10年前嘅東亞運，曾經為香港足球打了大大支「強心針」。10年過後，藥力已經散晒。
十年過後，港超係多左人睇。身邊多左人留意香港足球，亦有本地球員去國外試腳或者尋找另一片天空。咁呢十年，除左兩個五年計劃，香港嘅足球進步左係邊？
贊助？
係有老闆投資，全因為佢地鐘意足球先比錢。因為如果以生意角度黎講，都應該幾唔化算。除左政府有稅務寬減或者扣稅。應該會吸引多啲人支持。錢多左，球員人工高，競爭力大增。相信有更多好球員。至少真係有一份「合理」嘅收入。唔使練完波仲要去炒散。就連足總搵贊助都咁難，咁啲球會又點會容易？
場地？
起多幾球場，我所以所聞嘅係啲球會仲係練緊仿草。比賽踢真草，但練波都屈就去仿草場練。主場練波幾辛苦間唔中有幾節。係咪應該比球會用多啲主場練習，一日兩個鐘唔過份。加上呢啲場一般人唔會有能力book得到。咁一日兩個鐘對場地影響絕對係影響唔大。除左傑志同富力，其它會都係走鬼咁練波，月月都唔同場。夠鐘下一節冇人book又比呀姐趕。咁係咪可以喺行政上「人性化」啲。
青訓？
雖然我教小朋友多，但覺得香港係有唔少有天份球員。只係練習時數夠唔夠。區隊都還好一星期有兩三課，球會嘅book唔到場就冇得練，再唔係比錢啲炒場搵番黎。咁會唔會編多啲節數比足總屬會嘅青年球隊？唔使炒場？再者外國小朋友踢波比賽有獎金，至少當有份獎金激勵下，食餐勁都好。除非佢超級鍾意踢波，如果唔係贏波只係多啲野。另外，會唔會提供一啲資助或獎學金比佢地去外國讀書同踢波。起碼見到可以向上流。去學習人地嘅優點？
教練？
要成為足球教練，首先個教練課程係比其他亞洲地方貴，相信有唔少教練係呻個課程貴。會唔會減番啲。再者，足總出教練人工係要等幾個月先一次過出。教練都要開飯。除非有正職，或者一日跑幾場。都好難有一個「合理人工」。除非好鐘意足球，相信係好難全程投入。而且我係見到啲教練趕住去教波，甚至連飯都唔食趕去球場。咁又係咪健康？
10年，好似進步比大家預期中慢，曾經係亞洲一線，到而家好似比亞洲其他國家落後得多。就連打開籃球棒球嘅台灣都開始發力。咁下一個十年，香港足球會變成點？ 個人唔希望變成亞洲區「魚腩」，至少將呢個產業同亞洲接到軌。變成一盤專業嘅「生意」黎做，而唔係純粹為「興趣」。
國外比賽獎金扣稅 在 比賽獎金扣稅在PTT/mobile01評價與討論 的必吃
茲向財團法人豐泰文教基金會領到「2021豐泰文教盃機器人年賽參賽獎金」，計新台幣OOO元整。 依財政部國稅局制定之「各類所得扣繳率標準」第二條第八項之規定: 競技競賽機會 ... ... <看更多>