入行幾耐，就識呢個女仔（叫得女人了）幾耐，我當年簽咗Tvb ,佢冇簽，但我哋並冇因此而疏遠，反而一步一步，大家行得更近，如果問巨聲得返咩朋友同我同行，答案一定係佢！可能亦只有佢，明白我堅持嘅係乜。
好記得2個月前大家相擁而哭，原因係：當時《雅俗》終於要派台，6年，我倆一直跌跌撞撞咁堅持自己，終於有作品面世，而佢嘅堅持一定唔會少得過我，而最近佢跨出咗一個很大的步，更接近自己嘅音樂，更接近自己。我很明白接近自己承認自己的可怕，所以明白她付出了很多勇氣和努力！
王嘉儀 Sophy Kayee Wong！加油！當你擁抱你自己，世界就會擁抱你！
愛你的小巧（上）
《我和音樂》
自巨聲以來，一段日子。偶爾會有些有心人打聽我的消息問問「依你仲有無唱歌，依做咩消失左，你做律師啦都應該呵，都好呀咁叻⋯」
或許我在正廿四歲的月份，和大家親密分享一下我的心路。
沒簽無綫，是個人決定，因為我想真切地做音樂。沒有父母壓力，只是純粹的唔想。簡單如當時十七歲的我就簡單地沒有簽了。不是另謀高就，只是想每日被音樂包圍，到現在我心存感恩遇到公仔箱的賞識，令我有機會認識大家，但賴著少許天資的奇幻的閃光亦只有那半年。我想法很簡單，亦如玩具反斗城懶地硬頸的細路一個，任性出發 — 我只想素淨地做歌手。
沒有簽約，是個人迷失。電視合約問題，其實回看都是意義。十九歲去地球唱片試音，年輕氣盛唱幾首比賽飲歌，滿滿的自信換來AnR一句「你唱歌好好，但沒有個人風格」。二十歲朋友介紹約見高層，我說「目標是擁有王嘉儀的聲音的音樂」，他說「但你寫啲歌好悶」。二十一歲遇到大碼頭說傾簽約，食兩餐飯後我寄出了稚嫩的demo，他電話到「阿囡，我地唔會做依d音樂嫁，cover幾首依家既歌再腥黎啦」。迷失，是別人眼中唱歌好叻的我被擊沈。但擊沈後迷惘，迷惘後便是喚醒，慶幸。
沒有出歌，是不夠道行。到底我想唱得如大家認同的歌手，還是繼續沿途找尋可以唱得出什麼音樂：或者到上個月我仍存一絲猶豫，因為後者好難。
由小到大，我幸福，每天處身溺愛歡呼中成長，所以認為唱得好聽標準是大家給我掌聲的原因，讀得一百分是香港欣賞我的原因。久而久之，我恃著天資沈醉認同，因而沒有時間、沒有意識面對自己是誰，或未來的自己想要什麼。直到一零年紐西蘭exchange，六個月的白天黑夜都是唱歌，眼看身邊同年紀的人都會寫歌jam歌。沒有技巧卻深刻，很快樂很好聽。
沒有放棄，是趙增熹。
早在紐西蘭旅程之前，熹鼓勵我寫自己的歌：「我唔識，一粒音都寫唔到」；
寫到歌但得一段亂黎的音，熹送我他自己的電子琴，教我淘寶平平地都買到器材：「我唔識，電腦好煩又悶，點都編唔到demo」；
做到短短地demo但歌詞一舊舊，熹介紹耀輝給我，再結識他愛徒（而現在成了好友）王樂儀：「我唔識，廣東話寫歌都寫唔到」熹話「一齊寫囉，一齊work」；
做好曲詞但熹編完歌我又唔鐘意，便由我周圍找朋友亂黎，但他總會識趣遲半個鐘到再在我們找到方向後出手，重點講兩句拯救場面：「我唔識，譜都唔識睇，個個musician 都勁過我點監製」；
錄好樂器但要花幾個鐘揀take剪接我呻悶，熹任我搞，入來笑笑口「係咁嫁啦，依家都叫識揀自己鍾意嘅野」：哦，原來簡單如「揀自己鍾意嘅嘢」亦可以是監製；
彈琴八級但錄樂器時chord譜都唔識睇，死靠耳朵，熹叫我做十場舞台劇琴手。於是他在漆黑的後台站在我琴位正後方的身位看我彈《洋蔥》，就這樣站足了十場 。「我唔識，我隻手冇咁大跨咁多音」我埋怨，因為心底其實想在燈光下表演，為何要我坐在冰冷的角落坐三個鐘。結果彈十場，九場彈錯，熹卻說「好叻啦，唔錯呀」哦，情感投入更重要；
入錄音室唱但唱不出感情（我怕得很，怕在人前流露脆弱。）糾結，唱幾個月唱不好，熹直接坐外面彈琴，叫我自己喜歡唱時就唱，落簾熄燈，結果唱極唱不出框框：「我唔識，我都唔鐘意係人面前話人知我唔開心，點解抽離咁唱唔可以係真實地表達情緒姐？」又喊又盛式自欺欺人：捌扭硬頸，自尊心重但又脆弱：熹叫engineer出去，坐下談了又談開解我一整個鐘。
生日晚上再send了whatsapp 給我。
當我迷惑時，熹說「有啲野，唔係幾時做都得；當你行遠左，想行番番轉頭做番自己都做唔到⋯」
言商來說，幾年過後，他只是得到了幾首沒保證賣錢的歌，但我卻得到了許多 — 從音樂過程中，我找到能面對自己的生活態度和有靈魂的生存方式。
（寫寫下，心路變成感謝卡一張⋯ 😛）
只想分享：踏實或者好老土，或者一點也不醒目⋯ 但找完一萬個借口後，認清自己的路向，內心是真的會更寬闊和熱暖，你身邊也會存在默默提點你的知音 。此刻音樂裡滿滿都是感恩，喜愛和相信。
祝福，共勉
Xx
S
