💟 心靈系列 💟
無論愛情或日常生活中，
當你總係問⋯點解自己會遇到咁多仆街⁉️
其實你反而應該問自己，
你夠料遠離啲仆街未⁉️
你夠料吸引真正嘅筍盤未⁉️
所謂嘅夠料，咪即係自我Upgrade，變得夠優秀，
足以同高質素嘅人產生同等水平嘅互動；
只要你嘅眼光夠好、底線夠高，
你自然就會識得排除嗰啲質素低劣嘅人。
可惜，若然你Level 唔達標嘅話⋯
就算你好好運，個天比你遇到條件好好嘅人，
你始終都係無本事留得住⋯
Level 唔同始終都係Level 唔同，
唔使幾耐你哋就會不自覺咁逐漸排斥對方，
而你⋯最終咪又係一切歸零⋯又再返回原點⋯
繼續舊時嘅生活⋯繼續遇到啲仆街囉⋯
一直停留喺依家嘅Level，就算遇到都唔方係好嘢⋯
要提升自己嘅質素同價值，唔好一味掛住留戀目前
眼光要放遠啲，企高啲先可以睇得更遠㗎嘛⋯
昂首挺胸 🆚 卑躬屈膝⋯視野都相差一大截啦⋯
吓吓都要低炒咁擔高頭望，點會唔攰吖⋯
仰望，總係令人覺得眼前嘅嘢好似特別吸引⋯
喂‼️只係好似咋‼️JUST FEEL‼️NOT REAL‼️
只有好好增值自己，先可以遇到更好嘅人。
當你身在高處，就能夠望得更遠⋯
眼前嘅所有嘢都會唔同哂，到時你再回頭一望⋯
之前嗰啲仆街，其實什麼都不是‼️😌
咁你依家明白點解自己總係會遇到啲仆街未⁉️
#與其每日卑躬屈膝 #不如早日Level_Up
#係時候告別19好好迎接20啦 #共勉之
