《黃金有罪》第一集，只是條四十分鐘的預告片。
睇戲和劇，最怕劇透，但大台劇偏偏喜歡劇透，例如最常見的播主題曲時，有大量劇透片段，甲同乙未分手，大家已經見到他將會和丙拍拖之類，另外是放料俾友好媒體日日劇透，他們慣常咁做因為有些觀眾鍾意睇完劇透先睇劇，這點我其實好唔明，不過又事實存在。大台劇另一不變傳統是好驚觀眾唔明，凡事都要講清講楚，明明鏡頭影住個紅色蘋果，都要加句對白，「個紅色蘋果睇落好好味喎。」
而《黃金有罪》第一集，基本上完全發揮大台劇集上述兩大特點，首先，這一集表面用倒敍開始，但倒敍了成集也未完，其實完全可以當係全劇的預告片去睇，或者一早劇透了重要情節給大家看。睇完第一集，你大概會知，之後的劇情會講張兆輝由泰國到香港，遇上蕭正楠、洪永城，稱兄道弟後一齊打拼，張兆輝野心太大，因此非常傳統地三兄弟反面。做實業發了達的張並不滿足，還搭上林韋辰一同靠炒股再去賺大錢，出鏡只得一場，無乜對白的陳瀅，相信是為錢去攀附權貴的角色。關於感情線，都係一早話你知，張兆輝、蕭正楠、姚子羚和楊卓娜有四角變，張姚真心相愛，不能在一起，蕭又暗戀了姚很久。還有再預告條街坊線，蕭正楠、洪永城同何遠東一同長大，之後會慢慢同大家講情同手足的三兄妹如何分化，為甚麽何信任蕭多過洪，盧苑茵會做何的媽媽，最終因何成日唔腳踏實地，偷錢炒股激氣到暈了。殺人都夠膽的張兆輝已經預告了，他將會由頭奸到尾，昨晚整集雖然節奏頗快，但不少情節無頭無尾，即係表示整個故事只是預告了一半或者大半俾大家睇，還有他們點結局，之後會續步俾大家睇，所以第一集是個承上啟下的中途預告。講清講楚部分是指怕師奶唔命，於是不斷解說股票莊家，如何聯同一群打手，托高股價及出貨害散戶⋯等等，講到咁白無理由唔明啦。
昨晚有朋友看完留言話老土，個人唔覺，因為大台用八十年代的拍攝手法和對白，講番八十年代的故事，好吻合吖，反而《解決師》用相似的手法和對白，去講述一個現代發生的故事，呢種就真係老土嘞。張兆輝的確保養得唔錯，睇落去還算後生，但係，當蕭正楠跟他說一場兄弟時，硬係有種唔順眼的感覺，唔覺得他們似兄弟，其實似父子或者師生多啲，當年《創世紀》羅嘉良、陳錦鴻同郭晉安，年紀差不多，好有兄弟感覺，張兆輝、蕭正楠同洪永城，兄弟感覺真係唔強。
看完這條四十分鐘還未完的預告，大家還有沒有興趣追看下去？為了睇姜大衛，個人還會多看幾集才決定，而這劇應該可以召回一批唔睇《鳯奕》的大台擁躉，廿四點收視應該有，始終演員陣容不弱。
#TVB #黃金有罪 #劇集 #張兆輝 #蕭正楠 #洪永城 ＃姚子羚 #陳瀅 #林韋辰 #何遠東 #盧苑茵 #文雪兒
姜大衛後生 在 三兄弟後生都幾靚仔喎 #秦沛#姜大衛#爾冬陞 ... - Facebook 的必吃
鐘漢良驟眼睇有d似秦沛後生個時，但佢香港tvb出身唔紅，後來轉戰大陸同台灣紅左 ... 睇真爾冬陞最靓仔，但不夠姜大衛有人縁，秦沛又靓仔又好演技，無論什么戏，只要有 ... ... <看更多>