兩台「劇本殺」節目收視「攬炒」,唔啱本地觀眾口味?,
~ 兩台這次「劇本殺」對決收視有結果,就係「攬炒」一齊跌!TVB《死因有可疑》只得9.5收視,雙位數字也不保,對大台來說肯定是非常差的數字。另一邊ViuTV《嫌疑事件簿》第一周只有3.6收視,相對上周《中女唔易做》的5.5,差不多跌了2點,用百分比計算係慘烈,不過仍然高過《造美人》的2.9點。
開初諗住相同節目正面對撼,情況熱鬥會刺激觀眾收看意欲,點知變左「攬炒」收場,兩敗俱傷,看來除了製作質素問題,觀眾唔啱口味也是個主要因素。可是,有一點令人費解,大台的觀眾不是很喜歡睇查案的嗎?這半年來大台不斷推出查案劇,平均收視仍然保持二十點以上,剛剛播完的《逆天奇案》,大結局一集最高收視有30點,估計全劇平均收視有26點,暫時成為今年收視之冠,擁有這麼多喜歡睇查案的觀眾,為什麼有16-20點觀眾不看《死因有可疑》呢?
演員卡士唔夠強嗎?誠然,《死因》欠缺了據說是年青人最喜歡的偶像曹永廉和蘇永康,但仍然有「三生一旦」擔正,包括有「三花家訪」的方力申、「食腦喪B」何廣沛、「一事無成」周柏豪和做奸好睇過做忠的劉佩玥,已經是一套三十集劇的主角卡士,點解收視仲係咁慘情呢?首先這劇不是誠意之作,立心是搞破壞,唔比《嫌疑事件簿》食到「劇本殺」這種綜藝節目的頭啖湯,所以只有五集,用心是打擊《嫌疑》首周收視,之後拖低第二、三周收視,因為製作急就章,只有厰景和「歡樂今宵」式製作,劇本又做得唔理想,唔吸引觀眾自然有理由。還有一個重中之重的重點,就係《死因》的查案過程中無三角戀,你估正劇的查案片受歡迎係因為偵探推理,這樣想的誤會了大台觀眾口味了,他們其實喜歡睇一邊查案一面搞三角戀,緝完兇又找到最愛是誰,才是他們的喜歡的劇情,所以《死因有可疑》唔啱睇的原因係無三角戀,死因無可疑!
《嫌疑事件簿》衰開頭已經講過,嫌疑犯太多、時間唔夠、演技參差、剪接混亂、幕後經驗不足,都已經點出過,第二輯故事雖然已經有明顯改善,但在ViuTV網頁「最多人睇」的重溫區中,經常三甲不入,也間接證明了唔多啱ViuTV粉絲口味,如果ViuTV要再搞同類節目,可能要拍《ERROR殺人事件簿》,本來想殺肥仔、193同保錡,點知次次最後都係殺左Dee哥,點解嘅?一齊笑住推理,應該好收視!
#嫌疑事件簿 #死因有可疑 #劇本殺 #攬炒
同時也有1部Youtube影片,追蹤數超過76萬的網紅memehongkong,也在其Youtube影片中提到,Clubhouse: stephenshiu 我開左Twitter和IG啦!想睇多d可以關注:Twitter: @hkStephenSYY / IG: hkStephenSYY 加入我們的patreon:https://www.patreon.com/mrshiu 你爆料我來講email: conn...
「嫌疑事件簿死因有可疑」的推薦目錄:
- 關於嫌疑事件簿死因有可疑 在 講劇時辰到 Facebook 的最佳解答
- 關於嫌疑事件簿死因有可疑 在 講劇時辰到 Facebook 的最佳解答
- 關於嫌疑事件簿死因有可疑 在 Facebook 的最讚貼文
- 關於嫌疑事件簿死因有可疑 在 memehongkong Youtube 的最讚貼文
- 關於嫌疑事件簿死因有可疑 在 #死因有可疑 - Explore | Facebook 的評價
- 關於嫌疑事件簿死因有可疑 在 《嫌疑事件簿》File1 渡假村油漆殺人事件! - YouTube 的評價
- 關於嫌疑事件簿死因有可疑 在 最新趨勢觀測站- 曾志偉死因的推薦與評價,YOUTUBE、PTT 的評價
- 關於嫌疑事件簿死因有可疑 在 最新趨勢觀測站- 曾志偉死因的推薦與評價,YOUTUBE、PTT 的評價
嫌疑事件簿死因有可疑 在 講劇時辰到 Facebook 的最佳解答
短評《嫌疑事件簿》和《死因有可疑》第一宗案件
~ 其實兩邊都做得唔夠好,但製作上,用實景的ViuTV顯得更有誠意,《渡假屋殺人事件》最大問題是嫌疑犯太多,八個人的背景、人物關係、每個人的疑點、到推理解迷,在每集只有廿多分鐘的內容下,明顯唔夠時間解釋,劇組亦只能將鏡頭盡量剪短剪碎去交代案情,加上首次攝製,經驗上亦有問題,第一集處理得比較亂,因為人多所有劇情對白密麻麻,觀眾追都追唔切,更何況去思考誰是兇手!人太多時間唔夠,加埋演員演技參差,令到追兇氣氛不足,淨係覺得趕住完。,
~ 《死因有可疑》大台又故技重施,即係當年見亞視《今日睇真啲》收得,即刻做《城市追擊》頂爛市,再憑籍自己的慣性收視去壓到對手。因為急就章,自然不會用實景,全部改用廠景,欠了點真實感,不過處理上方便左,解畫上容易左,再加上只得五個嫌疑人,又比ViuTV做多十分鐘,還有大台好驚觀眾唔明的作風,反而嫌佢解釋得太詳細,其實兩節都足夠。《死因》最大問題是定位,「番梘sir」這設計,當你趣劇好定認真推理睇好呢?加埋又經常步捉演員忍唔住笑的鏡頭,睇緊EYT趣劇嗎?又係直接破壞了查案氣氛,不過又好大台作風,可能她的擁躉會喜歡。
~ 兩台的劇本其實都唔多理想,港劇的推理始終未夠班。
~ 第一單案雙方都有不足,效果也不太理想,去到第二單案,ViuTV的《畫展作品失蹤案》首集處理上有改善,混亂減少了,人物交代清晰左,未睇第五集,所以未知氣氛是否提升?至於《死因》第二個故事,見到那「藍神」搜證期間,無端端又唱「一事無成」,真係hea Q到無法形容,放棄不看了!
#嫌疑事件簿 #死因有可疑 #一事無成就係一事無成
嫌疑事件簿死因有可疑 在 Facebook 的最讚貼文
【 20年後再度出現的世紀電視大戰 】
2021年6月14日,亦即是今晚十點半,20年來第一場真真正正的香港電視大戰,終於出現!
有人看到這一句或者會大笑三聲加送反白眼:你係咪搞笑呀𠵱家?明明你自己4月都有寫過報道,指ViuTV的《最後一屆口罩小姐選舉總決賽》與TVB的《開心大綜藝》第一集(11/4),或者ViuTV的《Chill Club推介榜年度推介20/21》與TVB的《開心大綜藝》第二集(18/4)都是電視大戰,何解今次又叫做「真真正正的香港電視大戰」?是咪江郎才盡冇貨賣求其改標題呀?!係就返歸啦!
的確,每個人都需要返歸,尤其是今晚,不然就會錯過這場「電視台PK賽揭幕戰」!(當然深信會有些人走出來留言話:「兩個台我都唔會睇囉!」Who Cares?!)事實上,TVB與ViuTV於過去一段時間的所謂「大戰」,從來都是Apple To Orange,不同題材的節目於同一時段播出,嚴格而言只能說是「有意識地競爭」,大台試圖改變現有的觀眾比例,吸引更多年輕人回歸81台,但不能說是「硬撼」,直至今夜無綫製作的《死因有可疑》,與ViuTV製作的《嫌疑事件簿》同樣於晚上10點半播出,是繼2001年8月,大台臨急臨忙籌備《一筆Out消》,與亞視《百萬富翁》同時段比拼後,再次出現兩台同類型、同題材的綜藝節目於同時段播出,較4月兩場「周日對戰」更有睇頭。
同樣都是藝人查案的綜藝遊戲節目,網民很容易會將討論焦點落在「係咪有人抄橋?」這一點上,TVB忠粉理所當然說ViuTV抄襲,反之亦然,永遠口同鼻拗,坦白講,來到撰文一刻,節目都已經作播映前最後倒數,「誰抄誰」其實不及「誰做得好」重要,畢竟至今只知道由ViuTV監製葉子文領軍的《Chill Club》班底早於今年2月已落實籌備《嫌疑事件簿》,而《死因有可疑》那邊,由何小慧監製、周智負責創作,究竟是王祖藍回歸大台擔任首席創意官之後還是之前已拍板埋班,不得而知,深信他們亦不會透露更多,何況這類燒腦解謎節目,在亞洲地區絕非新鮮事,韓國有《Crime Scene犯罪現場》、《女高推理班》(High School Mystery Club),中國大陸也有《明星大偵探》,就算ViuTV的製作班底真的較無綫早一步想到要拍此節目,也不過是五十步笑百步而已。
《死因有可疑》只得5集,由 #方力申 、#郭子豪 、 #張秀文 、#游嘉欣 、 #劉佩玥 、 #何廣沛 主持,嘉賓方面則有 #周柏豪 、 #鄭融 等等,全廠景拍攝,節目嘉賓需要在案發現場搜尋證據,推理案情,解開兩宗案件的謎底。而參與《嫌疑事件簿》的藝人計有 #張建聲 、 #陳凱詠 、 #談善言 、 #黃溢濠 、 #歐鎮灝 、 #李炘頤 、 #顧定軒 、 #陳海寧 、 #湯駿業 、 #梁雍婷 、 #米露迪 、 #鄧麗英 和 #易健兒 ,節目共15集,全實景拍攝(包括有一集在電視台錄影廠發生),嘉賓需要解開6個故事的謎團,除了涉及命案,也有尋找失物和桃色事件解密等等。值得留意的是,晚上11時是翡翠台(81台)全個黃金時段中的最脆弱部份,如今ViuTV正於該時段播出皇牌節目《調教你MIRROR》,大台為了留客,決定將《死因有可疑》由只播半小時,加長至45分鐘,《晚間新聞》需延後至11時15分播出,擺明車馬要與《調教》對撼,所以話,昔日亞視,今日ViuTV,無綫管理層對於這兩位對手,從來都是口裏說不,身體卻極度誠實,不過換個角度去想,如果我是大台藝人,也情願節目與其他頻道硬撼,起碼有人鬧、有人報道,而不是靜靜的播,靜靜的結束。
《死因有可疑》報道: https://bit.ly/3gvtBPg
《嫌疑事件簿》預告:https://bit.ly/3gkrUFd
與 阿感-黎國輝 開Podcast講電視大戰:https://bit.ly/3pQRZis
(14062021)
#游大東 #游大東影視筆記 #嫌疑事件簿 #死因有可疑 #TVB #VIUTV 做乜膠睇電視 我睇咗啲乜嘢 港人講電視 港女講劇 #調教你MIRROR Laiying エミー TANG 鄧麗英 Wong Yat Ho 黃溢濠 陳海寧 Isabella Chang Ning 張建聲 Justin Cheung 米露迪 Rachel Leung 梁雍婷 Zeno Koo 顧定軒 陳凱詠 Jace Alina Lee 李炘頤 Hedwig Tam 談善言 湯駿業 Ahdee
嫌疑事件簿死因有可疑 在 memehongkong Youtube 的最讚貼文
Clubhouse: stephenshiu
我開左Twitter和IG啦!想睇多d可以關注:Twitter: @hkStephenSYY / IG: hkStephenSYY
加入我們的patreon:https://www.patreon.com/mrshiu
你爆料我來講email: connectiontaiwan@gmail.com
謎米新聞:news.memehk.com
謎米香港: www.memehk.com
Facebook:www.facebook.com/memehkdotcom
——— ?香港會官方帳號 ———
Clubhouse Club: 香港會
https://www.joinclubhouse.com/club/%E9%A6%99%E6%B8%AF%E6%9C%83
Instagram: HongKongClubhouse
https://instagram.com/hongkongclubhouse?igshid=ec5b9x6cvgm0
Telegram:
• 頻道 @HongKongClubhouse
https://t.me/HongKongClubhouse
• 群組 @HongKongClubhouseGroup
https://t.me/HongKongClubhouseGroup
如對香港會有任何查詢,歡迎PM IG官方帳號
嫌疑事件簿死因有可疑 在 《嫌疑事件簿》File1 渡假村油漆殺人事件! - YouTube 的必吃
《 嫌疑事件簿 》File1 渡假村油漆殺人 事件 ! ... 死因有可疑 |校園幽靈殺人 事件 一氣呵成版|方力申|劉佩玥|何廣沛|郭子豪|張秀文|游嘉欣|推理 ... ... <看更多>
嫌疑事件簿死因有可疑 在 #死因有可疑 - Explore | Facebook 的必吃
兩台這次「劇本殺」對決收視有結果,就係「攬炒」一齊跌!TVB《死因有可疑》只得9.5收視,雙位數字也不保,對大台來說肯定是非常差的數字。另一邊ViuTV《嫌疑事件簿》 ... ... <看更多>