關於 你又知唔知gk無廠會翻現成有版權嘅gk㗎 ，我們在網路上蒐集到這些相關的討論、資訊與評價

一直想講，其實你哋一直買到既應該叫做「雕像完成品」，係因為易記易讀同生產方法一樣先索性全部叫 GK～

真正嘅 GK 應該係當年我地讀書時期玩哩種，由個原型師自己雕、倒模的白件製品，之後我哋買返來仲要自己鑽銅支、打磨、上色，雖然好多工序但玩得好開心，我果陣仲特登去跟人學雕原型，雖然大部分都係我自己練返來，但都叫有能力自己雕到一隻 figure 出來，哩個亦係我而家買 GK 有爛識自己修理嘅原因～

但你哋唔好以為哩類白件嘅質素同平時你哋睇我開果 d GK 一樣，哩類白件由於多數係自己買料倒模，d 料靚好多，你用力掉落地都未必爛㗎，唔會好似而家 d 成品咁大力少少揸都有機會斷，亦都因為因所以哩類上色成品先做到咁平價錢

不過時代進步咗，而家好多人都興即食，為搵食好多造型師都開始搵 d 細廠做少量產，直接出一隻上左色嘅完成品，道理就好似以前高達得模型，但後來會出埋 Metal Build 一樣，不過雖然話量產，但最多都係三兩百隻，我都唔明 d 版權 L 成日懶清高咁喺度嘈咩？你手機個漫畫 app 你有比錢逐話買來睇？你去同人展嘅產品都係咁上下數量，又唔見你去現場講？定驚到時比人圍所以只係敢喺屋企使鍵盤戰士？

唔否認現在好多 GK 都係無買版權出既，但點解你唔諗諗咩原因日本剩係掃過老翻高達而從來無掃過大陸嘅 GK？

一來你未搞清楚咩係翻版，你搵唔搵到同隻 GK 一模一樣嘅官方產品先？

二來係官方都講過數量太少對佢地無影響，仲反而有宣傳作用呀～ 同埋有好多 GK 設計師因為作品優秀所以比日本果邊邀請過去做嘢，但大部分都拒絕咗，而家係直接同官方合作出有版權雕像，哩 d 你地又知唔知？唔好一味未搞清楚就喺度鬧，覺得自己買版權嘢好高人一等啦，係咪一定買 GK 嘅玩家就唔會買版權嘢先？我諗我倉入面嘅版權物多過你幾倍呀！

好老實，哩篇嘢我係睇完條片諗起我以前砌 GK 感觸而講，講講下唔知點解又去到版權個話題，本身無諗過理 d 無聊人，因為照版權 L 嘅角度，我應該係連買官方版權物拍開箱片放上 YouTube 都唔得既，因為我無比到版權費但用個角色拍片放上 YouTube 賺錢，咁以後 YouTube 無哂開箱睇㗎喇！～

成日話香港唔比機會創作者生存，而家人哋好用心咁設計一件作品量產果一百幾十隻你班版權 L 就為咗自我感覺良好係度屌，係喇，知你會買版權物好叻喇！得未？
「GK 都有版權嘅咩？」哩句都講得出口就知你班友有幾無知，Prime 1 果 d 係咩？XM 果 d 又係咩？

但第二樣唔否認嘅係香港愈來愈多 GK 代理，開始高調，我想搵間有白件賣都難，我亦知香港好多 GK 玩家都有睇我，所以我都唔想大家以後無嘢玩，之後我會開返多 d 有版權嘅產品，唔係怕咗 d 版權 L 又或者好似其他咁想 R job，我係想同好多人講其實官方嘢有時都會有正嘢的，我自己都買咗好多，係無時間拍片啫⋯⋯

#我買版權嘢多過你班友呀
#我有料有機器自己做倒模算唔算Productline？
#同人搵印刷印書印海報間印刷算唔算Productline？
#你又知唔知GK無廠會翻現成有版權嘅GK㗎？
#就算間中有廠敢搏都無人買
#D玩家會插到仆街你又知唔知？