早排微信俾人傳話會「睇晒用戶的對話」,然後騰信走出黎話自己不看、不存用戶對話,唔知有冇人好傻好天真地相信,但我想講嘅係,我其實信架,起碼佢有部份正確,例如自己不看這點,是正確的。
咩話?人妻先生你傻左呀?佢點會唔睇呀?唔係呢,你聽我解釋先啦。全中國每日咁多人發訊息,雖然中國人工唔貴,但理論上點可能由人去睇每日數以千萬計的訊息?沒錯,所謂的監察並不是靠肉眼去「睇」,而係靠人工智能去監察,簡單點來說大概是設定了海量的敏感詞,觸發後根據嚴重性而決定是否交由龐大的人肉隊伍再去細分是否真的有問題吧?
不要笑人家中國是這樣監察民間,其實全球很多大公司一樣有在監視員工的電郵以至即時通話軟件,當中監視程度,遠比你想像之中嚴密。話說我舊公司也有這種監視程式,這個也不是什麼秘密,大家在電郵裡不說髒話就行了,但原來最變態的是,你只要用公司的電郵發郵件到私人電郵,例如hotmail, gmail之類的,系統就會自動彈你封電郵俾compliance team(類似風紀隊的角色,專捉公司違規行為)睇,年中唔少人在公司scan完新工合約後寄返俾自己而斷正,所以提提大家絕對絕對不要用公司電郵寄自己的資料俾自己,當然,如果你諗住寄公司的資料去自己電郵度,我真係恭喜你呀,一係你呀頭靜雞雞幫你同compliance team解左畫,一係你已經被記錄在案啦。
各位聰明寶寶黎到呢個時候,應該會諗:咁我用中文寫咪得囉,鬼佬compliance team睇唔明啦掛?錯啦!佢地睇唔明唔緊要,總會有同事睇得明,我在舊公司工作時,偶爾也會幫他們望兩眼做下翻譯,我譯過最搞笑嘅係情書,我心諗:係咪用公司電郵出情書,有signature會霸氣一點?這傢伙明天回到公司後,應該會被家法伺候了吧?
當然,每間公司的「敏感詞」列表都不同,有些公司很嚴格,有些就很隨便,有些甚至因為預算有限系統太差,只能選一、兩千個敏感詞來監控,但這當然不會主動告訴員工,還是會繼續虛張聲勢,甚至每一千兩千封電郵,就會有一封被彈回頭,說你郵件內含有敏感資料,要再次確認才能再發,也是旨在收阻嚇作用。而我曾經望過某機構的敏感詞表,上榜的除了一般粗口外,還有路姆西、綠茶婊和碧池。路姆西是粗口諧音我明白;綠茶婊也不過是有點不雅,禁了是很奇怪,令我不禁懷疑該公司Compliance team裡有某位女士崩口人忌崩口碗;但碧池嘛… 當時我想了半分鐘,突然茅塞頓開,不就是Bitch嘛--- 估敏感詞真係開心過猜燈謎!
#唔好問我點解會睇到人地啲敏感詞
#好多男人都會主動想俾野我睇嘅
#除左某工會囉
#問極都唔肯俾人地睇
#超討厭的
#通常收收埋埋唔俾人睇嘅都係好細條
#大條就一早俾左你睇啦
#開黎見我
#我指條數呀
#唔知點解諗起監控就諗起看更
#諗起看更就諗起呢張圖
Search