呢位小朋友Whisky响我家已經住咗一個月零二十二日，感覺上好似好長，但原來只係呢個短短嘅時間。對佢之前坐咗9年監（聽說佢以前生活係不見天日）嘅狗來講，去到我家，人多、狗多，簡單嘅雀仔佢都好似未見過，事事都感到陌生同好驚（唔好睇佢肥屍大隻），面對呢啲突如其來嘅新事物，識飛識挑機嘅雀仔，佢唯一方法就係「吠」。
除咗佢係好長氣咁「吠」外，佢都好乖，好快學識去廁所位置，會讓Snoopy玩、勁黐身、錫我最窩心，入黑就算村內其他狗狗吠到好似交響樂咁，佢都唔會加入嘈埋一份，一覺瞓到大天光等我起身，就算爸爸夜歸就要係起身聞一聞就返去佢個位瞓。
天俾我咁都遇上佢來講，係一種學習，而對於只係來咗一個月零二十二日嘅狗狗來講，係要我學習耐性同包容。打罵對呢隻狗係解決唔到問題，將心比心，你好日唔理佢，一來就打，你嘅感受會係點呢？
我成日都係俾狗蝦，屋企嘅狗如是，朋友嘅也是，我其實好享受，即係代表佢哋感受到我嘅愛同信任。唔使罵，我一句簡單嘅指令就會跟我出跟我入，所以同時我好希望我嘅家人支持我（人類）緊餘嘅善良，俾我愛佢一生一世嘅承諾之餘，陪我同Whisky一齊學習，放低「點解咁都唔適應」嘅偏見，九歲嘅狗狗已經唔年輕，人類去到六十幾歲去新地方都需要一段長時間去適應吧，對嗎？
最後我想跟我嘅鄰居同家人們講聲對唔住，可能佢嘅吠聲對大家會做成滋擾，請給我點時間，我會盡力好好教導佢。
#我愛我每隻小狗一生一世
#如果要佢走我會跟佢一起走
#負面情緒影響家運及狗狗心態
#學習耐性包容
#beabetterman
#mynameiswhisky #shepherd #minishepherd #dogstagram
