【英國無先達二手佬點算？】
响香港想換電子產品，最討厭一定係要面對同大家收部舊電話嘅先達二手佬！
二手電子產品落地價錢無咗一半或以上，厘一點我相信大家都心知肚明嘅。私人網上出讓價錢可能好啲，不過要遷就時間或者議價。唔好彩嘅遇到驗屍官或者放飛機，就煩到想死！
怕煩揾旺角嗰啲二手鋪，但係就要對住嗰啲嘴臉衰到盡嘅二手佬！佢地好似唔係好明係一個買賣咁，真係當人係乞食一樣。明買明賣，做生意嘅，想賺錢天經地義。何必要做一個咁嘅樣出黎，我就真係唔係好明。
英國要面對厘啲問題會小好多，都係兩個選擇：私人網上交易或者去CEX（連鎖二手店）。私人交易其實同香港差唔多（煩），但係二手鋪就好唔同。厘樣就抵人地可以做到全國性三百幾間分店又Franchise ，香港嗰啲就屈响旺角間舖仔比天價租。
概念好簡單，新淨有盒連配件嘅就係grade A，無盒嘅係B，無盒又花又舊嘅係C，爛同壞嘅就唔收。回收價網上有晒（四折或以下），現金就小啲，voucher（用黎再幫襯）就多十幾個percent。放低45分鐘check機，無問題就email confirm轉數或者voucher。只有價錢啱唔啱，完全無氣受。如果要買嘢，乜grade都有24個月保養，14日免理由退貨。
零售生意比咁嘅租，緊係情願賺小啲都要貨如輪轉。如果又要款新又要新淨，又比你咁到水魚，有幾多次機會？賺盡一次半次，但係輸咗個客輸埋個客把口，咪慘過乜！要賺就係賺多一個客，而唔係賺嗰一千幾百！但係全個先達明白嘅，可能得幾個，而嗰幾個一早發咗啦！我真係識一個，上面講嘅嘢就係佢話我知嘅。
#英國嘅二手佬
#賺差價贏方便
#十幾年全英國
#香港嘅二手佬
#賺多啲啲差價
#十幾年响旺角
全國電子 退貨 理由 在 全國電子退貨理由2023-在Facebook/IG/Youtube上的焦點新聞 ... 的必吃
全國電子退貨理由 2023-在Facebook/IG/Youtube上的焦點新聞和熱門話題資訊，找全國電子退貨ptt,全國電子退貨理由,全國電子終身保固取消在2022年該注意什麼？ ... <看更多>