居家抗疫 兩個月減12磅
有個人，居家抗疫半年，又漸步向中年，慢慢胖起來，肚腩越來越大。
見老婆的起心肝做運動，諗住陪佢，又咁啱時間就到，就每天陪佢跑步，順便打吓卡。
有時同啲朋友傾開，知道大家都減緊肥，會互相鼓勵，分享吓心得。仲同兩個老友約定，幾個月後，以最Fit嘅身形，互相幫對方影輯型佬相。
於是，除咗每朝跑步，仲開始加埋肌肉鍛練，希望燒脂之餘，同時保持線條和肌肉量。
初初減磅都算順利，但係減咗一個月後，開始停咗磅。明明日日努力做運動，都係無咩進展。慢慢開始失落，意志力下降。。。
喺呢個時侯，呢個人作咗一個最明智嘅決定：佢真誠打動咗一位退隱好耐嘅金牌營養師跟進佢。營養師問佢，點解佢咁想減？佢突然張家輝上身：「行得上台就唔好怯，怯，就輸一世。。。我今次真係想搏一舖，型番次呀！」
就係咁，感動咗營養師，破例跟佢進度。
然後，兩個月後嘅今天，上磅，減了12磅。
昨天晚上訪問呢個人，問佢呢兩個月對於自己減肥修線條，覺得有邊三個最重要嘅元素，佢俾咗各位想減肥嘅朋友以下三個最重要嘅貼士：
1）動力
由零開始，至習慣成日常是最難的一步。對於無咩恒心嘅朋友，不妨搵啲志同道合嘅朋友互相勉勵一下。
2) 搵方法
減肥和其他事情一樣，頭一個月志氣高昂，之後慢慢身心適應咗，就會有懶性，或意志力下降。呢個時侯，最好可以有啲改變。如果好迷網，不妨搵健身教練或營養師俾啲意見。
3) 定立合理和長短期目標
好多人減肥，好豪氣會話要減幾十磅，仲要短時間。頭一兩個星期唔見好明顯效果就會覺得減唔到而放棄。
其實減肥係一個好漫長嘅過程，減得快，返彈得快。
所以要保持整個減肥過程有愉快的心情，儘量避免捱餓和過份身心疲累。
仲要買個脂肪磅定時上磅監察磅數。
今天，呢個人生日，只有一個心願，希望玩番晚，食好飲好，然後明天再嚟過 （因為同朋友影型佬相嘅約定係下個月）。
今年生日，呢個人，送咗份最好嘅禮物俾自己。
恭喜晒！
#你有無勇氣踏出呢半步
#願你知每步每步和誰奮鬥
#願你知每日每夜為何戰鬥
#呢個絕對唔係營養師課程廣告
#呢位營養師已經唔接新客
#營養師 #Nutritionist #AnnieLee
呢位營養師已經唔接新客 在 尚營坊- Postingan - Facebook 的必吃
尚營坊健康顧問有限公司『尚營坊』包含著崇尚營養生活的意思，我們深信透過推動營養飲食及體適能運動，可令社會各界人士， ... 為食營養師都忍唔住一啖接一啖咁食呀！ ... <看更多>