//🍲
今次要介紹一間係大角咀既火鍋刺身串燒一條龍既餐廳
之前睇過佢地既炸午餐肉係必食😍
點左一客做頭盤小食💕
外脆內軟 好juicy😳十級推薦🙆🏻♀️
.
湯底我揀左北海道牛乳豬骨濃湯鍋
有北海道牛乳🤤感覺好滋補
真係用一舊舊豬骨熬製架 你之後仲可以食埋入面啲精華😏
入面仲加左粟米、冬菇、芹菜、娃娃菜 味道清甜
想試真啲個湯底 先食響鈴❗️
睇得出係佢地自己整架 好脆好香口😎
打邊爐必嗌既肥牛 佢地係手切架
脂肪分佈平均 好有油香 手切既食落好有咬口👍🏻
海鮮點左蜆、珊瑚蚌、廣島蠔
全部都好新鮮 蜆超大隻😆好有海水味
另外仲點左黑松露鮮蝦雲吞同蟹籽丸
前者好香黑松露味 蝦都好爽口
後者係好少地方有得買啦 食既係口憶🥺
最後仲有邊爐必點既油麥菜同朋友鍾意食既西洋菜
另外打邊爐口渴仲有王老吉🥰仲有竹蓆茅根個啲揀
.
想讚一讚佢地既服務💯
上食物個時唔小心跌左少少 店員之後係會補翻比我地😳
一路食既時候都會成日行過黎幫我地收空碟
感覺上係街坊生意多 同食客都幾熟下 好nice
食飽仲有生果食 不過我地當時趕時間睇戲就冇食到
今次重點focus左係邊爐 下次試埋佢啲串燒先🥳
.
#表叔刺身串燒火鍋 #大角咀 #火煱 #刺身 #串燒 @ 表叔・刺身．串燒．火鍋
