《讀者投稿》長篇上
你好👋🏻好想抒發一下情緒😭😭係外家角度，佢地覺得係我錯，我真係好想知道究竟有問題嗰個係咪我？(長文慎入)
交代一下背景...
我(21y)同老公(24y)拍拖既時候工作好忙，所以好少會見到大家屋企人，心知過時過節都好少返大家屋企食飯，後尾因為上年平安夜意外有左，而我同老公都唔想放棄呢個小生命，所以都決定即刻結婚 生落嚟，因為有咗 所以就呢件事大家見過家長 食過餐飯，本身我同佢屋企人相處都Ok，可能因為大家好少見面。
而我同老公拍拖嘅時候搬咗出嚟住油尖旺區，但因為當時有社會活動嘅關係，屋企樓下每日都有示威 有警察放催淚彈 甚至餐廳亦都因為示威而關閉，當時就算每朝落街食早餐都會聞到tg味，之後就嚟咗個肺炎疫情，業主當時又唔肯減租，而我老公公司又被政府強迫關閉，呢年嚟生意都好差，所以中途就決定將房子退租，然後搬返去老公屋企同埋老爺奶奶住。
而我一搬到返去住，慘劇就開始發生⋯⋯
我一搬都返去住頭幾日住得好唔慣，因為我同老公係意外有左先結婚，所以佢屋企人唔係好鐘意我，會有面色睇。咁啱老公因為疫情公司關閉14日，所以佢有14日陪我去習慣佢屋企，當時係春天準備進入夏天，可能有左BB 身體比較容易熱，我喺佢屋企無一日係件衫乾住瞓覺，每日都33℃-35℃都無得開冷氣。久而久之，我心口突然生左一粒粒似暗瘡含膿既野 每日都擴散少少，一開頭無特別留意，因為我一有咗BB之後，啲內分泌好亂 會係咁爆瘡，之後老公帶咗我去睇皮膚科證實左我係熱底既身子，陀左BB之後熱上加熱，但又無冷氣既調和，所以生左熱痱，因為我唔食得藥 所以開左啲藥膏比我搽。然後我老公同佢屋企人溝通左，原來唔開得冷氣嘅原因係佢屋企一個老人家怕凍 覺得開冷氣好凍(而佢地冷氣長期較17℃)，我同佢屋企人講其實很可以較高翻少少，但屋企人話機器呢啲嘢，較黎較去會壞，所以唔俾我哋校高啲個冷氣，而且堅持夜晚11點後先會開冷氣 第二日7am準時閂冷氣，我當時覺得夜晚開總好過全日唔開，Ok左。
之後，我塊面同雙手開始有時好㾗，有時對手瞓覺會有一啲刺痛，因為上一次皮膚科睇過西醫 搽左藥膏都好唔到，所以今次決定去睇中醫，由細到大有一個睇開嘅中醫，所以返左自己娘家附近睇，中醫就話係熱痱無處理好 擴散引致既濕疹，於是個晚返自己屋企食飯，同屋企人講，我係老公屋企冇得開冷氣 所以生熱痱，之後我屋企人叫我返屋企住一排先，醫好啲熱痱同濕疹先返去，然後好返少少之後 我就返老公屋企住。
一返到老公屋企，一入屋就有句說話聽:「捨得蒲頭喇？」
我第一個反應係 唔使咁講嘢下話？然後我婉轉啲答咗一句係啊，就入房閂埋門，過多幾日新聞寫住酷熱天氣警告，我嗰日已經好想開冷氣，然後問老公屋企人可唔可以開冷氣？佢地話唔可以，因為冷氣啱啱閂，又開又閂會壞！（但利申嗰時係下午兩點幾，你地朝早七點閂冷氣，又何來「啱啱閂」呢句說話？）之後過多半個鐘左右，我真係熱到個心口好痕好痛，我同老公講真係要開冷氣，然後我老公冇問過佢屋企人，靜靜雞開咗個冷氣俾我，然後佢屋企個個怕凍的老人家就發晒脾氣，喺廚房唔知發脾氣扔野定踢嘢，總之砰砰聲好嘈，之後我老爺行出去廚房問佢做咩事發脾氣，佢好大聲講咗句:「以前啲人冇冷氣都係咁生仔啦，點解佢做唔到啊？」
當時我聽到呢句野 好明顯係鬧緊我，而我陀住BB嗰段時間，情緒一直都好唔穩定，當我一聽到呢句說話之後，我喱埋左係間房到喊，喊到嗰晚連飯都冇食，之後我老公安慰我，再同佢屋企人溝通之下，入房同我講 話佢屋企所謂怕凍嗰個老人家，因為佢攤係張床度 胃酸倒流 會嗱傷個喉嚨，我當下覺得咁關開冷氣咩事，然後我老公求其就講咗句:佢好怕凍會好唔舒服，我答佢:佢凍 唔識叫佢着衫？我熱，唔通我除晒衫喺佢面前走黎走去？之後比個老人家聽到，兜口兜面指住我嚟閙，而我個時淨係坐左喺梳化喊⋯⋯
之後終於有得開冷氣，因為我哋食飯嘅時候會好熱，開風扇又話我哋吹凍晒啲餸，開咗冷氣之後，佢同我老爺講，佢哋喺出面煮飯，我哋開冷氣會搞到佢哋好熱，話佢哋煮緊飯好怕熱，我真係笑L左，佢哋就怕熱 我就唔怕熱？佢哋就唔熱得，我就熱得？
＃我的極品四大長老
喉嚨痕食咩好 在 白粥上的米湯能治咳嗽？「6種好用食療方」止咳化痰又治喘 ... 的必吃
「6種好用食療方」止咳化痰又治喘。喉嚨癢咳不停！按「手肘1處」，退散咳嗽！咳嗽能吃橘子嗎｜胡乃文醫師｜談古論今話中醫｜中醫知識CooL. ... <看更多>