剛剛生日一個月,亦即係啱啱30歲咗一個月。
好似冇乜特別,個人都冇乜成熟到,但係身體病痛就多咗,年頭腰痛,跟住耳仔痛,搞唔掂,越嚟越虧
以前生日冇乜特別感言想講,但係30歲都算係一個關口,我個心亦都好澎湃,好多嘢好想講,點知真係太忙又病,隔咗一個月嘅今天先講。
最重要唔係將心入面嘅說話講出嚟,而係當你好感性去講一啲嘢嘅時候,好自然就會有人過嚟like,跟住再順勢賣廣告,咁就可以達到最強嘅廣告收益,等多啲人買我嘅書,訂閱我。呢個先至係重點,冇錯,我係冇改變過我係銅臭商人呢一個本質
當我反思人生嘅時候,我唔係首先諗起自己做過乜,有啲咩人生成就,搵幾多錢,幫過咩人,識啲咩人,做過啲乜嘢想過新聞嘅事。呢啲都唔係咁重要,我係諗翻起我溝過嘅所有女。真係有《挪威的森林》嘅感覺 - 曾經係生命中出現嘅人,然後你慢慢對佢嘅印象變得模糊;但係又有一啲人,你永遠都記得。其中有位大學同學,人美心善讀書叻,幫我解決好多人生麻煩,阿爸阿媽都好鍾意佢。結論係,我真係一個仆街。
間中我都會觀察一下同我同年紀嘅人做緊啲乜嘢嘢,有啲我識嘅,有啲我完全唔認識。最近互相挑機隻揪嘅兩位富家子弟,同我年紀相若。我最近好鍾意嘅Serrini,新朋友游學修、去咗台灣嘅李拾壹、viuTV乘載住電台夢嘅旁白君Sam......好似大家都有啲嘢做緊,慢慢改變緊個社會,好多人都有自己嘅目標同夢想。
我人生都比較空洞,冇乜嘢夢想或者人生追求,但係有好多目標想做,鍾意成就感。比起一般金融人,我冇咁鍾意錢,所以我係一個怪胎。大概同我差唔多年紀嘅金融人會炫耀自己買咗樓、有靚車、有名牌,呢啲我全部都冇。別人有細屋轉大屋,最近我搬咗屋,生活條件比以前仲要差。有時我覺得,搵唔到錢唔緊要,錢越搵得多,反而束縛左靈魂嘅自由。生活簡單啲使少啲,安貧樂道,唔好太多牽掛,咁自然個人就會慢慢有少少骨氣,講嘢就開始有少少串。
呢幾年每次認識新朋友,啲人都問我做緊乜,我發現呢個問題好難回答。呢幾個禮拜我都越洋網上同一位知名社交媒體公司創辦人傾偈,佢都成日問我到底做緊啲乜嘢,點解咩都識啲,我都答佢唔到,尤其是我英文有限,用英文答就更加難答。
我係一個跨界別的怪胎,你話我喺媒體人,我係。我亦都係一個投資者,投資唔同資產,亦投資別人。我出過五本書,都OK暢銷。我係一個作家,仲可以扮嘢自己係文化人;亦都有金融嘅參與,做過基金做過上市公司。我會創業,發展自己嘅事業,賺下錢,養吓人。我係一個持續進修嘅學生,準備讀人生第三個碩士。
我冇一個既定嘅人生事業軌跡,亂到七彩,我諗未來都只會越嚟越亂,既然係咁,咁就跟着人生嘅劇本繼續行,當人哋繼續問我係邊個嘅時候,我唯有都係繼續胡說八道。
至於移民,我一定會,但唔係好似大家咁諗,呢一兩年就要走去英國、台灣乜乜乜。未有2019年之前,早喺2016年嘅時候,我已經決定40歲之前要去台灣
我比自己一個時間,大概四年後我就會離開。我依家唔想走,係因為仲有好多人喺香港努力緊,亦都有好多人喺香港受緊苦,呢班朋友嘅苦難通常係三年後會得到一個解決,如果三年後佢哋出返嚟,發現世界已經冇晒同路人,各組他方,個感覺一定好難受。
我唔想離開,只是掏空孕育我嘅土地,一走了之。以我有限嘅財力和能力,我諗我可以做到多啲嘢。
假如無災無難,四年後嘅我應該唔會太窮,離開香港之前,我會預定攞10,000,000出嚟系統化我而家做緊嘅事,我師傅Steven Tsoi和魏華星成日同我講Social Impact乜乜乜,講到我都有啲洗咗腦。睇吓我呢幾年投資表現如何,話唔定可以再多啲。反正我去台灣生活,都唔會洗到啲咩大錢。
形式係點唔重要,可能係一個信托,可能係一個初創加速器,可能係一間Venture。我會揀一啲我信任得過嘅人協助管理,包括為中大同學仔定期做嘅獎學金,當中大同學仔做啲文化嘢(係呀,最近新亞劇社有兩位同學仔問我攞錢想做話劇,我應承咗幫佢哋),以及幫一啲想創業嘅中大同學仔。
呢一個月比較觸動我係出席咗大學同學,港台DJ King Yim嘅一個喪禮,佢係一個好鍾意笑嘅好人,人緣極好,所有新生代嘅歌手音樂人都有送上最後一點心意,好好道別。我唔係好回憶得到同佢大學上堂嘅片段,因為我根本唔上堂,但係後尾喺大學出事嘅時候,我見到佢,當時各有各忙,簡單傾幾句就算。後來佢亦都搵我上佢嘅音樂節目,大家好輕鬆嘅音樂做晃子,講咗自己想講嘅嘢出嚟。
喺佢嘅告別式上面,聽到唔同人分享佢生活嘅點滴,有時都會感嘆好人真係走得早。既然上帝仲未要我落地獄,咁我就唯有盡量珍惜可以生存嘅日子,做吓啲自己想做嘅嘢。
還慶幸,做人雖然有時有啲囂張,但尚算剛柔並重,能夠謙虛嘅時候我會謙虛,如果性格太平凡,咁就冇辦法識到朋友。希望係香港呢四年,盡量好好生存,唔好死。
多謝盧覓雪、Hailey,還有神秘人朋友記得我生日,同我食咗今年唯一一個生日蛋糕。
差唔多啦,啲字數夠啦,係時候買廣告
想知多點金融投資,美股港股的學問,可以訂閱我《金融經濟精神食糧》
公開1000萬美股實戰倉操作,每日專業財金分析文章,每日金融財經Podcast,每週解答觀眾問題,100萬港股模擬倉投資部署,幫你補補腦
https://prime.fortuneinsight.com/web/muddydirtywater
每日金融Podcast、深度金融文章、外聘國際關係專家文章內容、特選國際刊物分析、每月閲讀企劃、平民化A I大數據分析和自己人群組互動,盡在Patreon:
https://www.patreon.com/muddywaterfinance
我最新營運的網上書商店試業中 - 渾水書齋
http://gmart.girlsmood.com/web/store/muddydirtywater/
對抗霸權,比自己一個更自由嘅選擇,立即加入Mewe一齊傾偈。
Muddy Water渾水財經Channel
https://mewe.com/p/%25E6%25B8%25BE%25E6%25B0%25B4%25E8%25B2%25A1%25E7%25B6%2593channel
渾水財經Channel x Fortune Insight 獨家眾籌出版《港斃。港完:國際金融中心崩壞史》率先網上預訂:https://muddywater.fortuneinsight.com/web/
你的支持,將會在香港金融史上烙下痕跡。
【對抗霸權】Mewe創作人互助計劃
https://mewe.com/p/%E6%B8%BE%E6%B0%B4%E8%B2%A1%E7%B6%93channel/show/5ffd7fee136ff678cbfd8190
請大家多啲分享,將我呢一個計劃推廣出去
同時也有4部Youtube影片,追蹤數超過4萬的網紅花樺楊Flower Ieong,也在其Youtube影片中提到,適逢去香港,男仔係度食野,女仔冇野做就一於拍條片啦~ 友情客串:馬介休後製 - EE Channel - Oh it's Joana https://www.youtube.com/channel/UCL3n9aZPB7zbeCPwdXFYQqQ This video is not sponso...
「大學上堂」的推薦目錄:
- 關於大學上堂 在 渾水財經Channel Facebook 的最讚貼文
- 關於大學上堂 在 Erika yoga Facebook 的最佳貼文
- 關於大學上堂 在 背包浪子 Autobackpack Facebook 的精選貼文
- 關於大學上堂 在 花樺楊Flower Ieong Youtube 的精選貼文
- 關於大學上堂 在 肥姨姨 fataunt Youtube 的最讚貼文
- 關於大學上堂 在 果籽 Youtube 的最佳貼文
- 關於大學上堂 在 大學上堂其實係點? 好緊張lol - DSE 考生專區板 - Dcard 的評價
- 關於大學上堂 在 大學生日日吃喝玩樂? 讀書究竟係點?肥姨姨講解大學上堂模式 的評價
- 關於大學上堂 在 慢生活54 【 關於大學上堂】 如果入大學有四件事 ... - Facebook 的評價
- 關於大學上堂 在 100毛- 大學雞何止上堂唔准用電話呀,直情應該不能談戀愛啦 的評價
大學上堂 在 Erika yoga Facebook 的最佳貼文
【好多同學講我瘦左,究竟做左乜?】
第一,你地對 #減肥 瑜伽動作太有興趣,所以每個課堂一定有 #減肥 瑜伽動作,做果位都瘦左,何況教果位呢?
第二,半個月印度後嘅自我隔離,再加上一個月嘅瑜伽店關門,日以繼夜》再夜以繼日,自己煮食,研究食譜又勁健康同好食,兩樣野加埋一齊一定瘦啦!
第三,我YouTube channel 講印度瑜伽大學專講 ‘weight loss program’,跟著做果個,咁教嗰個咪仲瘦囉🤣
訂閱,一齊fit 又瘦:
YouTube: https://bit.ly/2XJO62L
重有,係印度同香港我日日練習印度傳統身心靈瑜伽,我就讀印度瑜伽大學就連‘印度政府認證’同埋‘印度空軍’都一樣係大學上堂㗎🙏🏼 所以非常有效同保證。
☎ WhatsApp
http://alturl.com/wcdew
☎ 57630589
#印度傳統身心靈瑜伽
#erikayogahk #瑜伽 #印度 #美食 #旅行 #跟住康婷去印度 #減肥
大學上堂 在 背包浪子 Autobackpack Facebook 的精選貼文
【Quarantine 的生活】
多謝好多朋友關心我呢邊情況,其實我同你地一樣,都係悶喺hostel冇得出去。Quarantine 實施咗幾日,暫時一切正常,so far so good。因為每人一星期得5hours 固定時間可以出去買野食,其餘時間都只能屈喺hostel,所以我地就自發諗咗好多活動,令到每日嘅生活都充實少少。
由於有黎自唔同國家嘅人,所以大家一諗就話不如學下唔同國家嘅語言,起碼識同人打下招呼,問下d基本問題咁,估唔到turn out大家都好認真,勁有以前大學上堂既感覺。而夜晚就輕鬆少少,玩下遊戲唱下k睇下戲咁。
不過漸漸歐洲既朋友仔都有自己國家既包機接佢地返去自己國家,所以走一個少一個,而留既度既又擔心quarantine唔知幾時完,驚佢一直delay。當然我想個virus快d control,咁我就可以繼續我既旅程,不過見而家既情況都覺得唔會係短期既事,個感覺其實都有d進退兩難。
點都好,而家最緊要係大家都健健康康。係香港既又好,身處外地既又好,千其唔好病,雖然我知好多人都俾旅行蟲纏身纏到好厲害,不過唔好心急,只要等個病毒一過,大家又係一條流浪漢!!好啦,要上堂啦,有d 咩再update大家!
Take care!
#浩能想環遊世界
Ig: autobackpack
大學上堂 在 花樺楊Flower Ieong Youtube 的精選貼文
適逢去香港,男仔係度食野,女仔冇野做就一於拍條片啦~
友情客串:馬介休後製 - EE
Channel - Oh it's Joana https://www.youtube.com/channel/UCL3n9aZPB7zbeCPwdXFYQqQ
This video is not sponsored.
**Video edited by Flower Ieong.**
Camera:Canon M50
Software:FCPX
--------------------
Facebook:https://www.facebook.com/FlowerIeong56/
Instagram:https://www.instagram.com/flowerieong56/
大學上堂 在 肥姨姨 fataunt Youtube 的最讚貼文
比個概念大家知道大學上堂係點架啦!
幾勤力阿我 :D
希望一星期一條video啦啦啦
有咩想我拍既都可以IG dm同我講
Instagram:
https://www.instagram.com/myfataunt/
Facebook:
https://www.facebook.com/myfataunt/
大學上堂 在 果籽 Youtube 的最佳貼文
【飲食籽:識飲惜食】
入大學是一個銳變,再沒有中學限定的上課時間表,沒有太多的框框,時間管理就由自己來決定。大學上堂的時間亦不多,有人會選擇多姿多采的上莊生活,亦有人會運用課餘時間去做part-time賺錢。大學生陳浩然(Johnny)今年是樹仁大學四年級學生。
《果籽》 栽種品味,一籽了然。
https://hk.appledaily.com/realtime/lifestyle/
大學上堂 在 大學生日日吃喝玩樂? 讀書究竟係點?肥姨姨講解大學上堂模式 的必吃
比個概念大家知道大學上堂係點架啦!幾勤力阿我:D希望一星期一條video啦啦啦有咩想我拍既都可以IG dm同我 ... ... <看更多>
大學上堂 在 慢生活54 【 關於大學上堂】 如果入大學有四件事 ... - Facebook 的必吃
慢生活 54 【 關於大學上堂】 如果入大學有四件事要做… 上堂都一樣 1. 㩒電話 2. 做功課 3. 發夢 4. 走堂 由其係上冇用既堂但又要take attendance既時候一定係咁(走得 ... ... <看更多>
大學上堂 在 大學上堂其實係點? 好緊張lol - DSE 考生專區板 - Dcard 的必吃
每次想起第一日返學咩人都唔識就覺得好驚...,大學上堂大概係點? 會派notes?屋企部lenovo 4kg...係咪一定要帶電腦? 有無插頭可以叉電? ... <看更多>