［供呀供！快搶供！瀉呀瀉！瀉它吧！］呼，食個飯返嚟又一堆嘢。
1. TLRD：海洋公園都100億啦，救國泰空姐好過救威威獅令啦。不過有冇免費……機票（唔通你想有免費蝦條？有嘅，飛機餐派包畀你）
2. 但，冇點你啦。其實個個都原本估國航買起，咁我都相信呢個可能係最終結局，正如人最後都係一死。但未係時侯。同埋我估如果賣畀國航，應該唔止短暫停牌（詳情問律師或公司秘書），同埋應該大陸媒體會爆料。咁你「香港內政」人地就冇咁大與趣。
3. 至於拎政府幫云云，天地良心，我今朝出完第一個post（＊）（https://bit.ly/2UrN6Oe）已在comment講，有可能係政府打救。
4. 結果，又增資又打救，齊齊做咯。Why not both。留意通告中嘅Aviation 2020，就即係香港政府。
5. 乜事？內容大家都大約知，速講。增資390億港紙。政府渣195億優先股，另外政府借錢78億，仲有供股117億。
6. 供股（大家最關心嗰部份），11供7，人人有份，國航，太古同卡塔爾佬都答應供。（潛台詞：你唔供就你戇鳩）。供股價4.6嘛。幫你計埋除權價（＊＊），7.2。咁你話隊唔隊？梗係隊。但大佬你啲股數多咗嘛。好多人連呢啲都唔清楚。
7. 應該唔應該救？其實冇答案，堅持應該同堅持唔應該都有理由。
8. 但即係客觀嚟講，海洋公園之前都伸手100億啦！咁唔爭在啦！國泰空姐（或空少）點都吸引過威威獅令下話？你上次去海洋公園睇企鵝係幾時？我就成日睇空姐，上飛機睇，在屋企都睇ig（唔係開ig為乜？）
9. 況且，都好多外國航空公司要政府救。都寫過啦，航空公司嘅嘢，好景時都唔多賺錢，甚至有啲要賺。咁而家咁情況，冇政府救，梗係執笠啦！
10. 但其實太古，國航同卡塔爾佬，就縮骨架啦。不過咁，呢壇真係大龍鳳，你諗下涉及幾間公司，幾國政府（我當太古唔係，但國航同卡塔爾佬係國企啦），各有不同利益，真係一場大龍鳳。砌掂個方案，就抵啲投行賺錢啦。
11. Terms，望落都OK。當然在屋企睇波嘅你，梗係可以質疑，點解唔控定先，點解左邊有個隊友你唔右腳交畀佢，點解點解。但係咁上下
12. 反而我要質疑，就係政府，喂，出咗錢冇份玩喎。貴唔緊要，最緊要有得玩。但而家只係派兩名觀察員睇你地4P（自己計），自己冇董事位。我估因為係太古國航卡塔爾佬極力反對。但政府出錢又唔拎董事位，好似太仁慈了。
13. 咁冇錯，都係唔夠10%股權—但，仲有借錢呢？仲有，而家你求我喎。拎個董事位不過份？不過算啦，政府啲嘢，又唔使同你問責。
14. 仲有講一講供股。好多人又話供股仆街，但，套用David Webb嘅名句：供股先最公平。而埃汾嘅名句：仆街公司多供股，但不等於供股嘅公司係仆街。
15. 因為供股，你有得揀供唔供，唔供可以攤薄，或者賣咗個威屎。你冇錢係你問題。但如果我係批新股畀某個唔知邊度嚟嘅「毒辣第三方」，自然攤薄你，你想保持都冇得保持。「我有錢喎我跟」。Sorry this option is not available
16. 仲有，友版賴叔都有提嘅，11供7。十分仆街？當然。但呢啲真係default 嘅供街嘢了。我地甚至都唔叫做「財技」，因為太常見，起手式啦。正如你足球射十二碼要助跑唔係「球技」，你捉象棋炮二平五呢啲唔係叫棋技，而係定石（圍棋我都識捉呀），指定動作。
17. 有乜咁仆街點解咁仆街？好簡單，你其他散戶咪會成手碎股咯。最後咪又係畀大戶收晒。或者有啲唔想要碎股唔供。但一路都係咁玩架啦，好似啲 數字搖滾 Math Rock（!）咁，不規則拍子。仲有，大自然界都有同樣嘅東西，叫做17年蟬（＊＊＊）
18. 咁你話因航或國航仆街？Sorry，都話係定石，起手式。你見當年匯控，渣打供股，全部都係咁。國際慣例。反而美國應該冇呢啲嘢，因為美股冇碎股。
19. 另外，拎完政府救濟，可能個潛台詞就係要維穩，唔炒人？咁但我都係關心有冇免費機票，或者啲空姐嚟落下區同我地歡樂下咁（派氣球啦，唔通派避孕套咩）
20. 最最最後，有朋友問得好。政府呢舊咩Aviation 2020，會唔會分拆上市？可能佢諗起當年盈富基金。我話，唔會掛。呢舊嘢其實係SPV（Special Purpose Vehicle），間公司就係為呢單嘢啤出嚟嘅，可能冇寫明但大家明。只得呢個幾巴仙國泰股價，點之後拆返上市？我去自己買國泰唔好？
21. 不過，世事無絶對，畀啲想像力。「What if 之後救埋香港航空呢？」。Aviation 2020嘛，唔係因航2020，名都唔使改。再Dream bigger，What if 反向救埋海航呢？甚至救埋泰航呢？到時就好似IAG咁，又渣住英航，又有愛爾蘭航空，又有西班牙伊比利亞航空。
22. 呢篇我都幾滿意，由供股講到 數字搖滾 講到圍棋 講到17年蟬。其實咁早寫晒，好快冇貨賣。遲下好似老夫子咁，重覆又重覆。
（＊）話時話，今朝本人都係極早講。甚至港交所都未出通告我已經開始寫。但我點知？唔係有內幕，而係Bloomberg 報。但又其實八點半我根本未返到公司（罪過）。咁點知？就係有朋友話我知。基金經理朋友啲料就真係快啦。所以都係站在巨人肩膊上。難聽講啲，你讀咩書，去邊間學校，都同你識咩人有關。多謝呢位朋友先，雖然佢應該唔想我開名。
（＊＊）CFA101啦。唔識的話就去考啦
（＊＊＊）17年蟬，自己Google。但簡單嚟講佢嘅生命周期係17年，而17係一個質數，仲要同好多其他數「互質」（＊＊＊＊）。令佢避開晒其他啲天敵咯。當然實際上係進化，嗰啲16年蟬18年蟬咪死撚晒。我都想知啲淡龜幾時會被歷史淘汰。
（＊＊＊＊）8同9都唔係質數，但就互質。
———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。
請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。
大陸大龍蝦 在 尋找傳說中跟身體一樣大的巨無霸龍蝦？一萬元龍蝦海鮮吃到爽 ... 的必吃
有人也吃過這麼大的 龍蝦 嗎? 追蹤我的IG：https://www.instagram.com/toyzlol▽觀看完整版請關注我的頻道▽Twitch 實況直播- ... ... <看更多>