Search
【這陷阱～這陷阱～這陷阱～偏我遇上🎵 】
「我一早就估到啦！」、「同我預計一樣！」大家有無試過喺形勢未明下憑直覺都可以估中結果?
小心，你可能已經墜入一種心理陷阱 ─「過度自信偏誤」(Overconfidence Bias)！呢種偏誤令我哋會不自覺作出無科學根據嘅估算，即使預測同結果毫無關連，仍覺得自己係「獨具慧眼」估中結果。
喺投資上，如果帶住呢種偏誤一味深信自己嘅眼光同埋諗住食住個勢贏落去嘅⼼態，盲目追求短線回報，因而罔顧風險警示，隨時得不償失。
其實我哋管理MPF都要好好計劃同部署，唔應該盲⽬捕捉⼤市短期嘅走勢，而係利用複息效應作長線投資，透過時間將投資滾存增值先至啱！
#滾續達人 #過度自信偏誤 #自我感覺良好 #太自信未必係好事
這間紮根深水埗多年的內衣店，可能你我都曾經路過，但也許未必記得或者有印象。這間看似平平無奇、毫不起眼的小店，原來內裏有一位樂善好施、富人情味的老闆娘。
開業20載 天天工作風雨不改
「點解我會日日返工唔休息？因為我太熱愛呢個行業。」今年69歲的老闆娘May，從事內衣行業至今已35年，經營地舖20年。視工作為終身事業的May，不論在街上抑或店內，只要眼見有女士「着錯胸圍戴錯bra」，便有衝動走近作善意提點，「我有30幾年經驗，一『?』就知你着乜！覺得人哋着錯就想走埋去，甚至可以唔賺錢、幾多折都得，只係想幫佢，直情有咁癡線嘅衝動。」
深信內衣不是愈貴愈好
大部分人可能認為內衣愈貴愈好，怎料最終也是買了不合適的內衣，浪費金錢之餘更影響健康，引致的後遺症可能比想像中嚴重，May就親眼目睹不少個案。例如有女學生穿錯內衣而影響胸形、導致寒背；亦有客人豪花成千上萬元買名牌矯形內衣，結果矯形變「畸形」，把上身勒至頸梗膊痛。「有啲人着胸圍，只係崇尚名牌，越貴愈好，但我嘅理念係一定要着得健康、舒服。」每位女士也能擁有合適的內衣，是她的希望，以及每天工作的動力。
待客人如朋友
「我會做一啲好傻又好無聊，但會令自己好滿足嘅事。」May笑着說。
她曾遇過一位體型過胖的婆婆，May因為擔心她的健康而主動帶她去游泳；試身的女畢業生蓬頭垢面，May便好言相勸她剪掉頭髮，助其重拾自信尋覓工作；她亦會每天預留報紙給拾荒婆婆，適逢過時過節亦給她一百幾十元，希望她感受被人關心的溫暖，這些都是May的「待客之道」：「一啲微量嘅事，畀到人哋溫情，我覺得好舒服，呢個就係我嘅人生觀。」
「佢對個個都咁好架！」光顧多年的熟客也知道May樂於助人，May亦彷彿有用心記住每位客人的故事。「有一份客人對我嘅支持，已經覺得好幸運，所以我享受我嘅工作，唔一定要賺好多錢。」
施比受更有福
May回想2014年「佔中」時，剛巧有準備入學堂的警隊學員光臨May的店舖，為對服務香港的未來前線人員表示支持，May開始給予紀律部隊學員折扣優惠，「唔可以只用言語，仲要實質支持，希望佢哋能夠感受原來有市民支持佢哋。」May亦感恩至今學員間，仍一代傳一代回來光顧、支持她。
而草根出身的她，亦會向學校或慈善機構捐贈內衣，回饋社會之餘，自己亦得到很大的滿足感。「其實成本唔貴，點解啲人做生意要謀取暴利，我想畀基層人士用到應該用嘅嘢，幫佢哋搵返自信。」
今集《港故mini》用大約3分鐘，走訪這位屹立深水埗多年、充滿愛心和人情味的老闆娘。
-------------
《港。故mini》：東網為你送上，香港各階層的小故事。
Fb：http://bit.ly/oncckonggu_Fb
IG：http://bit.ly/oncckonggu_IG
Youtube：http://bit.ly/oncckonggu_Youtube
