關於 儲值卡上網 ，我們在網路上蒐集到這些相關的討論、資訊與評價

對上一次去九州，試用了中國移動的數據儲值卡上網，設定方便，上網效果亦都理想。
以這個價錢來講，5日20G 流量，算是一個化算的選擇。
據我了解，這卡在深水埗的店的售價有機會再平一點點。

3香港推出咗全新嘅 DIY 儲值卡，可以俾用家自選數據組合並無合約無行政費，仲可以帶number過台，我哋一齊嚟睇下！

3香港DIY儲值卡可以俾用戶按需要選擇年、月、日服務組合，彈性十分高。而佢提供嘅 4.5G 全速數據，速度絕對唔係問題。申請手續以至俾錢亦都十分方便，大家只要下載 My3 app，就可以喺App入面轉埋台，唔使落鋪頭做！App入面亦可以隨時增值，查閱同管理數據服務組合，或選擇連結信用咭，設定自動轉賬。各位用家仲可以隨時購買外遊數據，方便出國。另外，呢張DIY儲值卡嘅用戶可以互傳數據或語音，有時就算唔夠數據用，都可以問朋友「江湖救急」先喇！

除咗傳統嘅實體 Sim 卡之外，呢張 3 香港 DIY 儲值卡支援 eSIM，配合支援 eSIM 嘅電話就啱哂。計劃上，佢有分 24 小時、30 日、同 365 日選擇。24 小時計劃提供 1GB 全速數據，包 500 分鐘香港通話，收費HKD$10。30 日計劃就可以選擇 2GB、12GB、20GB、及 36GB 唔限速數據，收費分別係 HKD$50、HKD$100、HKD$150、HKD$200，包 1000 至 5000分鐘香港通話，20GB 同 36GB 計劃仲可以使用「歡樂通宵」時段，夜晚11 點至早上 7 點可以任用數據。

至於 365 日計劃，用家可以選擇 12GB 本地數據 + 12GB 社交數據，或100GB 本地數據 + 20GB 社交數據，收費分別係 HKD$120 同 HKD$270，包「歡樂通宵」時段及香港通話1萬分鐘，兩個計劃除返開都只喺每個月 HKD$10 同 HKD$22.5，絕對係超值選擇！

呢張 DIY 儲值卡係由 3 香港直接提供服務，可以話係信心保證！唔想俾合約「綁死」，又想 Keep 住 Number、同希望手續方便嘅朋友，就十分適合。

CSL 最近推出左全新幾款新嘅儲值卡，標榜有啱學生用嘅卡，專為父母而設嘅plan，特別為高數據用量又中意打機嘅朋友而設嘅卡等等幾款，究竟抵唔抵用呢？今日就同大家睇下！

首先要介紹嘅係學生4G儲值卡，適合一啲數據用量比較低嘅朋友，除咗初中同小學生外，其實老人家都一樣啱用。呢款學生儲值卡只需要$38 一個月，就開到限速384kbps嘅無限數據，每月仲送 500 分鐘通話時間，對於一般通訊就夠用有餘喇。

另一款要推介嘅係爸媽4G儲值卡，雖然叫做爸媽儲值卡，但我就反而覺得5呢張卡啱晒鍾意出門但又唔多用數據嘅朋友用喇！呢張卡售價係$78，入面有足$78面值，換句話講可以將$78蚊用落漫游數據度。最吸引我嘅係呢款包括中國，澳門、台灣、日本、泰國、南韓、新加坡、馬來西亞、印尼、越南等地方嘅漫游數據組合， $48就有 1.5GB，有效期365日。如果出咗門都係想keep住whatsapp唔失聯，唔會成日睇facebook同youtube，其實1.5GB數據就可以用到好多日，唔洗下下用日費日日計！用唔晒仲可以留番下次trip再用㗎！