關於 如果唔開心我都可以做樹洞哈哈哈 ，我們在網路上蒐集到這些相關的討論、資訊與評價

【自殺】

人活著最大的寄託，就是看見希望。一旦覺得做的任何事情都徒勞無功，就覺得失去了辛苦奮鬥的意義。像打遊戲一樣，如果在同一關卡多番嘗試仍然無果，就會覺得不如放棄作罷。人生其實也如打遊戲，只是遊戲可以在網上搜尋破關攻略，而人生只能靠我們自行摸索，但兩者，其實都必然有逃離困難的出口。

我很喜歡蘇打綠的《飛魚》。「生活我已全然看透／沒有甚麼想要做」，人們總喜歡告訴你世界很大，面前總有希望。可是有時在絕望的深淵裡，即使是最美好的景象，也無法令你找到爬離谷底的力量。在那些日子裡會覺得，即使快樂也不過是一剎，即使美好，也不想再耗費力氣追求了。唯一，曾經給過我救贖的念頭是，既然都已經到了谷底，既然都已經想到了結人生，不如就隨心所欲放任自己。人生有些困難是自己賦予的。礙於家庭背景，礙於面子，礙於對自己的期望，我們給過自己一些規條，覺得自己不可能做某件事——不能放棄只有失敗的學業，不能離開討厭厭倦的工作，不能放下喜歡深愛的人。可是這些不能，都只是因為還在乎別人對自己的評價。反正連死亡的念頭都有了，不如先試試放過自己。討厭學習討厭工作，就傾盡全力做自己喜歡的事情；喜歡深愛不再愛自己的人，嘗試逐寸逐點抽離，偶爾容讓自己任性，總會退讓到可以離開的距離，又或是，有天可以打動對方。只要還有一絲快樂，也就足夠再活一段日子。

「儘管痛苦麻痺還是那麼多／天空就算不藍或許還有彩虹」—— 生活不是童話，風雨過後不一定有彩虹。不過反正已經在這裡了，不如就再試一次，看看會不會快樂起來。難過絕望的時候，我通常嘗試不去想自己有多難受。多讓自己建立習慣，麻木感官，將生活的每個行程活成梳洗那樣的自然反應。活得規律，容易慢慢找到滿足感和快樂。

每個人的通關方法不一，也不必強迫自己取得甚麼驚天動地的成就。或許亂衝亂撞一番，就會逃離深淵，接近快樂的那個出口。

#我的寫作日常 #089
#蘇打綠 #飛魚
#早上能量高適合閱讀沉重的文章
#如果唔開心我都可以做樹洞哈哈哈
#90至100篇不再寫收到的題目了哈哈哈
#still Pigaboo 🥰

香港好唔開心，香港人都好唔開心，分享比大家係想大家知道，我哋仲有同路人

渾水:

首先，多謝你呢個樹洞

我係一個80後打緊政府工嘅人，有穩定嘅收入仲有唔錯嘅前景。不過我地想移民，只係未畀到安穩嘅生活屋企人。啲上咗年紀嘅人成日講：唔鍾意呢度唔好搞亂呢度，移民走啦！聽到呢啲口吻嘅偉論，我都會不其然咁（喺心入面）冷笑

呢兩個月好鬱悶，甚至有啲抑鬱，又好擔心前線。睇咗無數次直播，最嬲係721果晚，無辜嘅人都牽涉在內！返工地方就梗係有藍絲，有次同同事爭辯講起721果晚，同事窒我：咁你唔出去？！我無出聲，因為真係好燥，一燥就易講錯嘢，好難共事落去，所以我忍。但更恨自己太多包袱。

8月5號公務員集會之前幾日我猶豫咗好耐去唔去，搞到訓得唔好，真係擔心會唔會被炒，雖然衡量過無乜可能，不過都係會覺得有風險。8月4號晚，返到屋企被阿媽突然講起叫我唔好去集會，我認我唔捨得呃佢（住）：如果連最硬嘅鐵飯碗都唔出嚟，其他香港人只會更危險

點知阿媽突然爆喊，仲好擔心咁話無咗份工第時邊個養佢地。我無怪佢，因為呢個都係令我卻步嘅原因。不過終於係有去的，只係呃阿媽話OT。好想同咁多同路人講聲多謝，願意陪咁多公務員走出嚟表達意見，以職業嘅身份嚟講，第一次咁強烈感受到同市民站在同一陣線，係感動嘅

阿爸阿媽生於50年代嘅內地，經歷過文革、大躍進。正值香港經濟起飛時佢地偷渡嚟香港，經常同我講細個要「挨飢荒」，相信呢個係我輩上一代嘅典型寫照。呢批人喺八、九十年代用佢地嘅壯年貢獻咗香港，成就咗東方之珠呢個美譽（當時）

今日佢地逐漸踏入退休年齡，不過其實仲有好多好多，都仲喺職場上面，或保安，或清潔，或地盤等等各種基層職業掙扎緊，好多都捱到傷晒病晒都仲返緊工。早幾日特首仲責怪示威者，因為唔少香港人手停口停。我想講，到今時今日咁富裕嘅香港竟然仲有唔少人手停就口停，呢個絕對係政府嘅責任

無做好人口規劃無上限輸入人口；無做好經濟結構轉型，金融、物流、旅遊全部都好易受外圍經濟因素影響；喪起基建都唔肯整多幾間醫院，盲目相信滴漏效應。明日大嶼都只係為咗引進中資取代華資，又點會為咗香港市民呢？

可惜香港人唔會諗呢啲，無知是最幸福的

好多朋友問會唔會生小朋友，以前我都會答隨緣啦，依家我會答：喺香港就唔會喇，唔想生出嚟要佢地受苦。世上無嘢係唔變，尤其是係今日嘅香港，沒有最荒謬，只有更荒謬，基本法都可以瘋狂咁解釋同加附件啦。香港人接受唔到唔穩定，接受唔到被人阻住返工（明明好憎返工），學子華神話齋，講得出好鍾意返工嘅人一定係鬼上身。但唔諗下點解到今日都仲係停留喺手停口停嘅階段。懶於去思考係香港人嘅通病，亦係當權者希望市民懶於去思考，所以先有警察竟然敢拎證物去做示範咁違反程序嘅事發生、去做各種愚民嘅記招、宣傳同教育。無知、平庸之惡，係好可怕

Who moved my cheese? 呢本書概念好簡單，但畀我好大嘅啟發。工唔可以打一世，所以同朋友夾份做咗少少投資，希望可以有多一個收入來源，至少唔使咁擔心自己無咗份工。自己又無乜物慾，電話又唔使用最新，有書有漫畫睇下就OK，去旅行都係去台灣多，因為好啱移民。而且最重要佢地已經經歷咗白色恐怖時期，得到難得嘅民主，可以去做free rider，哈哈……不過最想當然香港都有啦……

早兩日老董又出嚟講幾句，地產建設商會又要發聲明譴責，今日見到唐唐又要走出嚟做護旗手，忽然覺得做個小小公務員又無乜物慾係小確幸，至少唔使去到七老八十都仲要為左名為左利而拋個身出嚟。

反送中運動好多人犧牲咗自己嘅前途，亦有人犧牲自己性命…….走到今時今日都好似乜都無爭取到，仲越拉／告越多人。我無水晶球可以預測到發生咩事，但我同朋友講，如果有能力一定要請呢批人做員工，因為佢地犧牲太大。亦都希望將來有機會喺外地發展，如果佢地想離開，會有多個安心嘅選擇。不過都唔排除佢地會早過我發達嘅，始終我係一個好保守嘅人lol……

講到呢到先…多謝你嘅耐心🙇‍♀