在這裡我首先要澄清一點，首先如果我話你智障，我除了係人身攻擊外，更加是為你的智商感到擔憂，個人建議你搵專家check check佢比較好，請唔好單純感到自己受到冒犯，而忽略或放棄治療。
另外，我其實唔係同志遊行的任何義工或成員。冤有頭債有主，你唔鍾意同志遊行你就同嗰班義工講呀，同我投訴冇用架，我結埋婚去左英國架啦，所以你唔可能反對到我結婚架，請各位冇時光機的天線寶寶留意返呢一點。
好，返黎正題，我將其他人的留言用黑色遮左，廢事影響到讀者，而恐同寶寶的留言我用紅色遮嘅，請大家留意。
呢個世界好多虛偽的小賤人，佢地心底裡恐同反同，但因為臉子問題、政治正確問題，所以只能「扮尊重」，但說穿了所謂的尊重就係「你咁做我尊重，但私底下會叫你死基佬，同埋你唔好喺我面前出現，我見唔到你做乜就好」呢個唔係叫尊重，而係「放逐」，你明唔明兩者其實係有分別？我唔知係家教定係學校老師教得唔好，似乎好多人連兩者都唔係太分得開。
其實我本人唔介意你好似明光社咁打正旗號黎搵交鬧，比起硬膠，我對於虛偽的人更深惡痛絕，因為硬膠是真心的，虛偽是矯情的。
講起虛偽，我真係好鍾意睇異性戀講同志領養小朋友的問題。我心想要不是你們扔了，我們那裡可以領養了？難不成我搶你個仔去領養嗎？話說，以閣下肉面飛龍咁嘅尊容，長大了仲要送去韓國執一輪，投資成本還真的不一般大。
然後，我總是會問一句：那你們平時有多關心孤兒呢？
然後，就沒有然後了。說穿了，這種人就是那種根本不會關心別人死活的人，他們的自私是由內到外，再由外到返內的，只要他們遇上喜歡欺凌的，就會想盡辦法挖空心思去欺凌對方，並獲取快感。甚至無恥地搬出其他不幸的人來作擋箭牌，依然臉不紅、心不跳、氣不喘。你要他們真的關心孤兒的死活，還真是天方夜譚，消費過就好了，反正他們關在孤兒院，他們的幸福與否，從來不是這種賤人的考慮。
當然，要是你再用力刺他一下：既然你這麼怕同性戀領養孤兒，那麼全港異性戀去領養吧。這時候，他們又會說保良局有一套程序，不是每個直嘅家庭都可以領養到。華生，你突破盲點了！咪就係囉，人地都有程序指引，又有專業人士評估過，如果專家都認為呢個同志家庭適合，你呢個門外漢嘈咩姐？
同埋唔好講到同志就一定好想領養小朋友咁好冇？我唔想，我真係唔想，我絕對超級究極唔想領養小朋友，呢個唔止係一生一世的承諾，甚至我要考慮到連我死後都能否有足夠遺產照顧佢。我好享受婚後的二人世界生活，上個月去波爾多，前個月去荷蘭，大前個月又去德國，我做咩事要攞苦黎辛？你地直嘅有權領養都唔係人人領養啦，我難道又特別得閒？
話說，其實依家完全未去到領養呢個位，同志遊行仲係好卑微咁講緊啲職場歧視、入門到冇得再入門的議題。香港同志結婚再俾多十年都唔知搞唔搞得到，講領養冇二三十年都唔駛諗，唔好諗多左先得架。
最後，我好欣賞啲無錢無權無勢的小市民大大聲咁講「我地社會唔接納你！」我心諗，只要聽日你返公司，HR出封email講公司「反對性向歧視，各位同事請自重」。你即刻屁都唔敢放一下，然後咪又係乖乖地哽左佢，慌你呢啲小人物敢帶頭罷工咩？我唔係遊行的搞手，但我都識少少政治，香港的政治從來唔係我地呢啲蟻民話事，只要搞掂政府同埋財團，有咩政策推唔到？而政府會理你的感受嗎？社會反高鐵反三跑反港珠澳大橋，咪又係一樣上馬？要是你真的認為自己可以代表社會說話，少年，你太年輕了。
#奴性
#真係唔需要討論領養咁遙遠
#自己都養唔掂啦仲領養
#依家啲樓得嗰二三百尺狗都養唔到
#呢篇文主旨係想話啲人係幾咁虛偽
#為左達到目的可以任意消費別人的不幸
#當婊子還想拿貞節牌坊
#祠堂都拆埋你呀
#個天線寶寶做地產
#所以留言我先會咁樣串佢
#地產佬真係掂嗰批好疊水架
#戴頭盔
