今朝如常懷住好心情起身，
細妹如常六點半自動彈起，
正當我悠閒地繼續整飯盒早餐之際。。。
細妹忽然走入廚房。。。
神色凝重咁講我知。。。
佢忘記Print VA堂用的圖片😑
點算😨？我要整飯盒，阿妹又唔識用words。。
唯有叫醒家姐幫手。。。
那時候正值6:45，猛叫家姐起身，
「幫阿妹print嘢丫，乖，起身啦。。。」
一邊叫家姐起身，一邊催阿妹早餐食快啲，
「唔該你唔好品神咁慢，你仲要搵圖片呀。。。」
20分鐘後👈🏾當中包括10分鐘咆哮，
家姐終於黑面地起身。。。
「佢啲嘢又關我咩事喎，點解要我幫佢。」
當下我好想搭咀。。。
👉🏾「你盒飯+早餐又關我X事，點解要我又煮又洗？」
但。。。我忍咗。。。😑
好唔容易，搵完圖片，家姐幫手在words貼好，
打算print出黎喇。。。
WTF!!!!! 部printer唔work呀！！！！😨
叫阿妹拿拿臨去搵阿媽珍藏的雜誌，
盡快剪幾幅圖出黎貼落A4紙到，
佢碎碎念話叫咗你咪貪平買cheap printer架啦；
亦因為我入咗家姐房check Printer關係，
所以見到佢一地都係衫。。。
呢幾日洗完叫佢放好嘅衫，佢完全無放過，
👉🏾即使我尋晚已咆哮佢要佢執好啲衫。
因太趕太煩關係，兩個瘋狂嗌交，
你一句我兩句；你撞我，我推返你。。。
當下，我爆了。。。
唔理隔離屋聽唔聽到，
👉🏾唔該你地收聲，收埋果副令人想打鑊的面口！
因為阿媽的撕叫聲，阿妹爆喊咗🤦🏻♀️
我無眼睇入房換衫刷牙洗臉，
才走入房，已聽到家姐手起巴落的聲音，
兩姐妹在外面打個起勁。。。
我即趕出去再大聲話「打丫，同我一齊再打丫！」
三母女黑住無可再黑的口面遲咗15分鐘落樓，
好唔容易等到小巴，
細妹話佢唔記得拎八達通呀！！！！
天呀！！巧難頂呀！！！
我頂唔順呀！！！！
可以賜我一個男神安慰我的心靈嗎？
😭😭😭
親💕星期三快樂💕
#今日本打算整個游泳寶寶
#講下天氣點熱去游個水好
#但點游都撲唔熄我那怒火
#食緊早餐飲緊奶茶治癒緊
#奈何坐我對面的不是男神
