#又嚟得罪PR系列 #非自購 #真感受
多謝Lassana Coffee送嚟嘅榴槤焦糖芝士蛋糕，
仲肯接受未必係全正評嘅食後感，
既然佢哋咁大方，咁我唔怕坦白啲講喇。
開盒好失望，因為唔止香味，
係連乜味都唔係好聞到，
但係一切開就聞到淡淡嘅榴槤香，估佢唔到。
榴槤芝士蛋糕嘅部份有榴槤香，
唔算好濃味，
但總算有榴槤味而且陣味好自然，
甜味喺蛋糕嚟算係唔太甜嗰種，
就算係芝士加榴槤都未至於好漏，
不過芝士味聞唔係好到之餘都食唔係好到，
但淨係講蛋糕嘅部份味道上我覺得算係唔錯。
聽落好似幾好係咪？
但係佢個質地真係幾弊，
佢係重身啲嗰隻芝士蛋糕嚟，
入口好鬼散，一啲都唔團結，
我就算唔話佢嚡佢都肯定唔算滑㗎喇，
嗒落粉感好重，
以芝士蛋糕嚟講呢個質地真係好麻麻地。
最大鑊係佢個焦糖面，
糖落得好重手，
所以糖面好撚厚，
仲燒得黑過頭，
如果夾埋層糖面食真係啖啖都係苦味。
餅底正正常常無乜特別，
係壓得好實切開都唔散嗰種，
又無乜牛油味咁。
報告完畢，
多謝晒！
Express Bar By Lassana
又嚟得罪pr系列 在 騙徒手法層出不窮》 ... - 那火星來的據說是空姐。ah-yo。 的必吃
得罪 人系列又來了：騙徒手法層出不窮》 近日有點一言難盡的煩瑣家事，和友聊起兩年前曾發現「疑似假護膚品騙局」，一直以為已寫過， ... ... <看更多>