Search
＜大帽山山腰，興建酒店？＞
本人在今日從友人寄來的信中得知大帽山山腰興建酒店。睇到當刻心戚戚然，血壓上升！地產商已經去到無所不用其極的地步，一定要將郊野公園剷平，好似填海造地那樣！
好彩城規會在去年拒絕有關興建酒店的項目申請，並於11月的會議上駁回其覆核申請，主要因擬議住宅發展不符合"康樂"地帶的規劃意向。
地產商，為了謀取郊野、填海這塊肥田，一定會再接再勵，好似南生圍發展那樣，遲早一日都會失守的！
填海造地是政府專為地產商而設的。山竹襲港，水淹處處。港人和政府應該要反思填海對香港周遭的環境和生態造成怎樣的影響。
影攝食
20-9-2018
PS
清潔工人、消防員、救護員等，多謝你們在山竹襲港期間或之後，辛勤為港人服務！沒有你們的付出，香港都不知怎樣復原！
#南生圍 #山火 ，社會大眾都唔想，但 #邊個最開心？
#南生圍建業有限公司 有否盡力保育濕地？有否恪守承諾？有必要清晰交待！
#政府態度令人齒冷 #黃錦星 是否失職？大家自行判斷！
#地產小子 #地產潮文 #人民不會忘記 #毋忘南生圍大火 #鄉郊保育 #城市規劃 #房屋 #土地
*****************************************
//南生圍是候鳥棲息的天堂，以及電影和電視劇的取景勝地，具有獨特的生態與旅遊價值。鄺俊宇議員透過傳媒表示，南生圍多災多難，「一時就山火啦，一時俾人斬樹啦，一係個河床無啦啦乾涸」，南生圍的生態價值極高，社會大眾均不願意看到南生圍被發展成為大型豪宅。在徹查南生圍多場山火與保育南生圍的工作中，政府不能敷衍了事。
綜合《蘋果日報》與《明報》的報道，南生圍附近有多幅土地，申請發展作住宅、商場、酒店、老人院等用途，當中南生圍建業有限公司於2016年向城規會申請發展覆核約121.9公頃的土地，覆蓋南生圍大部份地方，涉及約21.9公頃政府土地，其餘約100公頃的土地則由南生圍建業有限公司持有。
根據《香港01》引述土地註冊處的資料顯示，南生圍建業有限公司股東包括老牌家族與著名地產商。公司在其網站表示，南生圍發展會實踐「人類和環境共存生活」，恪守「濕地功能及面積零損失」承諾，讓本土雀鳥繼續棲息繁殖。面對公司所持有的南生圍濕地連環發生山火，難免令公眾質疑該公司有否盡力保育土地、環境和集體回憶。南生圍建業有限公司有必要向公眾交代，並與警方全面合作。
政府除將案件交由重案組調查，就只有環境局長黃錦星一句：「係咪一定要（保育）南生圍呢？」令人齒冷之餘，亦令市民質疑政府只顧發展建屋無視生態保育。面對市民對於保育南生圍與徹查南生圍山火的訴求，林鄭月娥有必要認真處理，以證明政府有實踐施政報告中「保護鄉郊自然生態」的決心。//
【南生圍地權揭秘】
南生圍又離奇火災🔥，愈來愈多公眾開始要求政府進行永久保育。但係尋日環境局長黃錦星立即走出黎撥冷水💧，話南生圍生態價值都冇乜咁重要啫，重話政府唔會收番發展商囤積啲私人地，會影響私有產權同成本貴云云，似乎係度等佢又黎下一次火災，任由佢「自然」燒焦到開發到為止。😟
不過其實好少人留意，如果透過查閱當區地權索引圖，就知其實南生圍有差唔多近半既土地，本身就屬於政府土地黎，根本收都唔駛收已經喺度，位置包括左大家熟悉既橫水渡一帶、部分桉樹廊🌲、大草地、沿著河邊一帶及南生圍東北部出租的活躍魚塘🐟。所以其實收埋其他近百公頃私人土地做保育公園，係唔係想像中咁大規模同咁困難呢?
當然，地產商既南生圍豪宅發展項目涉及天價利益，幾十蚊呎買番黎既魚塘俾佢起到萬蚊呎豪宅，利潤可以上成千倍，但係如果政府用現時甲級農地價九百幾蚊收番，只係賺得十幾廿倍，賺到盡同要將土地利益揸乾揸淨既地產商🤑，又點會肯賺少啲?
政府口中成日話要尊重地權人意願，但係地產商你買左塊濕地魚塘，又唔駛尊重番本身塊濕地既用途架? 在現有規劃制度裡面，你買左一塊地，唔代表你鐘意點用就點用，如果要發展就要事先向政府申請發展許可同公眾諮詢。地產商囤積左既魚塘，我地就老奉批俾你可以起豪宅? 講到底，其實只係一種地權既迷思。
重有，依家地產商成個南生圍發展項目，唔係剩係私人地個部分，而係食哂旁邊啲政府土地既大型計劃黎。點解佢要食埋我地既公家地? 原因係地產商揸手既私人地，全部都係冇馬路入既「飛地」(enclaves)。發展商唔食左公家地，根本就冇路入到去支撐佢咁大型既豪宅計劃。
即係話，只要政府一直唔特登幫佢交換土地，或者唔成日攪公私合營「借啲椅」話起單車徑實質就係起條馬路俾佢，根本俾官地包圍著既私人地就冇乜發展潛力可言，最適合做番魚塘同濕地公園，其實政府收番你塊地，有得套現，已經算係皇恩浩蕩。
俾發展商吞併政府土地就得，但俾政府收番做公眾公園，就話唔尊重地權人意願，咁佢圈政府地個陣又有冇尊重我地公家地既地權人意願?
從南生圍的地權分析，重可以睇到政府其實可以不花一分一毫，都可以保著南生圍。做法好簡單，就係政府將南生圍所有公家地以「政府撥地」方式撥給濕地公園作開放式管理，不容許與地產商換地。只係一個行政程序，就已經包起了所有地產商擁有的私人地及其發展潛力，大大解除南生圍既發展威脅，何樂而不為?🤔
-
參考資料：
蘋果日報：回購保育？黃錦星指12個高生態價值區南生圍僅排第9
https://hk.news.appledaily.com/…/…/article/20180328/58004948
立場新聞：一百億買回南生圍
https://thestandnews.com/society/一百億買回南生圍
--
💰 破解地權之迷 請繼續支持民間土地研究工作
(PayPal、信用卡、銀行過數或支票皆可)
https://liber-research.com/support-us-2/
【旅遊籽:文化地標】
識食當然食海魚，但草根家庭長大，自細多食淡水海鮮，從烏頭、鯇魚、基圍蝦吸取營養，食至牛高馬大才知部份產自新界魚塘，可惜香港養魚業步其他產業後塵邁向黃昏。新界西北魚塘更早是地產商口邊肥肉，他們近年魔爪露出，提出豐樂圍、南生圍發展項目，幸得環保團體負隅頑抗，鄉郊樂土才得以暫留。最近有漁戶與生態組織合作導賞無路可退的魚塘；攝影組合流浪攝多次為這點漁火留影，望能重塑昔日輝煌。漁火成了餘火，只是想保留一點漁鄉故事。
=========
全新副刊，推動知識文化多元。培養品味，立足香港放眼世界。不畏高牆，我們站在雞蛋一方。
《果籽》 栽種品味，一籽了然。 https://hk.appledaily.com/realtime/lifestyle/
