明天早上就要搭機飛往日本，期待與在日台僑們見面，分享2020大選對台灣的重要意義。
明天（五）晚上，也會透過直播與台灣的大家空中開講喔！
歡迎大家報名！！！
📌東京場
時間：11/16(六) 14:00~17:00
地點：みんなの会議室渋谷宮益坂3B
地址：東京都渋谷区渋谷1-8-3 TOC第1ビル3階
主辦：基進党友の会 関東支部
協辦：在日台湾同郷会
報名表單：https://forms.gle/jjcR1ndHgSHzK6KU8
聯絡人：林先生 +81-70-4405-1157
#台語演講無翻譯
#活動開始前15分鐘(13:45~)開放入場
#場地座位有限報名優先為您保留座位
📌京都場
時間：11/17(日) 11:00~16:00
地點：ウェスティン都ホテル京都 宴会場
地址：京都市東山区栗田口華頂町1番地
主辦：京都台湾相思會
協辦：日本小英後援会、大阪台湾同郷会、日本台南市後援会、日本台僑李登輝之友會、日本関西台商分会、世華婦女企管協会関西分会、基進党友の会 関東支部
電話報名：許小姐 +81-80-6183-5338 、+81-6-6360-0435
#台語演講無翻譯
台語演講無翻譯 在 講台語的火箭阿伯 吳宗信- 看板TW-language - 批踢踢實業坊 的必吃
https://www.jen-pin.com.tw/doc/2017011717370418
講台語的火箭阿伯──吳宗信
顏之群*全文刊佇《台語教育報》第52期(2016.12)
交通大學的吳宗信教授，佇一場演講內面，全程用台語來紹介in的火箭計畫，引起誠
濟討論，真濟人攏真好玄，想欲知影吳教授是按怎會當用遮輾轉的台語，來表達遮爾尖端
的科技內容咧？
講台語的火箭阿伯──吳宗信
顏之群*全文刊佇《台語教育報》第52期(2016.12)
交通大學的吳宗信教授，佇一場演講內面，全程用台語來紹介in的火箭計畫，引起誠
濟討論，真濟人攏真好玄，想欲知影吳教授是按怎會當用遮輾轉的台語，來表達遮爾尖端
的科技內容咧？
講台語，講『國語』
吳宗信的故鄉是台南的安南區，佇讀國小進前，伊佇厝干焦會曉講台語，讀冊了後，
學校攏用華語上課，雖然同學之間猶是會講台語，毋過上課煞受著誠大的阻礙。伊經過一
冬外的適應，一直到二年才沓沓仔聽有上課的內容。吳宗信大學的時，佇台大已經開始有
一寡學生運動，爭取大學生普選活動，毋過伊本身猶未有台灣意識。上課以外，拍橄欖球
是伊上主要的休閒活動，佮同學之間的交流，嘛是攏以華語為主。真正開始用無仝角度來
思考家己所受的教育，著愛到離開台灣，去到美國讀冊了後矣。
對國外看台灣
1991年初，郭倍宏拄閃過政府的通緝對台灣助選了後轉去到美國，當出名，吳宗信佇
密西根大學就去聽郭倍宏的演講。伊講看郭倍宏生做斯文斯文，看著嘛真將才，家己就咧
想講：「哪會按呢？這个人敢若嘛無成啥物『土匪仔形』。」演講了後，伊加入台灣同學
會、參加讀冊會，對彭明敏《自由的滋味》開始，閣來看史明「台灣人四百年史」等等，
對無仝的角度看著台灣，才發現講「唉呀，予人騙二十幾冬去。」
1995年轉來到台灣了後，吳宗信佮另外二十外个朋友，鬥陣進行「5%台譯計畫」，共
一寡好的作品翻譯做台語、客語，包括賴和《富戶人ê歷史》、翁鬧《天光前ê戀愛故事
》、William Shakespeare《Lear王》佮George Orwell的《動物農莊》等等，想欲透過翻
譯，刺激本土語言的發展。「5%台譯計畫」出版十四本作品，後來因為逐家攏無閒，經費
嘛無夠支持，計畫就按呢停去矣。
對台灣看世界
1998年，伊入去交大教冊、繼續做研究。2005年，政府欲研發衛星載具，幫忙邀請捌
佇NASA(美國太空總署)工作的陳彥升博士轉來主持計畫，伊共這个計畫號做「哈比特計畫
」(哈比特是賽夏語「飛鼠」的意思) ，同時吳宗信佮一群教授同齊協助太空中心，負責
「獨立驗證(Independent Verification and Validation; IV&V)」，針對彼當陣中科院
火箭設計佮測試資料進行分析佮模擬。
2008年政權移轉，「哈比特計畫」喝停，政府無閣繼續推動本土火箭的研發，毋過，
煞拍開吳宗信in這陣科學家實做火箭的大門。拄開始，吳宗信想講好耍，當做迌咧做
，尾仔煞愈做愈專業，誠濟學生、佮古早佇美國留學的時做伙拍拚的朋友（現在做教授）
做伙來參與。拄開始做火箭的時，逐家攏笑in戇，毋過這馬in毋但佇交大成立ARRC(前瞻
火箭研究中心)，嘛證明台灣有才調起造家己的系統。
有袂少人感覺台灣土地細、人口少，事事項項著愛靠別人。毋過吳宗信in這陣中年阿伯，
無欲予這種觀念縛牢咧，in透過火箭的角度，看著頭殼頂彼片曠闊的宇宙有無限的可能，
就看咱按怎去實現。就親像伊佇TEDxTaipei演講最後所講的：「阮絕對無欲放棄，欲離開
地球就著矣。」
講台語，嘛會使
佇TEDxTaipei的演講內面，吳宗信全程用台語來紹介ARRC的火箭計畫。伊感覺佇這款
正式的場合，閣較應該愛用台語，欲予聽眾知影「台語嘛會當講嚴肅閣精密的科學」。伊
講，台語是伊的母語，「這對我來講是上自然的代誌。」對吳宗信來講真自然的代誌，毋
過對伊的學生就無的確矣。吳宗信嘛了解這點，所以伊拄和學生接觸的時會先佮in講華語
，等到較熟似了後，學生有信任伊矣，才聊聊仔透濫台語，學生就較袂排斥。
佇ARRC的火箭頂頭，除了漢字、英語，嘛有台語Hoe-Chin佮客語Fo'-Chien的拼音，
吳宗信笑講，真濟人毋捌，看彼字媠媠閣想講是啥物藝術字，先引起人的興趣，人若來問
，伊才講予知。對ARRC來講，這是家己的文化，嘛是品牌的一部份。透過火箭，吳宗信向
望會當共台灣的想像力揣轉來，建立家己的品牌佮未來；用台語演講，是想欲改變一般人
對台語的觀念，予逐家知影毋管你是佇佗一个領域咧拍拚，講台語，嘛攏會使喔。
--
※ 發信站: 批踢踢實業坊(ptt.cc), 來自: 110.28.146.29
※ 文章網址: https://www.ptt.cc/bbs/TW-language/M.1485138149.A.960.html
... <看更多>