唔多煮好，密碼你記得？
♀：我好好記性既
♂：晚安，我間房無鎖嫁
♀：晚安！
第二部的最終回見面版已上載Patreon，連結
https://www.patreon.com/....../chang-qing-bu-di......
四條仔去Staycation的上篇都在patreon可以觀看
中篇 響30 晏少少更新
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
密碼鎖解鎖方法 在 密碼鎖忘記密碼，打不開怎麼辦？4個方法，輕鬆解開密碼鎖頭！ 的必吃
4 Ways How to Open a Combination Lock方法1：現在密碼鎖的密碼是0000把密碼鎖鎖 ... 能輕鬆解開忘記密碼的密碼鎖方法2：按鍵密碼鎖忘記密碼，如何解鎖？ ... <看更多>