【暗黑網絡文宣是咁玩的】
Donald Trump競選團隊，親自教學。
（純分享警惕，大家真係唔好學呀！）
上個星期Donald Trump聽佢嘅競選團隊教路，親自出個Post賣飲筒，仲話”Make straws great again”。傳統競選文宣智慧，係去迎合大多數而盡量唔得罪任何選民。點解Donald Trump嗰班唔係儍嘅競選團隊會咁樣主動激嬲班環保選民呢？大家不妨放低道德批判去睇下，呢個可以話係現代網絡戰中，既令對手响自己陣形失焦然後內鬥嘅同時，又鞏固自己嘅堅實支持者，順便吸納中間搖擺人士嘅暗黑兵法實例。呢啲咁污糟邋遢嘅網絡文宣手段，香港人真係唔好學呀！
肯定大家都明白唔只香港，全世界嘅西方社會都係要幾撕裂就有幾撕裂，唔同嘅大山頭裡面都有幾十個光譜。用香港黎做例子就等如「藍」都分各式大boss甚至低級怪，而「黃」方面就更唔洗解釋。望返美國，所謂民主共和兩黨政治裡面，分得更闊更散更亂。美國2020年大選，民主黨响近期選總統候選人代表，即係十幾條友選一個出黎對Donald Trump。現代網絡政治戰爭裡面，首要目的一定唔係鞏固自己嘅支持者（唔洗嘥太多時間心力），最好緊係吸收新人，不過最賤嘅地方就係玩分化對手嘅陣營。即係對手弱一分，就等如自己強兩分咁樣。
早一兩個星期，Donald Trump叫啲少數族裔民主黨議員，如果咁討厭自己嘅國家不如返祖家睇下情況又如何。結果民主黨就出咗個四人幫（"the squard"），聲討種族主義之餘，亦喪推大愛包容。咁民主黨嗰啲白人後選人，那管幾醒都好似變咗有原罪，叫啲小數族裔選民點投呢？今次用可回收嘅飲筒，黎恥笑班環保膠餐廳飲筒警察，邊個候選人以前無咁推環保嘅，自然躺着也中槍。Donald Trump幾癲都好，班競選智囊一定唔係儍。就係咁就令到對家陣營裡面嘅小眾互咬圍爐打飛機，然後要求自己嘅後選人呢樣嗰樣，最後選個不倫不類嘅益咗邊個？網絡鬧交攻擊Donald Trump嘅時候，佢嘅忠實支持者自然更團結。咁嗰班平時扮理性中立嘅犬儒同無腦或者立場嘅，會點諗同選擇呢？
好似好無聊嘅抽水賤post，但燒鵝價錢，就有鮑魚嘅享受，幾實用？（不過都係唔好學！ #曲直唔講明 ）
#有目標地抽水
#唔圍爐
#集中對手某一點
唔圍爐 在 31/7《圍爐取戀》送到埋口都唔食？ - YouTube 的必吃
成日話男追女隔重山，女追男就隔層紗，但係今集嘅女事主講到明屋企無人，男方竟然都不為所動，到底背後嘅原因係咩？一齊同主持聽吓事主點講啦！ ... <看更多>