今日，一家去左香港體育學院玩。今次係我哋第一次去呀，真係大開眼界👀。
首先，係導賞團，我哋參觀咗泳池🏊♀️、多用途活動室、運動醫療中心、健身室。參觀期間，見到運動員練習，佢哋嘅技術令我嘆為觀止，背後一定用咗唔少心機同時間，實在佩服👏🏻。
參觀完，小朋友可以參與「運動潛能大比拼」，測試敏捷度、爆發力、肌力等。測試後，可以根據成績參考表，睇下小朋友水平去到邊。哥哥同妹妹都好有毅力，勇於挑戰，每項都試咗幾次，希望令自己成績提升⬆️。
接住，我哋去玩攤位遊戲，有成13個體育項目咁多，哥哥同妹妹玩得好興奮，差唔多玩晒咁多個項目，當中佢哋最鍾意兵乓波🏓、VR體驗三項鐵人🚵♀️、劍擊🤺、單車🚴♀️，仲挑戰引體上升添。其餘仲有網球🥎、保齡球🎳、草地滾球、划艇🚣♀️、龍舟等等，在場運動員又會教導正確姿勢，技巧。連我同老公都忍唔住要玩埋一份😅。
玩咗大半日，哥哥同妹妹體驗咗唔同嘅運動，而且見到每位運動員嘅成就，都係經過長期嘅磨練。體院提供足夠嘅設施同場地，幫助有潛能嘅小朋友、青少年去發展同培訓，為港爭光🌟。哥哥同妹妹都話希望有朝一日可以加入體院呀，加油啦💪🏻。香港運動員，加油！
【香港體育學院開放日2020】
日期: 2020年1月12日
時間: 11am-6pm
登記連結: https://www.hksi.org.hk/hksi-open-day-2020/
#香港體育學院 #學校體育學院開放日 #假日好去處 #香港運動員
划艇機正確姿勢 在 划船機教學| 標準划行動作 - YouTube 的必吃
讓專業的賽艇教練來教大家 正確 的划船機使用方法https://www.mobisport.tw----------------------------------------全世界最棒的水阻式划船機特殊專利 ... ... <看更多>