終於由香港返到嚟東京，諗住循例打開信箱清一清冇用嘅傳單（チラシ）個人已經病病地冇咩意識，一攞起就順手放入個旁邊個回收桶入邊🤦🏻♂️🤦🏻♂️摸多兩摸覺得今次啲傳單紙質點解咁落本，咁厚嘅？先知道原來係公司同事寄來嘅年賀狀（ねんがじょう）
唔怪得知公司之前send email公開晒全同事嘅地址！我嗰時有問到點解會咁無私隱，原來個用意係咁樣😂😂之前都有期間限定好友係旅遊期間寄咗張俾小弟，今次一大疊年賀狀都幾意外😏以為又係只係例牌寫兩句「來年多多關照」「今年繼續努力」但原來亦有一啲比較港式嘅祝賀說話😱😱😱而大老細喺年賀狀上面更寫住期待我嘅成長，搞到我有少少sam hui......
不過講到最鍾意嘅就梗係 慧ちゃん的日本奮鬥育兒日記 同安梨妹妹張超可愛自製年賀狀啦！！究極級趣緻～😘😘😘下年都記住寄俾我收藏啦～
