炸雞特攻隊: 給香港觀眾的情書 韓國版衝鋒隊怒火街頭
唔少影評都說穿了炸雞特攻隊充滿港產片影子。鬼哥都覺得呢點係不容置疑。但係具體上究竟點似法?鬼哥就同大家解拆下。
****留意番，本文雖然冇直接劇透，但係無可避免揭示炸雞特攻隊嘅特色。不過，其實睇預告片已經可以參透一二****
先嚟探討一下，乜嘢係90年代港產片(警匪片)方程式?
-警匪主線，但係滲入因處境而撞出嚟嘅喜感
-起承轉合節奏推進恰到好處
-實而不華，唔會賣弄風格嘅鏡頭
-節奏明快，同時簡單易入口到接近罐頭嘅配樂
-潦倒兼魯莽嘅大哥
-角色之間歡喜冤家，不宣之於口嘅濃濃情宜
-社會倫理貼地，人物對白同行徑(相對角式關係)充滿說服力
-動作打鬥實牙實齒，一拳一腳好睇到位
-大魔王身邊異常抽得嘅冷面保鑣
-____場的final showdown(請自行填充:廢車場/貨櫃場/棄置工場)
大概係咁啦。
雖演炸雞特攻隊有齊以上特色，但係鬼哥覺得導演李炳憲其實冇刻意模仿港產片甚至向其致敬。
點解咁講呢? 因為根本抄唔嚟。如果夾硬逐樣元素加落部戲度，效果一定刻意突兀。炸雞特攻隊明顯係一位睇港產片大，而且深愛港產片嘅導演拍出嚟，冇得夾硬扮出嚟，砌出嚟的。
李炳憲1980年出世，佢成長時期睇，或者番睇嘅就係一堆充滿港味嘅電影，例如辣手神探、喋血雙雄、重案組、英雄本色、縱橫四海、衝鋒隊怒火街頭...
等等...衝鋒隊怒火街頭! 4男1女充滿喜感嘅組合，潦倒兼魯莽嘅大哥，隔嚟隊PK警長，看風駛𢃇上司，主角眾人最尾擅自行動..1996年，導演當時16歲OMGOMGOMG!
炸雞特攻隊除咗係李炳憲寫俾香港觀眾嘅情書，佢仲勉勵香港嘅電影人，唔好摒棄港產片嘅特色同初衷，希望我地緊記香港電影嘅獨特之處，重拾對我地對呢種永遠不死嘅本土藝術嘅熱情。
多謝李炳憲。鬼哥俾81分。
---
獎金現金港幣$2000!!第38屆金像獎有獎競猜遊戲~立即參加!
http://bit.ly/GhostGame2019
#炸雞特攻隊 #衝鋒隊 #怒火街頭 #李炳憲
