今日睇到網上新聞真係幾激氣，教育局局長竟然認為依家上網課完全唔影響學生進度，所以不會延長授課日數。
昕昕由舊年新年假期到依家上實體課的日數冇100日，學校主科課程雖然係跟得上進度，但如果家長沒有花時間陪溫習或睇功課，冇考試或者評估係睇唔到學生掌握到學咗幾多。
在11月初昕昕學校有進評，普通話不合格，四個主科成績係合格多dd，最好的頂多得40/50，無可否認昕昕學校出卷非淺，而且有部份答案冇選擇提供，靠自己串出來。
背乘數表仍然背得好慢，還記得自己升小二的暑假時已經被當護士的疏堂阿姨叫我背乘數表，加上她的獎勵計劃，所以我總算用心讀書😆
但依家的昕昕每日除了花時間追進度外，還要花時間讀好英文課本內容，佢的英文課文中有些字到我上中學才學（e.g. advertisement），依家的小學英文真係唔簡單，昕昕英文認字能力比較弱，英語拼音班導師仲話佢極需要一對一教導。
昕昕算是較幸運的小朋友，爸爸係教育學博士，我勉強係個大學畢業生，就算停課都可以有父母幫手跟進學習進度和溫習。
基層學生呢？有些學校本身提供功課輔導班俾有需要的學生，又或者有好的老師留下為學生補習，可惜疫情令呢d學生冇足夠的學習支援，有機會影響學習基礎，去年暑假後硬升班令基礎差的學生更難以追上學習進度，有邊個可以幫到佢哋？如果佢哋因為成績差而變成問題學生，教育局點去收拾呢個殘局？
昕昕近日開始返sdm的一對一舞蹈課堂，唯一好處係導師可以專注指導佢本身的問題，其實昕昕的惰性較我細個時更嚴重，有時都擔心佢因為掛住打機和睇電視而荒廢學習，我寧願帶佢去學跳舞或郊遊，起碼可以少d接觸電子產品。
唔知各位父母對於上zoom的日子開始厭倦到點？希望疫情快d過，新年假期後小朋友可以真真正正咁在學校上堂。
#hkblogger #親子blogger #親子日常 #停課的日子 #停課不停學 #停課生活 #COVID19 #sdm
SDM Jazz & Ballet Academie
功課輔導班好處 在 其實補習有好處，都有壞處，這視乎家長認為補習的重要性既 ... 的必吃
補習| 缺點| 好處| 台灣大紀元. 根據調查，世界上最有數學才能的中學生，很多來自補習最盛行的國家。但盛行補習的韓國，學生自殺率卻也是已開發國家中最高的！ ... <看更多>