｜生過就知坐月幾咁重要，好彩我上胎有屋企人幫手，都算「坐」得舒服，但如果有啲新手媽咪屋企人未必幫到手，又或者屋企唔方便請陪月員的話，其實入住提供月子住宿計劃既酒店都係唔錯既選擇（其實係更好既選擇🤣）😍
乜香港有提供月子住宿既酒店咩？有啊！最近終於有喇！位於沙田既麗豪酒店將其中一樓層改造成「月子住宿」專屬樓層，首度推出 「悅子‧悅美」囍月計劃，住宿環境乾淨舒適，所有設備齊全，帶俾產後媽咪一個五星級既坐月享受💕
呢個坐月住宿計劃最平房價 HK$60,800 (已連服務費)起，產後媽咪及BB可以連續入住30晚，包全天候月子餐、嬰兒禮品包及由註册護士帶領經驗陪月員教授並協助BB沖涼、餵奶俾BB、幫BB換尿片等等，爲媽咪及BB提供24小時調理及産後服務，當然亦包埋每日房間基本清潔及定期打掃，新手爸媽仲可以齊齊參加週末工作坊及交流活動，增進育兒知識！
至於月子餐係由酒店總廚設計，並經過註册營養師認可既膳食，每日餐單包括早餐、早上小食、午餐、下午茶點、晚餐及宵夜小食共 6 餐，可以幫助產後媽媽盡快恢復身體。我今次就試食左其中一款中式月子主餐（兩餸一湯一米飯）：黑豆飯、雞肉鮮奶湯、薯仔燜鶏、蒜蓉炒菜心；以及一款下午茶：芝士蛋糕+牛奶 + 雜果仁，真係好豐富🤤
另外，有需要的話，酒店亦有提供陪月員陪同外出服務、產後按摩美容療程、上門為新生嬰兒拍照等額外服務。
再另外，雖然話坐月唔可以出去吹風，但如果媽咪喺房間屈到悶，不妨去酒店 3 樓共享空間坐吓、散吓步，呼吸新鮮空氣，環境幾寧靜清幽嘎，共享空間既更多相片可以睇番我之前既post💕
#產後調理 #月子住宿計劃 #坐月 #麗豪酒店 #悅子悅美囍月計劃 @ Regal Riverside Hotel
囍月 月 子 餐 媽媽 禮 在 囍月極緻月子餐 - Facebook 的必吃
美味可口月子餐服務LINE ID:0983133944 中和區中山路二段327巷15號, Xinbei, ... ☎️2248-6010趕快試吃約起來由於各類物價上漲成本壓力下囍月仍堅持使用好的食材及好 ... ... <看更多>