看CV的人 (三)
有冇聽過「劇透死全家」？當年喺戲院睇《屍殺列車》，套戲未做到一半，後面兩條C9已經喺度大大聲傾計：「孔劉好靚仔呀，點解最後要死呀？」
我隔離位仁兄按捺不住，擰轉頭話C9劇透，點知C9咁樣答：「我話佢死之嘛，都冇講佢係點死！」
CV同C9唔同，一早揭開晒底牌未必係好事，應該要有適當嘅留白，咁先至引到班觀眾入場睇到尾。
5) 個人興趣同埋其他無謂嘢唔使講啦
以前做HR，我老細曾經咁樣講過：「求職者嘅CV最好講埋有乜興趣，咁我哋就可以了解佢多啲。」
當時老細拎住一位求職者嘅CV喃喃自語，然後讀到興趣嗰Part：「嘩，鍾意彈琴同睇書，呢個女仔好文靜喎，我哋請嘅Sales要Outgoing，因為大部分時間都出街見客，佢太靜喇，我諗佢未必啱，有冇第二份CV睇下？」
雖然有唔少人覺得CV寫埋興趣係好事，甚至會有行家同埋前輩話我教壞你，但事實係，我入行咁耐從未見過有人因為填個人興趣而贏到份工 (藝術性質工作除外)，相反地，畀人先入為主標籤就見唔少。
咁又有人會話：「唓，上去面對面interview嗰陣，個HR或者Line Manager都會問你有咩個人興趣架啦。」
呢個就係後話喇，起碼你上到去interview先啦！
對方問你有咩興趣，最大原因都係想知你屬於動態定靜態，睇下啱唔啱佢份工，去到嗰陣靜態嘅活動又講啲，動態嘅活動又噏啲，我鍾意睇戲，又同時鍾意打籃球，好明顯係動靜旨宜啦，Teamwork同埋獨處都冇問題喎。
我見過有啲人寫自己鍾意跳K-Pop、馬術、洪拳、塔羅......喂，老實講吖，邊個想知呀？唔通個Manager見到你鍾意K-Pop之後會話：「我又係喎，咁啱嘅，第日一齊跳吖，即刻請你，聽日返工。」
反而Computer Skill就有需要列出，因為係直接影響你做唔做到份工，識得Excel、PowerPoint、Photoshop就寫出嚟啦，呢啲真係有用。
除咗個人興趣之外，地址同婚姻狀況都可以先喺CV留白，唔使畀人標籤你，例如你住葵芳，人哋公司喺灣仔，佢見到你個地區就即刻標籤你住得好遠，但又唔知你原來之前返過柴灣，返灣仔已經近咗好多。
除咗對份工有直接關係嘅資料，其他無謂嘢都試下留白，有時講多反而錯多。
適當嘅留白，仲可以令到對方主動打畀你問嘢，甚至係約你去見工，再用同一個例子吖，人哋見你啲背景同經驗好啱，但唔知你住邊？打嚟問你嗰陣，你已經有機會親口表達：「我住葵芳，不過有車直接到灣仔，一粒鐘都唔使，而且以前返柴灣，所以返灣仔係好方便。」
成件事已經唔同玩法啦。
不過咁，我耐唔耐都會收到啲冇聯絡電話嘅CV，留白還留白，又唔使留到咁白嘅，點搵你呀？
#其實你鍾意跳KPOP關我鬼事咩
#話之你鍾意破地獄吖
其實你鍾意跳kpop關我鬼事咩 在 [新聞] 我古惑但我善良林子善- 看板HK-drama 的必吃
我古惑但我善良 林子善
本新聞轉貼自：忽然一周761期https://bbs.ent.163.com/bbs/tvb/167591152.html
林子善染了一頭金毛到來，差點認不出他。
「知道要做訪問，噚日特登去染 o架！」
情況一如師奶電髮為過年、港女整 gel甲為過情人節一樣。好不好看是其次，最重要是，
大時大節，大家都覺得應該省靚招牌。
一個忽周專訪，在林子善來說，竟似過節。
林子善大爆星爺騎呢面試招
「我呢啲小人物，平時冇乜人醒起，難得有出鏡機會，好應該尊重場合。」
小人物在屯門區長大，老爸經營大牌檔，自細已懂得在龍蛇混雜中分辨三山五嶽。
讀書不成，也無才補天，只好掹江湖大佬車邊。
林子善跟過周星馳、黃子華、苗僑偉，他外貌古惑，因而也擅演古惑。
由《喜劇之王》的「洪爺」到《奸人堅》的「金錢豹」，再由《學警狙擊》的「喇叭」
到近日《老公萬歲》的「華 Dee」，原來連角色名字也很古惑。
「古惑仔都有好多層次，兇人嗰啲無我份，我永遠只係蝦碌嗰隻。」
可不是，這種古惑仔，外表巴閉，實質閉翳。
林子善，人如其名，根本就在演自己。
郭富城嗰啲舞
由細到大，我都好有表演慾。五、六歲，老竇阿媽帶埋我去唱 K，嗰時興郭富城，我就跟
住跳〈對你愛不完〉，居然有板有眼，老竇就諗：「呢條 o靚仔有得做！」
「有得做」嘅意思，即係俾錢我去學跳舞。去社區中心報咗個舞蹈班，一心諗住學郭富城
啲舞。最初學踢腿拉筋，後來 Miss叫我買把扇，點解要買扇？原來我報嘅係中國舞！大
佬呀，又要學造手又要學關目，點頂呀？即刻走頭。
小學五年班，行過屯門大會堂，見到「李氏舞蹈團」招生，個 Miss同郭富城合照，今次
仲唔係教郭富城嗰啲舞？後尾先知，呢啲叫 Jazz。雖然學嘅都係師奶（我當時叫佢哋做
師姐 o架！）但個個都錫我，出去表演，我永遠企中間，所以一學八年。
咪睇小呢類社區舞蹈團，學得幾年，落 D已經無人夠我跳。屯門黃金海岸有一千零一間
disco，我去到好似識發光咁，我有個花名，叫「屯門 Michael Jackson」！
洪爺
好多人覺得我做小人物入型入格，可能因為我真係一個小人物。老竇以前喺屯門開大牌檔
，我周不時落去幫手，差佬同江湖大佬都見好多。
好多「大佬」好錫我，因為我少說話多做事。做得「大佬」，有乜擦鞋仔未見過？我勤勤
力力幫老竇手，佢哋反而好欣賞。我哥哥做警察 o架，全屯門都知，所以一直只係同班大
佬做朋友，無俾人踢入會。
我雖然在古惑圈中成長，但自問無行差踏錯，係無心機讀書。中學讀過元朗伯裘書院，吳
浩康係同學。後來轉去讀海員訓練班，諗住考消防員。我喺同學面前成日扮鬼扮馬，於是
有同學將我啲資料寄去《喜劇之王》演員招募。
面試時我扮一個古惑仔朋友「洪爺」，因為佢無牙，所以口齒不清。人哋講一陣就俾周生
（周星馳）叮走，我講咗幾分鐘，講到無嘢講，周生都只係笑，死都唔叮。可能我唔怕醜
，咁就入咗《喜劇之王》訓練班。
我一直怕讀書，結果都要去上堂。訓練班嘅導師有古天農、鍾景輝，成日講理論，悶到嘔
。谷德昭就擺明吹水，最有料到係詹瑞文，學到嘢之餘又完全唔悶。
訓練班完咗好耐，套戲都未開拍，心諗應該無行，打算幫老師教跳舞。有日喺吳浩康加州
花園屋企燒嘢食，凌晨一點，田生（田啟文）打電話嚟話周生想見我。凌晨一點喎，仲要
出去尖沙嘴山林道，本來唔想去，吳浩康就話：「你去啦，萬一你入到娛樂圈，可以帶挈
埋我！」條友仔一日到黑掛住唱歌，最鍾意扮謝霆鋒。
飛咗幾嚿水的士出去，見到周生，佢第一時間叫我除衫，嘩，嚇得我吖！佢話：「你唔使
驚，『嗰味嘢』我唔啱，想睇下你有無紋身啫！」
我係鍾意扮古惑仔，但唔係壞人。結果，周星馳收咗我，《喜劇之王》真係有「洪爺」呢
個角色。
周生一直好照顧我，佢做到呢個位，會好保護自己，唔容易同人做朋友，但佢心腸好好。
我簽佢旗下五年，年年有人工加，但只係拍過《少林足球》同《功夫》。我拍出面嘅戲，
佢唔鍾意，因為佢知我做嘅都係三、四線角色，驚我俾人用 cheap晒。我始終仲後生，好
想出去闖，○四年約滿之後無再續約，周生都好明白。
屯門「李氏舞蹈團」，據說薄有名氣。「嗰時都仲幾怕醜，比着依家？咁多女發達啦！」
一家四口，哥哥現為警察。
洗頭仔
出去闖，真係闖鬼闖馬！撞正電影市道低迷，連三、四線角色都無得做。拍完《洪興大飛
哥》之後半年無嘢做，最慘係啱啱買咗屯門瑜翠園，同阿哥夾份供每個月都要五千。周圍
見工都無人請，個個見我拍過戲，以為我玩嘢。後來終於喺葵芳搵到間髮型屋肯請我做洗
頭仔，之後又做過 sales，喺尖沙嘴一個特賣場賣 Hip Hop衫。
當時對娛樂圈好心淡，一心諗住轉行，跟咗個師傅學捽碟做 DJ。之後整整兩年都喺夜場
做 DJ，由佐敦做到蘭桂坊，升晒呢啦！
轉做 DJ，真係救咗我一命，起碼有收入，後來亦開始有名氣。出去蒲班 o靚仔，好多都
知我做 DJ，多過知我拍戲。本來無諗住再拍戲，有次遇到曾志偉，佢問我係咪仲在周生
旗下，我話已經無約，佢就話：「唔早講，等我簽你嘛！」
於是乎，我又再「出道」，志偉搵我拍《大丈夫 2》、《臥虎》、《七擒七縱七色狼》。
雖然戲份唔多，但都叫有嘢做，可以賺多個錢。
《喜劇之王》林子善飾「洪爺」，原來真有其人，周星馳也因利乘便，就地取材。
《奸人堅》，黃子華一手把林子善帶入電視台。
再出名門
點解會入 TVB？真係緣份，全因一個黃子華。佢當年喺屯門拍《一蚊雞保鑣》，我住得近
走去探班，就咁大家認識咗。到《奸人堅》開拍，其中「金錢豹」一角，佢提議用我。之
後 TVB就開始搵我，《疑情別戀》、《學警狙擊》、《情人眼裡高一 D》、《老公萬歲》
。
以前唔明咩叫「入屋」，原來真有其事。依家出街，成日俾師奶兜口兜臉「捽」，因為佢
哋啲仔，就好似我咁，古古惑惑寸寸貢，佢哋覺得我好親切。
諗番轉頭，自己其實好幸運。我雖然係做古惑仔出身，但好彩我出自周星馳，成件事只覺
好笑，唔覺 cheap。如果由第二個導演帶出道，林子善呢個古惑仔隨時變成蜥蜴仔！入電
視台更加好彩，跟黃子華喎，已慳番好多做路人甲乙嘅時間。
自己知自己事，我呢類小人物，有個主角身邊嘅位置企下已經好滿足。將來能夠做到黃秋
生當然最好，唔得嘅話， Benz雄（許紹雄）都執到，再唔係，艾威都幾好。
《疑情別戀》，做個患有讀寫障礙的青年，多了很多師奶 fans。
《老公萬歲》，今次是苗僑偉向監製提議用林子善。「拍完《學警》之後 friend咗，三
哥好簡單，陪佢玩就得。」
做 DJ，其實才是正職。《 Face》圖片
對於拍戲，我隨遇而安；反而做 DJ，我希望更上一層樓。拍戲，係人哋搵你先有得做，
仲要分分鐘做啲吃力不討好嘅角色。 DJ唔同，打邊首歌我話事，俾唔俾人跳舞，都係我
話事，好有滿足感。喺夜場入面，我係導演。 DJ界我有個名，叫 Dr. Lam。
我今年廿七歲，打碟最多打到三十幾，都唔好意思再出去呃 o靚妹。所以最近同兩個朋友
成立咗間 DJ公司，旗下主力有三個 DJ，邊間場唔掂，我哋幫手搞番旺。幾開心 o架，自
己係老闆喎！
我鍾意……
像林子善這樣一個人，應該鍾意怎樣的女仔？廿七歲、屯門出身、拍過電影、撈過電視，
正職 DJ、自命潮人……正路應該會選鄧麗欣陳法拉樂基兒； Lavina周秀娜 Angelababy
也有可能。
「我唔鍾意陳法拉，我好鍾意陳法蓉！」說得斬釘截鐵，還一臉陶醉。
「我同陳法蓉拍過套戲叫《四人幫之錢唔夠使》，佢做差人，我做古惑仔。有幕我俾人追
到跌落地，佢第一時間衝埋嚟攬住我，其實我一啲都無受傷，但已經暈晒大浪。」
小人物，小恩小惠都記在心。
「我拍過好多女星，陳法蓉真係絕頂。佢人品好，從來無嫌我身份低微，你接觸過就知佢
正。依家仲愈嚟愈有韻味……」
四十出頭姨姨打低八十後少女，都說世事無絕對。
《四人幫之錢唔夠使》拍於九九年，陳法蓉若知道當年少男仍記着自己，應該會很安慰。
服裝：
撰文：林蕾
攝影：梁幹持
協力：袁家樂
髮型及化妝： Angel Louie
---
原來他真的以前是小古惑仔... XDD
一路走來好辛酸～ 真欣賞他！
--
※ 發信站: 批踢踢實業坊(ptt.cc)
◆ From: 59.121.147.202
... <看更多>