《第一次搭叮叮》
♂：早晨
♀：早晨
♂：岑雪兒，我好掛住你啊……
♀：掛住我乜
♂：好多喎，你想我逐點講你知？
♀：免喇，肯定無好野講，你成日都蝦我
♂：今日係唔係又見你唔到啊？
♀：乖，唔好咁痴身啦你，呢d野應該係我做先係嘛！
♂：我有冇同你講過我都幾女人
♀：睇你寫野都感覺到，但估唔到你真係咁女人
♂：喂我有個哲學題想問你，一個男人，佢鍾意一個好似男人既女人係同性戀，定係一個好似女人既男人先係同性戀呢？
♀：定義黎講應該係後者
♂：但佢對於男人係完全無好感，要佢都覺得外表好女人既先會鍾意喎
♀：咁應該唔算掛
♂：我尋日睇左篇新聞，有個男人扮係TB去溝一個Les既，然後入左房先知佢真係男人，呢d真係新聞，完全係聞所未聞，我寫故事都唔夠膽咁寫
♀：證明你份人仲唔夠天馬行空，欠缺想像力囉
♂：咁我檢討下……
♀：其實呢……以前都有女仔鍾意過我
♂：唔出奇啊，你咁靚，男女通殺都好合理
♀：係嫁，以前我讀書係街都成日比人搭訕嫁
♂：我以為你係個種唔喜歡人地話你靚既人
♀：有段時間我都真係想人睇多少少我既內在美，個陣我特別唔打扮自己添，依家諗返真係覺得好傻
♂：靚咪靚囉，好客觀既事，我對於一個天生就靚既人強調自己唔係靚呢件事，會覺得好虛偽，謙過頭就係假喇
♀：我覺得人地只係講靚，只不過係內在美唔夠，當你內在美強到人地要讚嘆，覺得你再靚都無內在咁有講既意思時，先係最成熟既做法
♂：之前我睇過一套漫畫，有個平凡人好努力，佢問如果遇到一個同自己一樣咁努力既天才會點，答案係無解，依家我面對你就好似面對一個永遠都追唔到既目標一樣
♀：咁你有冇諗過，有醫生有律師有富二代有富一代溝我，但點解我最後都揀左你
♂：我有諗過，但我諗唔到答案，連我都說服唔到自己
♀：因為你比到我好需要但又從來搵唔到既野我
♂：咁係咩呢
♀：自己參透啦，如果你自己搵唔到個答案既話，我會好失望
♂：其實我覺得自己好平凡
♀：係，你個人睇落好自信，但心底裡好自卑，雖然你無講出口，但我感覺到，頭先你講既天才問題，唔係無解，每個人都有長處，呢樣你未必鬥得過佢，但可能係另一方面你比佢更有天份，人生唔係只有一條路，大家一定要賽跑嘛，做人要開心，最緊要係搵到自己適合既位置
♂：適合既位置……呢句講得幾好，等我記低佢先
♀：收你版稅啊！
♂：喂，咁今日係咪真係見你唔到
♀：我係中環收十一點
♂：我過黎搵你
♀：搵我做乜先，我有野要返屋企拎，聽日要帶去做野
♂：咁我送你返屋企啦
♀：真係送我返屋企？一陣返到去你又叫我去你度啊，我睇通左你喇！衰人！
♂：真係送啊，我對天發誓！
♀：好啦，你唔介意陪我一段路就可以
♂：等我安排，我十一點前到中環啦
♀：喂，我收工喇，你係邊？
♂：置地對出
♀：行緊過黎
♂：點啊，今晚呢個第一次特唔特別
♀：真係估你唔到……不過真係幾特別
♂：有人第一次見，特別唔搭電梯拖長個見面時間，咁我揀個龜速交通工具都係學你姐
♀：入秋喇，今晚無咁熱，我聞到秋天既味道
♂：如果太熱我唔會同你搭電車囉……一陣成身汗就難搞
♀：你覺得我地可以有幾多個第一次呢？
♂：理論上係無限既，有些微變化都會變成新既第一次嘛
♀：係，就算做同一件事，只係當中講左一句好特別既野，呢段記憶都可以好新鮮
♂：同你一齊我唔怕會厭，做乜都好開心咁
♀：你個衰人，做乜要發誓呢！
♂：等你今晚會掛住我囉，有時唔見比見到更令人難忘
♀：我真係鍾意同你send msg多d
♂：或者我長處就係打字喇
♀：其中之一
♂：原來我有咁多長處！！
♀：讚壞左你！唔講喇，晚安！
♂：晚安，我都好掛住你啊岑雪兒
♀：都……用得好
第二部的最終回見面版已上載Patreon，連結
https://www.patreon.com/....../chang-qing-bu-di......
四條仔去Staycation的上篇都在patreon可以觀看
中篇 響30 晏少少更新
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
係喎意思 在 Re: [問題] 廣東話的各種語助詞? - 看板HKMCantonese 的必吃
呢個係進階班上堂用既講義,希望對你有幫助
下面既尾音詞只係基本的部份,其實還有一大堆...
一、尾音詞介紹
常見尾音字舉例：
１. 呀：常用尾音字，基本上沒有特定的用法。
例：“點呀？ 近排忙唔忙呀？”
“幾好呀！ 都算係咁啦。”
２. 啦：同上，用途非常廣泛。
例：“是但啦，總之搞得掂就ｏｋ啦。”
“咁．．．我儘力啦。”
３. 咩：一般用於問句，比較有疑問的意思。
例：“乜我?唔係約左７點半咩？”
“係咩？ｓｏｒ呀，我記錯時間添。”
４. 喎：常用字，比較有感嘆的意思。
例：“睇你個樣，近排都應該撈得幾掂喎！”
“邊係呀！我覺得你仲掂過我喎。”
５. o既：────────
例：“結果係咁都唔出奇?，鬼叫佢自己唔把握機會。”
“你咁講都幾??．．．”
６. 囉：────────
例：“我終於都趕好份講義出黎啦，勁辛苦囉”
“係呀？咁咪幾好囉。”
７. o架：───────
例：“世界上係唔會有免費午餐o架！”
８. o者：────────
例：“究竟公子同阿邊個邊個而家點o者?”
９. 添：表示驚訝、強調、誇張，也帶有祈使、希望、請求的意思。
例：“弊啦，唔記得要去練波添！”
“咁你趁而家仲趕得切，快?趕過去啦。”
１０. 先：常用於問句，比較有質問的意思。
例：“而家咩事先？ 想點先？”
“冇事啦．．．唔好意思。”
二、練習題
１． 請問而家幾點＿（喎／呀）？
２． 唔坐多陣＿（囉／添）？
３． 咩黎＿（架／o者）？食唔食得＿（咩／架）。
４． 係＿（喎／先）！點解我咁都諗唔到＿（呀／架）。
５． 咩事＿（o者／o架／添），講黎聽下＿（啦／o者／呀）。
６． 點解咁（啦／o既／喎）？唔係好明＿（喎／先／架）。
７． 我地今日唔係要練波＿（啦／咩／囉）？
８． 係＿（o者／囉／o既），最衰都係佢！
９． 有冇搞錯（呀／先／咩／添）！咁都唔得．．．
１０． 一陣要上堂，遲?再傾（添／啦／呀／架）。
１１． 係＿（咩／呀／先／囉）？我唔知＿（先／喎／o既／o者）。
--
天地南北 問乾坤
何處 可容狂客? ╭──╮
│逍遙│
│公子│
╰──╯
--
※ 發信站: 批踢踢實業坊(ptt.cc)
◆ From: 140.112.250.183
... <看更多>